وظائف في دولة قطر للشباب واذا البنات يبون بس بمحرم

خالد59000 · #31 (**permalink**) 27-02-2008, 02:18 AM

مشكووووووووووووووووووورررررررررررررررررررررر

مشــاري · #32 (**permalink**) 27-02-2008, 08:56 AM

اقتباس:

المشاركة الأصلية كتبت بواسطة 3esa

المشكله الشباب يفكرون ان الشركات في قطر شروطها سهله. الشروط هي هي ولكن الفرق في الرواتب. واذا تبي تسكن في دوله فاتحه بارات ومراقص والاجانب ماخذين راحتهم بدون حشمه انتوا احرار ولكن يكفي في السعوديه انها بلاد الحرمين وتطبق الشريعه. واذا انت ماحصلت وظيفه معناها انك غير موهل طبعا انا اتكلم عن الشباب. اما بالنسبه للبنات الله يوفقكم في الوظايف التعليميه ولكن الله يعينكم على الاختلاط في الوظايف الاخرى. وماتسوى ان الواحد يطلع من بلاده عشان فرق كمن الف.
انا اتمنالكم التوفيق من كل قلبي ولكن اول اعرفوا الاوضاع قبل ماتقررون الانتقال.

والنعم ببلاد الحرمين .. دوله اكيد الاسلام مكملها باتباع القران وسنه المصطفقى عليه الصلاه والسلام .. بس وش نسوي نموت جوع .. وتجي الحين وتزود الطين بله وتقول غير مؤهلين .. واللي يبغى الخراب على قولتك ان هناك بارات ومراقص , الخراب موجود عندك هنا واللي يبغى الخراب راح يلقاه مو عذر هذا .. معليش الظاهر انك ناسي ان بالسعوديه حدنا الثانويه والجامعات كلها ماتجي 7 خل نقول 10 .. طيب وش اسوي انا .. اذا تخرجوا من الثانويه و نقول 50 الف طالب تخرجوا وانقبل منهم 20 الف .. الـ 30 الف يعتبرون غير مؤهلين وينحكم عليهم بالغباء والجهل وغير كفؤ للعمل هذي تعتبر منا والا من النظام الموجود .. وربي لو اضمن اي دوله تعطيني فرصه عمل مع احترام وتقدير للشخص العامل براتب معقوووووووووووووول مو 2500 ومشي حالك .. يلعبون علينا والا متوقعين اننا اطفال تسكيته .. ( اني لااروح من غير ماألتفت خلفي ) الى متى ووضعنا كذا ماراح اكرر الكلام المتبع حنا اغنى دوله وحنا مدري ايش .. لكن راح اقول باستطاعت الدوله تضع وظائف لاامثالنا الفاشلين ( مامعي غير الثانوي اعتبر غير كفؤ صح ) .. ودقء يامزيكه ورءصني ياقدع .

أمل عمري · #33 (**permalink**) 27-02-2008, 09:18 AM

الاية الكريمة تقول( وامشوا في الارض وكلوا من رزقة) اذا الله مارزقك بوظيفة تعيش منها وتؤكل عيالك وين تروح تشحد والاتسرق؟؟ ياجماعه اللى ماحصل في السعودية فرصة وظيفية يروح والله معاه ليش تضيقون على الناس .. يسروا ولا تعسروا وبشروا ولا تنفروا الاسلام ماقال اجلس في ديرتك الين يجيك الرزق يطق بابك الاسلام حث على السعى في طلب الرزق..

Habeeb · #34 (**permalink**) 27-02-2008, 10:59 PM

جزاك الله خير

المميزة2006 · #35 (**permalink**) 27-02-2008, 11:48 PM

نفسي اهااجر السعوديه كلها

خريجة نظم · #36 (**permalink**) 29-02-2008, 02:36 AM

اقتباس:

