السلام عليكم

الحقيقه لقيت لي 3 شباب وقالوا احنا اخوان ونبغى تسويلنا اى مشروع

والحقيقه انا اكتب الموضوع وباقي ماقابلتهم ولا اعرفهم بس من كلام واحد فيهم امس لي في الجوال حسيت انهم رجال

مالكم بالطويله
انا من امس افكر وقلت ابشتري لهم مساويك لانها عندنا مقارنه بالمدن الي جنبنا تعتبر غاليه

والاولاد قالوا عادي اي شي احنا حاضرين

بس الحين ابسالكم من وين اشتري المساويك في الغربيه (جده .مكه .الطائف)بس تكون بسعر جده ومكه لانها رخيصه بعكس الطائف

ياليت الي يعرف يدلنا ولو فيه رقم لااحد تكفون ياشباب علمونا لو على الخاص

ولو فيه غير المساويك شوروا تكفون علينا

مع مراعاه ان راس المال قليل لانى مااعرف الشباب زين ابغى ابدا معاهم بشي بسيط

اليوم الاثنين 29-2 انتظركم على احر من الاسكريم



ماعليكم شي محرز

انت ساكن في جد ولا الطائف
لان موقع بيعها في مكه لانها تجي من طريق الساحل
بالتوفيق
ولو تسأل عند الحرم

[align=center]
أخوي لاهنت موضوعك مبهم مره

أذكر لنا أنت من وين ؟
الشباب الثلاثة من وين ؟
جنسيتهم ؟
أعمارهم ؟
يملكون سيارة ؟
ناوين يبدون مشروعهم بالبسطه أو بالنت أو بين الأهل والمعارف ؟

جاوب لاهنت ع الأسئلة لجل نقدر نفيدك أكثر
أهم شي أستخير الله قبل لا تتعامل معهم
أصابع يدك مب سوا صح أخوان بس ماهو شرط عندهم نفس الأمانة والنية صافية وحب كسب المال من عرق الجبين
[/align]

اخوي في جده الجمله في باب مكه

وبالتوفيق

نشيط اشكرك على الافاده وانا من الطائف والشباب يمانيين اعمارهم 18و17 وماعندهم سياره

انا قصدى اجيب لهم المساويك وهم يبعيونها

والاخ بادى اشكرك شكرا جزيلا

[align=center]
اخوي دام يمنيه تواصل معهم وأستفسر منهم وش اللي يحسون أنه يمشي بالسوق أكثر
من خلال الحوار معهم بتقدر تحدد طموحهم وأسلوبهم ونباهتهم وأستفسر منهم الأماكن اللي بيبسطون فيها
من خلال المكان تقدر تحدد نوع البضاعة

ممكن مساويك أو دهن العود أو بعض ألعاب الأطفال أو أشرطة قرآن وسي ديهات محاضرات دينية أو عطور تعبئة أو أو أو .....
أشياء كثيرة بس بالأول أسألهم وأبحث عن منطقتهم وأقبال الناس ع أيش

بالأضافة فيك تمسك كل واحد نشاط مختلف عن الثاني

طيب لاهنت أخوي أنا متوفر عندي دهن العود وما أبي إلا راس ماله لأن محتاجة لسيولة قد شعر راسي وربي يشهد وهو والله الربع توله تنباع ع 15 وما فوق كلآ وشطارته لو لك خاطر فيه ما يغلى عليك ما أبي إلا راس ماله
[/align]

نصيحة مني لاتشغلهم كلهم الثلاثة بلمساويك كل واحد شغلة وانصحك ببالونات الهليوم عند المولات واماكن الترفيه للاطفال

أنا لو منك شرطت عليهم ينقلون كفالاتهم علي وأفتح لهم مشروع معتبر

إذا رفضوا معناها بياخذون المبلغ وهذا وجهي لو شفتهم مرة ثانية

أو يمكن تشوفهم ويخلونك تثق فيهم ثم تعطيهم مبالغ أكبر ثم يسحبون عليك

أو يمكن يكونو متخلفين وأنت تساعدهم على مخالفة الإقامة

اشرط عليهم وشوف ردة فعلهم

بالتوفيق لك ولهم

بتوفيق-----

انت تبي تاخذ بضاعة و هم يصرفونها لك ولا بتعطيعهم البضاعة على حظهم ؟؟
طرحك مبهم

اليمانية ما شاء الله التجارة بدمهم

بالتوفيق