[align=center] بسم الله الرحمن الرحيم

السلام عليكم ورحمة الله وبركاته

الحمدلله كان اليوم الصباح موعدي وعديت على خير

اولا جيتهم الساعه 7 الا 10 صباحا ثم جيت عند بوابة الدخول ودخلت ورحت للجنة كشف الأسماء وطلع اسمي واخذت رقم ثم انتظرت تقريبا نص ساعه ثم دخلت الى قياس الطول والوزن والحمدلله لائق ثم سلمت استمارة التسجيل للجنة وقال لي العسكري وين تبي الكشف الطبي قلت له الرياض قال خلاص انتظر رسالة تجيك قلت زين هذا اللي صار .


ملاحظات :

- الجوال والدخان ممنوع تدخلها معك داخل الجوال ياتحطة بالسيارة او عند الحارس وتاخذ رقم .

- اهم شي صورة مصدقة من الثانوية وشهادة الحاسب مصدقة والأصل ,واحسن لك جيب كل المطلوب الي مكتوب بالموقع.

- أهم شي استمارة التقديم وبطاقة الأحوال الأصل وصور شخصية واللي ماحلق يحلق احسن له لان فيه مقدم يشيك على الشعر طبعا تخفيف عادي .

- الطول ماتقدر تمشي فيه طبعا اللي اقل من 168 , والوزن بعضهم عطوهم فرصة وبعضهم لا واللي مااعطوهم فرصة وزنهم تقريبا 107 .


والله يوفقكم

وادعولي بالتوفيق

[/align]

وعليكم السلام ورحمة الله وبركاته

الله يوفقك وفالك القبول النهائي يارب

موفق بإذن الله ... لك مني أجمل تحية .فالنا وفالك القبول يارب

طيب انا عندي شهادة الثانوي الاصل فقط عادي؟؟؟

وعندي تعريف لشهادة كامبردج اني مخلص جميع المواد واستنى الشهادة والتعريف مختوم باسم المعهد عادي؟؟؟

وعليكم السلام ورحمة الله وبركاته

الف مبروك

وعقبال القبول النهائي

فالك القبول النهائي

مبروك عقبال القبول النهائي

موفق بإذن الله ... لك مني أجمل تحية .