المشكله الشباب يفكرون ان الشركات في قطر شروطها سهله. الشروط هي هي ولكن الفرق في الرواتب.
مشكلتنا مو الشروط مشكلتنا تطفيش السعوديين وسيطرة الاقامات تتوقع هناك فيه تطفيش سعوديين بعد؟؟ واذا على الشروط الحمدلله كلنا قدها وقدود كل سعودي السي في حقه اطول منه بس مثل ماانت شايف بتوقيعي العيوب الخلقيه
واذا تبي تسكن في دوله فاتحه بارات ومراقص والاجانب ماخذين راحتهم بدون حشمه انتوا احرار
ياعزيزي مصانع الخمور بكبرها هنا كل يوم ماسكين لنا واحد غير الدعاره غير وغير وغير كل مكان فيه الزين والشين والقانون لو بيمنع احد عن اللعب والمصخره كان ماشفت ولا عاطل سعودي ولا انت تحسب نفسك عايش بالمدينه الفاضله
ولكن يكفي في السعوديه انها بلاد الحرمين وتطبق الشريعه. واذا انت ماحصلت وظيفه معناها انك غير موهل طبعا انا اتكلم عن الشباب.
على أي أساس انت تتكلم وتحكم على الشباب انه غير مؤهل اخذت فره على السي فيات المعروضه بالمنتدى؟ بعضهم يحمل الماستر وعاااطل وبعضهم يتهم بالاختلاس كذب عشان يطرد هذا غير السعوده الكذابه وغيره وغيره وغيره انت شكلك تتكلم عن ايام الثمانينات الظاهر توك طالع من الة الزمن او انك مسؤول توظيف حالك حال غيرك من المسؤولين فيك حساسيه من السعوده
اما بالنسبه للبنات الله يوفقكم في الوظايف التعليميه
تعليميه مين ياعمي؟ ماقلتلك انت مو عايش بالدنيا 2008 وللحين المراه بس تعليم عندك واللي يسمع يقول التعليم كله شواغر اللي حتى قرى جيزان صار فيها فائض معلمات ولازم ننتظر باص معلمات ينقلب ويموتون اللي فيه عشان يتوظفون ضحايا جدد بقرى تبعد الاف الامتار عن مناطقهم بالله الاختلاط حرام وهذا مو حرام ولكن الله يعينكم على الاختلاط في الوظايف الاخرى. وماتسوى ان الواحد يطلع من بلاده عشان فرق كمن الف.
ماتسوى؟؟ يمكن بالنسبه لك انت واحد شبعان عندك الالف نفس الريال مبلغ تافه مايستحق التعب لكن بالنسبه لنا الريال يفرق ويفرق كثير بعد شلون الكمن الف على قولتك
انا اتمنالكم التوفيق من كل قلبي ولكن اول اعرفوا الاوضاع قبل ماتقررون الانتقال.
والله احنا عارفين الاوضاع زين بس انت الظاهر ماانت عارف اوضاع الناس انا برايي لو تنزل الارض وتشوف الناس العاديه الطبقه الكادحه مو عيال النعمه ولا ربع الواسطات تتعرف على عالم جديد ماسمعت فيه من قبل ولا تدري اصلا انه موجود ذيك الساعه تعال ناقشنا
ماكان قصدي انفعل ولا اقلل ذوق لكن ردودك تستفز اي احد انت ماتدري اهلنا اشكثر يتعبون عشان نسطر كل هالشهادات اللي تشوفها بتواقيعنا وبالاخير بدال لا نساعدهم نقعد احنا وشهايدنا هم ثاني على قلوبهم

((دارك اللي فيها رزقك)) بس هذا اللي عندي

3esa · #37 (**permalink**) 29-02-2008, 03:07 AM

اقتباس:

