السلام عليكم ورحمة الله وبركاته
^
^
^
^
^
المشروع اللي راح اكتب عنه مشروع صغير وبأذن الله مربح
طبعا المشروع عن طريق النت وينفع للجميع اهم شي يكون الشخص عنده المام باللغه الانجليزيه واذا مايعرف يقدر يستعين ببعض برامج الترجمه
طبعا الكل عارف ان السيارات المستورده من امريكا انتشرت بشكل كبير جدا خاصة السنوات الاخيره سواء سيارات امريكيه او يابانيه طبعا كثيرين راحوا ضحايا هالسيارات لانه يكتشف بعد مايشتري السياره انها كانت ليموزين او كانت شرطه او كانت مصدومه او تالفه وللمعلوميه الامريكان مايصدرون اي سياره تالفه خارج امريكا الا بحاله واحده فقط على انها سكراب يعني لا يطلق عليها سياره ابدا ولو يدرون انها تستعمل كسياره لمنعوا تصديرها لانها بنظرهم مضرتها اكبر من نفعها للاسف عندهم امانه واخلاص اكثر مننا العرب سواء هالامانه من انفسهم او من القوانين الصارمه التي فوق رؤوسهم طبعا السعوديه ولله الحمد ماتستقبل اي شحنه سكراب من اي دوله وخاصة امريكا.لكن المشكله كيف توصلنا سيارات السكراب
توصلنا سلمك الله عن طريق الامارات للاسف التجار الاماراتيين طبعا بعضهم ليس الكل يستورد هذا السكراب ويقوم بترميمه واعادته لسوق كسيارات مستورده من امريكا وللاسف ايضا السوق المفضل لديهم هو السوق السعودي
طيب نجي الحين للشاهد من هذا الكلام وماهو المشروع
المشروع هو كالتالي انك توفر للعميل الراغب بشراء السياره المستورده المعلومات التاليه
-عداد السياره، وهل تم التلاعب به أم لا.
-طبيعة استخدام السيارة، سيارة ليموزين أو إيجار أو إسعاف أو شرطة ..إلخ.
-الحوادث أو الصدمات التي تعرضت لها السيارة.
-الحوادث الطبيعية التي قد تكون تعرضت لها السيارة، كالأعاصير أو الزلازل أو الفيضانات.
-نوع الحوادث، وهل هي حوادث شديدة أو بسيطه، بالإضافة إلى معرفة مكان الصدمه.
-سجل الصيانه.
-سجل تغير القطع و تبديلها.
-عدد الملاك.
-صور السياره او صور لصدمات التي تعرضت لها السياره
المشاكل التي على السياره او على المالك
طبعا هذه المعلومات يجب ان تقدمها للعميل قبل شراءه السياره يعني انت ماعليك الا توفير المعلومات وتاخذ عمولتك
طبعا انا من ضحايا هالسيارات ولو حصلت واحد يوفرلي هالمعلومات قبل اشتري السياره والله لعطيه العموله اللي يطلبها خاصة لو كانت المعلومات موثوقه
طيب ماهو مصدر المعلومات وهل هو مصدر موثوق
المصدر هو
موقعين أمريكيين معتمدين و متخصصين* في هذا المجال، وهما موقع كارفكس CARFAX و موقع أوتوتشك
AutoCheck
.
طبعا لابد ان تشترك معهم وقيمة الاشتراك تختلف بين الموقعين
واما بالنسبه من ناحية جوده الخدمه فموقع كارفكس هو الافضل على مستوى امريكا
والشي الثاني وهي من وجهة نظري انها العقبه بهذا المشروع ان الموقع مايقبل الا فيزا من داخل امريكا لكن كل مشكله ولها حل ممكن انك تستعين باي شخص بأمريكا او تشوف اي طريقه ثانيه
طبعا بعد ماتشترك معهم كل ماعليك انك تدخل رقم الشاص او الرقم التسلسلي حق السياره
وراح تطلع كل المعلومات اللي ذكرتها واذا متوفره صور برضوه تنعرض
طبعا هذا المشروع كنت بسويه ووجهتني المشكله حقت الفيزا لكن قلت بعرض لخواني بالمنتدى عسى يستفيد منه احد سواء هنا او من المبتعثين او من خواتنا الغاليات او يستفيد منه شخص يبغى يشتري سياره ومتورط يبغى يعرف تاريخ السياره.
على العموم اللي يستفيد من هالموضوع مابغى منه الا الدعاء لوالدي
ودمتم بحفظ الرحمن
20-01-2012, 02:44 AM
العرض الشجري
