وظيفة بالامن العام..

الغااااامدي · #1 (**permalink**) 19-01-2012, 02:10 AM

بسم الله الرحمن الرحيم

انا متأسف جدا اني رح اخذ من وقتكم ...
بس والله تعبت وطفشت ...

وابي اللي يقدر يساعدني يساعدني...

موضوعي يمكن يكون مو بمكانه الصحيح .. وليس شحته ... بل معاناه .. وانا اعتبركم اخوه لي ..

بصراحة حالتي ما يعلم بها الا الله ولكن فوق هذا عمري ما مديت يدي لاحد وطلبت مال او اكل او غير ذلك ... اصبر على همي الين يفرجها الله ...

انا شاب عمري 23 سنة وشبه عاطل واعمل براتب 1800 .. يروح منه 500 اقساط سيارة والله يرزق صاحبها السابق تجمل معي بالاقساط .. يتبقى معي 1300 .. ويروح منها 500 ايضا للوالده (( لانها منفصله عن الوالد )) وهي مريضه ايضا .. يتبقى 800 .. تروح في ربع الشهر للاخوان وللديون ... الله يكفيكم شرها ..
وما يجي نص الشهر الا وانا طفرااان ...
والحمد لله على كل حال ..
المهم :: قدمت مرار وتكرار على الوظايف العسكرية والحجة ان طولي ناقص 3 سم ...
وانا اعرف ناس اقل مني بالطول وتوظفوا و الله يرزقهم ..
انا ما ابي حسنة او صدقه ..
ابي وظيفة استر بها نفسي واهلي .. ولا امد يدي للناس ..
وهذه الوظيفه اخدم بها ديني ووطني .. لاني اعمل في مجال مخصص لحماية الوطن .. فهل الثلاثة سم تجعلني اهمل الواجب اللي اكلف به أو اضر وطني ...؟؟؟
فأتمنى من يستطيع مساعدتي أو يعرف احد يقدر يساعدني لا يبخل علي ...
وانا نخيتكم ونصيتكم يا اخواني والله جميل ما انساه طول حياتي لكم ...

واعتذر على الاطاله ولكم خالص احترامي ومحبتي....

أبــونــاديــن · #2 (**permalink**) 19-01-2012, 02:20 AM

[align=center]الله يفرج همك ويقضي دينك ويشفي الوالده ياااارب
وييسر لك امورك ويسخر لك عبااده ياااارب

اخوي الغامدي كل أخوانك اللي هنا لو بيدهم شي كان نظروا لحالهم اول شي

لكن خل أملك بالله اولاً واخيراً وعليك بالإستغفار وبدعاء الوالده

ولا تخلي تقديم الا وتقدم عليه وان شاء الله ربي يرزقك الوظيفه بالقريب العاجل
تابع المنتدى وان شاء الله رزقك اللي ربي كاتبه لك بيجيك

الله ييسر لك امورك ويسخر لك عباااده ياااااارب
بالتوفيق لك [/align]

معك قلبي · #3 (**permalink**) 19-01-2012, 02:21 AM

اهلا اخي الكريم :

اولآ / الله يعينك ويفرج همك وكربتك ويرزقك بالحلآل .. ولا تحتاج مخلوق ويشفي امك ويطول بعمرها

ثانيأ / انا لآاعرف احد ولا املك وسيط .. ولو املك صدقني راح اساعدك " اكثر من الاستغفار وحافظ على الصلوات فان الاستغفار يفتح باب الرزق ويمحي الغدر السيئ لك

ثالثأ / حالتي نفس حالتك وادور بالعسكريه لآكن ماااملك سوى ان ادعوا لك ولي بالتوفيق والوظيفه

تحياتي لك

سكر وسط · #4 (**permalink**) 19-01-2012, 02:25 AM

قدم على الجيش
او خذ لك رقم بالحرس ودور لك واسطه يمشيه

توظف بالعثيم او بندة كاشير
وراتب 3000
او مطاعم الفاست فود
ماكدونالدز او هرفي الخ

متطلع على الخير · #5 (**permalink**) 19-01-2012, 02:28 AM

ما أبي اكثر عليك الكلام

لاكن وصاتي لك صلاتك اخر الليل اسألني انا مفتااااااااااااااااااااح كل باب ..

مواطن معطل · #6 (**permalink**) 19-01-2012, 02:36 AM

الله يوفقنا وياك

غريب الحياه · #7 (**permalink**) 19-01-2012, 05:10 AM

الله يرزقك من حيث لاتحتسب

منارة الذئاب · #8 (**permalink**) 19-01-2012, 06:15 AM

اذا انت با الرياض قدم على القطاعات العسكريه
كلها
وصبر نفسك بشركة ليز با الصناعيه الثانيه رواتبهم قويه6000 الاف عامل انتاج احسن من بعض القطاعات العسكريه مرمطه وبا النهايه 4000 الاف
ولا تنسى تدعي لي