توظيفت في القطاع الخاص من 2005 م وخبرتي كلها بالموارد البشرية لغتي جيدة ولا اعاني في وظيفتي لكن بصراحة القطاع الخاص لوحده لا يكفي ، يكفي اضطهاد الدوام الي حتى الخميس نص دوام
افكر بجدية اني اقدم على اجازة بدون راتب بعد ما اعدي فترة معقولة في الشركة الجديدة الي راتبي فيها يوصل السبع الاف ولا احس فيه بركة يكفي ان كلها هنود والهندي فيها هو الملك بحكم ان المالك المستثمر هندي ، بصراحة احس اني لو اروح اشتغل في الخضرة بيرزقني ربي اكثر وبرتاح من دوام ما القى فيه شغل يشغلني الا خمس ساعات وثلاث ساعات تروح عل الفاضي لا انا الي قدرت استفيد فيها وازيد دخلي ولا انا الي حللت راتبي

اقول لمن لم يبدأ بالعمل وليس امامه الا القطاع الخاص وربي سيارة حوض ونزلة فجر لسوق الجملة للخضروات وحركة ترويج لما اشتريته وبناء علاقات مع مطاعم وكم خضار تدخل لك افضل من القطاع الخاص وتاخذ من يومك اقل من ست ساعات وترجع لاهله وتشوف امورهم وتقدر العصر تطور نفسك لو تلتحق في دورة ولا شي ، السلبية الي احاتيها هي التأمينات الأجتماعية كيف اقدر اسجل نفسي وانا اشتغل حر ومالي سجل ولا شي ، تنصوحني افاوض الشركة اني اشتغل لهم عن بعد
وبثلث او نصف الراتب خاصة ان شغلتي تحصيل فلوس من جهة حكومية وبطريقة ماهي مهقدة لكن تحتاج جهد ووقت وهم محتاجيني عشان استفيد من التأمينات واستفيد من الكم الف الي تجيني منهم
والله محتار بس بصراحة بعد عمل ست سنوات بالقطاع الخاص وخاش بالسابعة احس ان هالقطاع ضياع للعمر وحسرة وقهر والي ما جرب التجارة حياته خسارة في الخاص .

ما عمري مريت على قطاع خاص الا شفت فيه شي يقهر وانواع الظلم وانواع التلاعب والكبار ياكلو
جهد الصغار ولا في امان وظيفي وبصراحة خسارة اكد واتعب سبع ساعات واجيب ملايين من صندوق الموارد البشرية لهم ولا ينولني الا راتبي الي ما فيه بركة

شوركم يا اهل الخبرات

حبيبي أنت وعيوني .. والله إني مقدر وضعك لأني أشتغلت في شركة بجدة لمدة سنتين .. وصراحه كان الوضع لايطاق !

تخيل السكن .. مع مصاريه وبنقال .. قلت تبطون وروحت إستأجرت شقه لحالي والراتب زي وجيههم .؟.

المهم مره نسيت المفتاح بالطايف حق الشقه .. وانا توني واصل .. والله نمت بالسياره لين الصباح وابغى أستأذن اروح اجيب المفتاح .. يقولي لا !!

بس ترى الدنيا لابد لها من تعب يعني الصبر الصبر والله يعينك

شـكرا لك وبارك الله فيك... لك مني أجمل تحية .

موفق بإذن الله ... لك مني أجمل تحية .

موفق بإذن الله ... لك مني أجمل تحية .

ياناس والله مشكلة حنا بـ 2012 الى متي وحنا نسمع بالرواتب هذى 7 8 9 اللحين 10 ويالله كل شي فوق فوق
واصحاب الشركات يسافرون وفالينها والصغار هم اللى يكرفون بالعكس المفروض انا اهتم بالصغير قبل المتوسط والكبير لانه هو اللى يرفعني...تبا لهم يجيلهم يوم

انصحك نصيحة مافيه افضل من الاعمال الحرة
ادخل في التجارة شف لك شغله انت تجيدها وعليها طلب وافتحلك محل والله يافيها رزق وشوف الأجانب عندنا تلقاه فاتحله محل وجايب كل اللي يعرفهم ومشغلهم عنده بس اهم شي تقابل حلالك بنفسك ولا تسلمه للعامل ، وان شاء الله قريبا سوف افتتح محلي