"السلام عليكم ورحمة الله وبركاتة ..!

أسعد الله مسائكم بكل خير وسرور !

بدخل بصلب الموضوع دايركت بدون مقدمات ..

إحنا نلاحظ بعض الاعضاء .. تتكلم بطرق سب ( لحافز ) ولعن وكلام بزران ..
حسيت إننا داخلين حضانة مو منتدى راقى .,
لماذا كل ها الكلمات التى نشوفها فى الاعضاء .
كل شخص يفرز عضلاتة على برنامج حافز ..
يعنى عطونا الاعانة او نسبكم ونلعنكم
هاذى طريقتهم ماشين عليها . تتوقع ربي بيوفقك او بيفرجها عنك
وانت لسانك ملى ب الكلماات الغير حضارية .
دام انت بنفسك تتكلم عن حافز كذا .. وتلعن وتسب ووو الاخ مافكرت كيف ربي

بيفتحها بوجهك . بدال ماتذكر الله وتقول الحمدالله على كل حال تدخل ..
وتتكلم ب اللفاظ غير طيبة والا ب الغصب نتاهل . ترا الدعوة ماهى على كيفك .
تبي التاهيل بكل بسهولة , المفروض تفكرون ببرنامح حافز وش يعانى من ظغط
بين الطلابات كل شخص رافع طلب ويدرسون حالتة . مفروض تتاكدون إن حافز
يشتغلون ليل نهار عشانك وعشان يعطون لك تاهيل وتفرح . ولا مو مجبورين
موظفين حافز ان يستقبلو اتصالاتكم ويعاونونكم بها المجال . وترا معاد بقى الا عدد قليل غير متاهل والباقى كلهم تاهلو والحمدالله الناس تصبر ويجي لها الفرج .
واتمنى من كل الاعضاء ذكر الله والاستغفار لجل ربي يرزقة
لايجي هنا ويهايط ويسب حافز وحافز وحافز ونصابين وكلام جاهل .
ترا مايقول ها الكلام الا الجاهل الى معه متوسط ليلى ومو عايش مع المجتمع .
احنا مجتمع واعي ومثقف مو مجتمع جايين من شارع ..؟
وتاكدو إن حافز ماراح يخلى احد الا متاهل الشهر الجاي .. وكبرو عقولكم شوى
الواحد يصير رزين وفاهم الحياة هاذى الحياة ماتجى لواحد على الكيف .
ولو كل واحد يبي الشى الى بخاطرة كان ماشفنا ناس مهمومين وماشفنا فقارة
لكن هاذة قدرك من ربي خلقك لها الدنيا مفروض نقول الحمدالله على كل شى
مهما صار نقول الحمدالله مانقول الله يلعن حافز ماعطانا حافز حرامية حافز مايبي يعطينا وكلام قبيح نشوفة من الاعضاء . صدقونى خلو ذكر الله سبحانة بلسانكم
وكل اموركم راح تمشى وتتاهلون بكل راحة وانتم مرتاحين . اما كلام السب ومدري وش مايجيب لك فايدة الا تكسب سئات على الفاضى ومحد دري عنك اصلن سوا حافز او موظفينة .

والحمدالله احنا فى دولة الاسلام المملكة العربية السعودية دولة الامن والاستقرار
دولة رجال ابن سعود حفظهم الله . ماحنا مثل باقى الدول المتشتتة عشان تحرقون اعصابكم على اشياء تافهه ..

المهم كلامى وصلتة لكم

وبرب

الله يجزااك خير

>> عاد اللعن لااااااا ماايصير وش بيستفيد الواحد اعوذ بالله

مالنا غير الصبر >> الله يرزقنا من واسع فضله

اللي ايده بالنار مو مثل اللي ايده بالماي
يعني هو الكلام كذب طيب لو كان فيه ضغط اقلها كلمه والله في ضغط ومانقدر نلبي هالضغط انتظرو علينا
اسبوع موب يكذبون على شعب ويستخفون بعقولهم ويقولون لهم انتظرو الساعه 12
وفي هالساعه بالذات مافيه احد مداوم ليه هالاستخفاف واذا اتصلت على البنات الموضفات هناك
تستقبلك بضحكه يعنني انا اسولف مع البنات وضحك وهيصه
والمشكله ان المكالمه مسجله هاذا البلا

صح كلامك نايف لاحظت ان بعض الاعضاء يسب ولافي احترام
الصبر زين

عجييييييييييييب اجل مو مجبورين موظفين حافز يردون علينا !

لاااااااااااتعليق اللي ايده بالمااي مو مثل اللي ايده بالناااار وبس حسبي الله ونعم الوكيل بسسس