بسم الله الرحمن الرحيم
السلام عليكم ورحمة الله وبركاته

في البدايه حمدلله على كل حال

من 3 سنوات وانا ودي اكون من موظفي شركه بن لادن
بالاول انقبلت قبل عام ونص وجتني رساله ناقصه على جوالي
اتصلت عليهم ما يردون رحت لهم قالوا لي بالحرف الواحد ما ندري وين اجل انا ادري
والله العظيم واحد يقول روح شارع والتاني يقول روح جده
قلت العلم وين
قالوا والله ما ندري قلت انتم بن لادن ولا انا غلطان قالوا ايه بس ما ندري
والكل مطئطئ الراس
مع العلم عطوني اسبوع ادبر عمري ولا تروح علي
قبل الاسبوع قلت لهم قبل ما اطلع
حسبي الله ونعم الوكيل دامكم كذا
طلعت
واشتغلت بشركه طلعت منها بعدين قدمت لبن لادن طموح مادري ليه

المهم اشتغلت بشركه انتظر عرضهم
يوم االاربعاء الماضي اتصلوا علي من جده
قالوا لي فلان بن فلان قلت هلا قال معك بن لادن انت مقدم قلت يس
قال موعدك الخميس او السبت قلت على خير
قال روح لفلان وعطاني الرقم
المهم رحت البارح السبت قالوا لي تعال اليوم
جيت اليوم بالصبح قالوا ليه ما جيت الخميس
قالوا تعال الخميس ولا انتظر
المهم قال السي في قلت ماعندي غير الشهايد قال جب سي في ولا ارجع لبيتكم
قلت حسبنا الله ونعم الوكيل
رحت وجبت سي في من اخر الدنيا رجعت لهم اليوم العصر والاخلاق زفت بجد
مع اني استخرت نص نص ارتحت بس ما اقتنعت بها قلت ابروح وبس
سبحان الله من عند ربي بس معاند
يوم دخلت ع اللجنه قال هلا قلت هلا قال تفضل اجلس

اسئله شهادتك عمرك معدلك وبياناتك
يوم قال سبق لك الدعم قلت مرتين بس طموحي بن لادن قال شمعى قلت والله حبيتها وانا صغير
قال بارك الله فيك
قال اوك
قلت وش اوك عرضكم قال ليه قلت وش ليه انا موضف وبشوف العرض يناسبني ولالا..!!!!!!!!!

قال اوك عرضنا تستلم راتب على تعبك
جتني ضحكه من اخر الدنيا ضحكت بكل ما فيني بجد حتى ضحكوا
قلت والله
بعدين قلت انا موضف وبقارن بين العرضين قال سلمك الله
عرضنا رجل امن ولا تدريب
قلت كيف امن وانا مسجل اشياء ثانيه قال ما نعرف عنها
قلت انا مسجل شلون ما تدرون قال مافي شيء يذكر
بعدين قلت المميزات الراتب
قال 2000 اساسي وبدل سكن 500 و500 مواصلات
ضحكت والله
قلت التدرييب قال 2000 لمده ثلاثه شور ونفسها بدل سكن ومواصلات
ولو تعبت نفسك بنعطيك اوفر تايم تصل 3500 او 700 ريال اوفر تايم

قال وش شركتك قلت انا عرضي لكم بسخريه والله
موضف بشركه راتبي 3750 ريال والسكن عليهم فندق سبعه نجوم والله يكرمك ما بقي الا يغسلوك من النظافه
ويعطوك اللي تبي بن لادن اقل من كذا
والكلام وينه ولا ما تبوني تراه رزق لا اكثر

قال والله يالطيب الكلام كله كذب هذا اللي عندنا
وقال للعلم اللي معه تقنيه ياخذ اربعه لا اكثر
قال خل السي في عندنا وبنتصل عليك
قلت بارك الله فيكم

وانا اضحك واسب والعن فيهم وانا طالع
وحمدلله على كل حال شركتي ولا بن لادن شغلها بين الحر لبى اللي انا فيها ع الاقل اداوم مدني واطق باربعه لو اخذت اوفر تايم

والرزق ع الرزاق

دعواتكم عسكريه قربت

فضفضه لا اكثر

للعلم بس
الشركه اللي انا فيها
حتى الاكل من افضل الاكل بمطاعمهم على حسابهم
يشهد ربي ان راتبي ي نت ي شحن جوال ولا ملابس بسالاكل سكن عليهم

والحمدلله
ما يصيبنا الا ما كتب الله لنا

الله يرزقك بالوظيفه الحكوميه

هههههههههههههههههههههههههه

لا منت بفاهم هع

بالاول ما شفت المقابله والله مسخره ونا خوك

سالفه السي في اهو قال انت مقدم عن طريق الموقع قلت لا ملفات
قال اجل عادي ما نبي السي في
قلت اوك حلو
بعدين قال اللي ماعنده يرجع بيته
والله رجعت بيتي فتحت اللاب وخطيت له كم نعال وعطيته ههههههههههههههههههههههه

ي شيخ ربك كريم الغلط عليهم والظاهر تصريفه

حمدلله انا موضف وانتظر عسكريه ولا شكلها الجامعه وربك ييسر

الله يوفقك اخوي نواف
بس اي بن لادن اللي رحتلهم ؟؟

معروفه شركه بن لادن للمقاولات

مع العلم اعرفهم اعز المعرفه وكل اخوياي فيها

بس ربك

قدمت الرياض راحت جده واتصلوا علي من جده والمقابله بالرياض
العقد بمكه والشغل جده او الرياض او الجنوب

يعني سلفني عشره الاف ريال اخلص اموري وعقب سنه تع اعطيك حقك

والله انت العسل قلبووو
ي شيخ عسى المانع خير الحين لك

بس الله صعبه بجد

ربي يسعدك ويوفقك

انا عاطل دراسيا سنتين
تعلمت وذقت المر
صح شركه بس والله العظيم الشركه ما تقنع
صح يحافظوا عليك
بس ي شيخ الراتب الزمن ذا يبي كثييييييييير والراتب قليل
حمدلله ممشيين امورنا بس ما ينفع لزواج وبيت

يب 24

اقول ي انت 28 بتقول كبير مثلا
تو الناس

لو صحتك زينه تلاقي شركات يحبها قلبك بتحصل حدود الخمسه الاف والله زينه
ولا عسكريه


خل املك بالله كبير
وامشي بالمثل
ما تغيب لمن تاخذ رزقك اتاكد من الشيء ذا زين
رزقك بيجيك والله كريم




( اعجبني تعليقك والله هههههههههههههههههههههههههههههههههههههههههه)

ههههههههههههههههههه

شايف كيف 28 ومحسس نفسي اني شايب

تبا لي .. كم انا مجرم

الله يعين بس

تصدق مكلمني واحد من الجماعه عايش بقطر ، يقول تعال عندنا واوظفك في مستشفى حمد

فانا من بعد حافز اللعين ، لانهم ما نزلوا لي شي

لحظة فيني دمعه تبي تدحدر ..

خلصت

ايوه اقولك ، فـ شكلي باهاجر لقطر

برب سعودية

برب التحلية

برب الفروسية

برب ابو سروال وفنيله (النسخه الاصليه)

برب عايض

برب العيال كلهم

برب منتدى حلول البطاله

وباكـ كويس لـ موزه وجاسم والعيال اللي هناك

فـ واللهي لازحفن بهم زحفا مبرحا

حرام بالله ان تشوف سيارة الاستخبارات السعودية محضرة عند الجمرك وانا مكلبش

برب من هذا الموضوع قبل لا يداهموني وانا متلبس