السلام عليكم كفاية خلاص من القطاع الخاص ظلم وقهر واستعباد والرزق في السما والمطلوب الحركة يروح من يومك ثمان الى تسع ساعات وانت دخلك يتحكمون فيه والي تحققه ربح يروح لبطن الشركة بصراحة خلاص سألت وفكرت والكل قال سوق الخضار رابح حتى الهنود اسولف معهم يقولون لي والله انك تعيش وتدخل افضل من اي عمل افكر اجيب خضروات من المنطقة الوسطى والقصيم من المزارع وابيعه وانا واقف الصباح بسوق الجملة وادخل رزقي وارجع استرزق بمكان ثاني بالتخطيط للتوسع مثل التوزيع على المطاعم والمحلات الخاصة بالخضرة بالسعر المغري والي فيه مكسب ولو ريال واحد لكني احتاج بالبداية شغل كثير انزل سوق الجملة وادرس الاسعار وادور عن مزارع واشوف شباب عندهم سيارات حوش يشاركوني بسيارتهم ( لقيت واحد ) ودام راس المال الي تقدر تبتدي فيه الفين ريال ما راح تندم لو خسرت التجربة مربحها بعيني اكبر من هالمبلغ ..

بصراحة اتمنى شباب سعوديين عندهم محلات خضار بالخبر والدمام اتعامل معاهم واضمن لهم افضل الأسعار وبعيد عن جشع الموزعين ولا اصحاب مطاعم وبوفيات اورد لهم ، وحلمي اسوي رابطة الشباب السعودي للخضار فيها شباب من كل مناطق المملكة يعملون داخل تكتل واحد والمصلحة للجميع ونستفيد من تفاوت الأسعار هنا وهناك يعني شخص مثلاً يقول لي السلعة المعينة وصلت بالسوق الفلاني هالسعر وانا عندي ارخص اشتري من هنا واروح ابيع جملة هناك والعكس .. اخ بس لو نقدر نحط يدنا بيد بعض ونبني قاعدة بيانات تحدث يومياً او كل ثلاث ايام فيها الاسعار والمناطق والنوعية والي يقدر يطلع على هالأسعار لازم يكون من المجموعة الي اسستها فقط وممكن في المستقبل هالموقع يتنوسع ترى المعلومات والبيانات المحدثة والدقيقة تجذب لانها راس مال وبرضو بنلقى عروض من ناس بالخارج تحاول تورد لنا للاستفادة من هالأسعار بس اتمنى اقدر اجمع شباب عندهم الفراغ والامكانية والرغبة والخبرة البسيطة ونبدأ مليت وربي الراتب الثابث وملينا الخضوع للاخرين عشان زيادة ولا مرتبة ولا بدلات مستحقة تعبنا وهرمنا والتجارة فيها كما قال الرسول صلى الله عليه وسلم تسعة اعشار الرزق فيها كل الي علينا حركة الفجر الى الظهر بس
وترجع ان شاء الله بدخل يومي احسن من الف وظيفة في القطاع الخاص

الحركه فيها بركه


الله يوفقنا وياك اخوي

اسئل الله الكريم رب العرش العظيم ان يفتح لك ابواب الرزق ويوفقكك

وعليكم السلام ورحمة الله وبركاته ..

شي عجيب كل سعودي يبي يبدي أول مشروع لـه قال خضار وخضار <~ بعرف ليش الخضار ..؟

أنا عندي لك مشروع يكسب ذهب أحسن من الخضار وغيرهـ .

أشتر لك كم بقي ( دباب ) نقول شريت 4 .

تروح اماكن الأستراحات للعوايل وتأجر البقيات .

لو كل يوم تروح بيطلع لك خير ..

أنا بتكلم بنسبه للكويت أيجار البقي الواحد بساعه 4 دينار كويتي

عندك 4 بقيات لو كل بقي تأجر منك باليوم ساعتين 4ضرب 2 = 8 ضرب 4 دنانير = 32 دينار كويتي

32 ضرب 30 يوم = 960 دينار كويتي !! وعلى حسب كمية البقيات اللي تبي تشتريها وعلى حسب أيام العطل وغيره ..


وفقك الله لمايحب ويرضاهــ

الله يوفقك و يرزقك و يرزقنا

تقدر تكون الرابطة عالفيس بوك او هنا في المنتدى تفتح موضوع بإسم رابطة شباب سوق الخضار

عجبني حماسك الله يبارك لك

الله يوفقك ويرزقك ويبارك لك

اخي العزيز يمكن يكون مشروع البقيات مربح مثل ما تقول بس اعتقد ان ما يعطونك رخصه لتأجيرها عند الاستراحات او داخل المدن . وإن فكرت انك تسوي هالمشروع عند البحر في الهافمون راح تشوف هناك مليون واحد عندهم هالمشروع .

انصح بدراسة المشروع من كل النواحي قبل المغامره

اقتباس:

المشاركة الأصلية كتبت بواسطة مستر جلطه وعليكم السلام ورحمة الله وبركاته .. شي عجيب كل سعودي يبي يبدي أول مشروع لـه قال خضار وخضار <~ بعرف ليش الخضار ..؟ أنا عندي لك مشروع يكسب ذهب أحسن من الخضار وغيرهـ . أشتر لك كم بقي ( دباب ) نقول شريت 4 . تروح اماكن الأستراحات للعوايل وتأجر البقيات . لو كل يوم تروح بيطلع لك خير .. أنا بتكلم بنسبه للكويت أيجار البقي الواحد بساعه 4 دينار كويتي عندك 4 بقيات لو كل بقي تأجر منك باليوم ساعتين 4ضرب 2 = 8 ضرب 4 دنانير = 32 دينار كويتي 32 ضرب 30 يوم = 960 دينار كويتي !! وعلى حسب كمية البقيات اللي تبي تشتريها وعلى حسب أيام العطل وغيره .. وفقك الله لمايحب ويرضاهــ

[align=center]
اعقلها وتوكل فثلثي المال في التجارة .. اذا كان عندك رأس مال توكل على الله بدون تردد
عموما انا بفتح محل خضروات في نهاية ربيع الأول ان شاء الله وهذا المشروع بيكون اول انطلاقه لي لأني ان شاء الله من مدخول المحل راح اشتري شاحنة كيرة ( ثلاجة ) وباخذ الخضروات من الرياض الى الشرقية بأذن الله وهكذا ..
[/align]

عسى الله يوفقك

ربنا قال اسعى في طلب الرزق

انت دور لك وظيفه وبيع والتجاره فيها ربح

وكما جاء بالاثر عن الرسول صلى الله عليه وسلم مدح التجاره قال فيها (عليكم بالتجارة فإن فيها تسعة أعشار الرزق)