مرحبا جميعا

طبعا امس رحت لمعرض لقاءات ..على رغم اني كنت جاية من سفر بس ما حبيت افوت الفرصة و خاصة انه ليه علاقة بحافز >>> وحدة ما تبغى تعطيهم مجال ينطقون كلمة

المهم طبعا انا وصلتني دعوة على الايميل هالدعوة المفروض اطبعها لانه فيها بار كوود فيها بياناتي

المهم دخلت و قلت للي في الاستقبال انا وصلتني دعوة و اخذت مني الورقة و راحت على جهاز و حطت البار كود عليه و طلعت معلوماتي اسمي و ايميلي و اعطوني كرت اعلقه مكتوب عليه باحث و اسمي و ايميلي

و هذا شكله



بعدين قالولي ادخلي صالة 1 ...
دخلت الصالة و كان فيها مجموعة كشكات لمختلف الشركات و البنوك و المستشفيات ،،، كل شركة تسوق لنفسها و شوفي اذا فيه شئ ناسبك ممكن اقدم عندهم و هكذا ...
في البداية حتكلم عن البنوك
هما بس 3 بنوووك بس ما ادري ليش جاية ؟ حسيت وجودها زي عدمه
بنك الاهلي ، بنك البلاد ، بنك ساب
الاهلي و ساب تجي الواحدة عندهم يعطونها كرت فيه موقع البنك و قدمي عن طريقه ...يعني احلفووا
ما احنا ممكن نسوي كذا من غير ما يتعبون نفسهم و يوزعون كرووت ...
اما بنك البلاد يسأل عن التخصص اذا بكالوريوس في مجالات البنوك هلا وسهلا غير كذا ما ياخذون
يعني باختصار البنوك جاية شكل ما تبغى توووووووووووووظف

بالنسبة لباقي الشركات على حسب
فيه ركن اسمه المستلزمات النسائية هذا الركن للي حابة تشتغل في المحلات التجارية كبائعة او محاسبة
فيه طبعا مؤسسات كثيييير و كل واحدة تشوف اللي يناسبها تحط السيرة او تعبي استمارة

المهم بعد ما لفيت و شفت طلعت بالتالي :



اول شئ سجلت بياناتي في شركة توظيف و اعطيتهم نسخة عن سيرتي الذاتية .
كليات الغد الدولية للعلوم الصحية ..قالي فيه وظائف ادارية اذا حابة ..طبعا قدمت و عطيته نسخة من السيرة الذاتية .
الاكاديمية الدولية للعلوم الصحية ..قال في وظائف من محاضرين لادارييين طبعا انا بكالوريوس فاكيد اداريين و قدمت و حطيت نسخة عن السيرة الذاتية .
مستشفى رعاية قال تخصصات طبيه و ادارية فقط ..قلتله انا تغذية و اقتصاد منزلي يعني اخصائية تغذية و قالي اعبي بياناتي داخل كان فيه ممرضة نعبي استمارة و نرفقها بصورة من السيرة الذاتية
المركز التخصصي الطبي ، قلتله انا حابة اتوظف في قسم التغذية >> وحدة عارفة ايش تبغى ما عندها وقت
اول حاجة سالني عنها هي لغتي الانجليش بعدين اعطاني استمارة اعبيها و ارفقتها مع السيرة الذاتية .

و بس
طبعا فيه اقسام و شركات كثيير بين تامين و كول سنتر و حاجات كثيييير بس انا هذي اللي حسيتها تناسبني .

و الله يرزقنا ما نتمنى آآآآآآآآآآآمين

شـكرا لك وبارك الله فيك... لك مني أجمل تحية .
موفق بإذن الله ... لك مني أجمل تحية .

شكرا EXCELLENT على الاجابه انا من الرياض

اكسلنت يعطيج العافيه

الله يوفقنا و اياكم

أنا وصلتني رسالة من حافز عن التسجيل في لقاءات بس يوم فتحت الموقع لقيت التسجيل منتهي

مدري اذا فيه فترة تسجيل ثانية .. وهل له علاقه بإيقاف الإعانة