المشاركة الأصلية كتبت بواسطة خريجة نظم

((دارك اللي فيها رزقك)) بس هذا اللي عندي

البنات مظلومين هذا شي معروف وظائف قليله جامعات قليله في اخر دراسه اتضح ان 65% من الجامعيات عاطلات. وهم الوحيدين اللي هم الحق بأنهم يطالبون بحقوقهم. هذا كلام دايما اقوله واكرره.
ولكن انا كلامي موجه للذكور اللي مجال التعليم مفتوح امامه بأوسع ابوابه ومجال التوظيف مفتوح في جميع المجالات وقلة المنافسه بسبب عدم وجود العنصر النسائي. وبالعقل لو كل سعودي سيرته الذاتيه اطول منه كان ماكانوا الاجانب ماليين البلد. وفي اخر دراسه اتضح ان هناك 290 عاطل من الذكور 80-90 بالميه منهم من حملة الشهادة الثانويه. واكبر دليل على ذلك ان دائما المواضيع اللي يكون فيها التقديم بالشهادة الثانويه هنا في المنتدى يكون الاقبال عليها كبير. والمواضيع اللي تتطلب شهادات جامعيه يكون عليها الاقبال اقل. ياترى مالسر؟. والكل يتعذر بعدم قبوله في الجامعات والكل يعرف بأن جميع الجامعات تقبل تقدير جيد فما فوق ماعدا كليات الطب والهندسه. واذا الشخص ماجتاز اختبار قبول الجامعات فأن تحصيله العلمي من الثانويه ضعيف واذا كان ضعيف معناها انه ماكان يذاكر. لكن لازال هناك فرصه الى 5 سنوات بعد التخرج وبعض الاحيان اكثر من ذلك. ولكن لابد من العزم على اكمال التعليم.
لكن انا في النهاية ألوم المجتمع على عدم توضيع اهمية الشهادة الجامعيه وزرعها في الابناء منذ الصغر وانا كدت انا اكون احد العاطلين غير المؤهلين لولا رحمة الله ووقوف أخي معي وتوضيحه لي مدى اهمية الحصول على الشهادة الجامعيه.
نصيحه اخيره: ليس شرط ان يكون الكلام شديد اللهجه حتى يكون اكثر تأثير. بعض الكلمات تكون مثل الرصاص اذا كانت تحمل في طياتها حقائق معتمده ومنطقيه. هل هناك حقائق معتمده في كلامك؟ ام انها اراء شخصيه اعتمدت على البيئه التي تعيشين فيها انتي فقط؟ اترك الاجابه لك

خريجة نظم · #38 (**permalink**) 29-02-2008, 03:58 AM

اعتراضك على الشباب اوكي
تبي تقنعني ان الجامعيين مو كثير خل نحسبها الشباب ايش المنشات التعليميه اللي تستقبلهم بعد الثانويه
الجامعات
معهد الاداره العامه
كليات المعلمين
معاهد التقنيه
المعاهد الصحيه
...الخ (لاحظوا مجالاتهم اكثر من البنات)
اظن هالاماكن ترد سنويا الالاف بحجة عدم وجود مقاعد يعني أعداد الطلاب كبيره
شوف معاي كم خريج ممكن يتخرج منهم سنويا وبيطرقون سوق العمل بكل انحاء المملكه هذا غير الجامعات الاهليه وكليات خدمة المجتمع وغيره وغيره وغيره
فيه شباب مو مؤهل اوكي ماننكر لكن احنا ماتكلمنا عنهم مع انهم مواطنين لهم الحق يتوظفون في بلدهم حالهم حال اي واحد بالكويت او قطر او غيره
احنا نتكلم عن المؤهل العاطل واذا انت ماتشووفهم شي راجع لك لكن هذا ماينفي وجودهم ولو كان فعلا على قولتك الشباب السعودي مو مؤهل ماكان الوزارات والشركات الخليجيه برا طلبوا سعوديين ووظفوهم والا الآهليه هنا تختلف؟؟
واذا انت تقول ان مجالات التعليم مفتوحه للذكور ليش نشوف المئات من خريجين كلية المعلمين والعلوم الصحيه يتزاحمون بالكويت للحصول على وظائف مو احنا نحتاج الذكور بالتعليم والصحه؟
هناك حقائق معتمده في كلامك؟
هات لي حقائق معتمده لكلامك تثبت ان السعوديين مو مؤهلين واذا تبي اثبات مني انا اتكلم عن اللي اشوفه ومتأكده منه وهذا المنتدى قدامك الشباب اكثر من البنات فيه اللي عنده شهاده جامعيه ينزلها هنا عشان يقتنع الاخ عيسى (الجامعه اللي خرجتك خرجت الاف غيرك)
وبعدين ترى الاحصائيه اللي تتكلم عنها مع انه مشكوك في صحتها لكن تكلمت عن نسبة المديرين الاجانب اللي مايحملون اي شهادات بالسعوديه ليش ماتكلمت عنهم بعد مو مذكورين بالاحصائيه؟؟؟
ام انها اراء شخصيه اعتمدت على البيئه التي تعيشين فيها انتي فقط؟ اترك الاجابه لك
اتكلم عن بيئتي شي طبيعي وبما اني عايشه بالسعوديه السعوديه بيئتي وبما اني عايشه مع الناس فانا اتكلم عن الناس واذا تقصد شي ثاني فانا اترفع عن الرد عنك لسبب بسيط انك تتكلم لحالك مااحد معاك كل التعليقات كانت ضدك ومع ذلك مصر ان السعودي مو مؤهل ومو عاجبك فاتوقع ردي كافي عن اخواني الشباب واذا احد منهم هم فقط شايف في ردي شي غلط انا اعتذر منه هو فقط