تسجيل الدخول
|
|||||||
تأسس الموقع عام
2006
Site was established in 2006
|
|||||||
| إستفسارات ونتائج وظائف القطاع الخاص لإستفسارات ونتائج وظائف القطاع الخاص فقط |
| أضف رد |
|
|
LinkBack | أدوات الموضوع | انواع عرض الموضوع |
25-01-2012, 01:05 AM
|
|||
|
|||
..## حاجتي للوظيفه واستغلال أرباب العمل لنا كـ فتيات ...##
بسم الله الرحمن الرحيم والصلاة والسلام على نبينا محمد صلى الله عليه وسلم بحكي قصتي عن استغلال اصحاب الوظائف لنا بالتفصيل الممل  اولا : معلومات عني : طآلبة انتساب بجآمعة الملك عبد العزيز بجده .. : من خارج جده .. طبعا بما اني طالبة انتساب يعني لازم ادفع رسوم ~~~> من هنا بدأت نقطة البحث عن وظيفة طبعا اللي خلاني افكر بالوظيفة ان اخي فديته يسدد لي رسوم الجامعه كل سنه بس هالترم مر بأزمة الله لايعيدها عليه ولا على اي مسلم . المهم ماقدر يسدد لي الرسوم وقتها انا توهقت بيروح علي ترم بالجامعة .. انقهرت وضاقت بي قالت لي وحده من صديقاتي توظفي ولا تنتظري احد على الاقل اصرفي على نفسك ولا تثقلين على اخوك ولا اهلك .. حطيت الفكرة براسي وعلى طول اقتنعت وعلى طول على النت ابحث عن وظائف وجيت منتدى بطاله لعلي اجد وظيفه مناسبة .. المهم ارسلت الـ CV عل كل ايميل حتى لو الوظيفة مو مناسبه .. وصديقتي يضا ساعدتني في البحث وماقصرت والله .. المهم كل ما اقترب موعد الدورة حقتنا ياالانتساب انقهر واحس بضيقه واقول فعلا ماراح انتظر احد يصرف علي .. جازفت وقلت لاخوي ولا يهمك ابشرك هانت قال كيف قلت وحده من البنات سلفتني 3 الاف ~~> هالشي من سابع المستحيلات مافيه احد يسلف احد هالمبلغ خصوصا البنات ..~ المهم عصب وقال ليه تستلفين قلت ولا يهمك بردها ازين من اني اجلس بالبيت ويروح علي ترم المهم عداها لي وقلت له بروح جده هالشهر للدورة التاهيلية وعقبها اختبارت يعني بجلس بجده شهر واسبوعين . قال طيب طبعا هالشهر واسبوعين جبتها من راسي لاني جازفت وسويت تأجيل ترم لان مامعي 3 الاف ولا غيره ولازم اني اسوي تأجيل او مدري وش يصير بهالجامعة المعفنه وعطيت نفسي فرصة ابحث عن وظيفة لمدة شهر واسبوعين في جده لاني بقريه ومافيها وظايف وفرص للبنات ارسلت الـ cv ع ايميل عطتني اياه صديقتي ارسلته يوم الخميس وتفآجآت يوم الجمعه الصبح برساله ان يوم السبت لي مقابله بوظيفه عمل فرررررررررررررررررررحت الله فرجها علي وفتح لي ابوابه توكلنا ع الله ومشيت جده واهلي ع بالهم من جد دبرت المبلغ واني ادرس مع اني سويت تأجيل بدون علمهم وللان مايعرفون .. مشيت جده وسكنت بسكن طالبات خاص مع 3 بنات بغرفه متاحشرات عشان قيمة الغرفه (( الحمدلله على كل حال )) 1 المهم اتصلت عليهم رد السكرتير وقلت لهم متى اجي قال الدكتور يوصل ع الساعه 9 الصبح قلت تمام فرحت قلت السالفه فيها دكتور يعني ابشر بالعز وبتمشي اموري وراتبي على الاقل بيكون 2500 كـ حد اقصى  ~~> مسكينة انا رحت للمقابله بلموزين اخذ مني 40 ريال ع الروحه و40 على الجيه .. المهم لمن وصلت قالي الدكتور لسى ماوصل انتظرته تقريبا ساعه وكنت مواصله وحالتي حاله بعدها شرف حضرته وكان باين عليه جنتل  متكشخ مع انه كبير بالسن فوق 60كانت اول مرة اقابل رجل غريب .. عمري ما سويتها حدي اخواني وبس (( الله يلعن الحاجة ))المهم نادني بكلمة حنونه وقال تعالي يابنتي اسف تاخرت عليك  مارديت عليه كنت مرتبكه اول مرة اقدم ع وظيفه ولوحدي واول مرة التقي رجاااال قلت بنفسي ذا وش يبي بيختبرني والا المقابله معاه كنت ابي بنت تسوي لي المقابله  -) ع نياتيالمهم دخلت مكتبه وقالي وش اسمك قلت له فلانه الفلاني طار من الفرحه وقالي والنعم قبيلتكم مناسبينا في قديم الزمان وبدأ يحكي قصص مالها داعي بالمقابله  وقالي انتي متزوجه قلت لا .. مخطوبه قلت لا -) وش دخله ابي افهم  المهم قالي انا بوظفك معي وابيك تصيرين رجال  ابيك تتعودي ع لقائات شخصيات كبيرهوبرسلك لجامعه فلان وعلانه وابيك تنزلي الميدان مع مجموعه شباب وبنات مع اني ماشفت غير بنت وحده تشتغل عنده المهم خفت وماعجبني الوضع قلت له انا ابي اشتغل بمؤهلاتي شغلة اني انزل الميدان مع شباب او غيره مرفوضه عندي... لاتسويق ولا مثل هالوظيف تناسبني والمصيبة ان الراتب 1500 بس .. وسالني وش تخصصي بالجامعه ولمن قلت له عربي قال بأعلى صوته عربي !! وانتساب!! قلت الشكوى لله الجامعه رفضت تخصصني اي تخصص غير عربي او دراسات اسلامية او تاريخ مع اني يوم خلصت تحضيري كان معدلي 2.99 وقسمي علمي بالثانوي وغيري اقل وقدروا يتخصصوا تخصصات سنعه .. استغل ضعفي وبدأ يغريني بوظيفته الخايسه مقابل يساعدني ويكلم مدير الجامعه يحولوني قسم احبه اللي هو الانجلش ..صراحة لاني محتاجة بدأ عقلي يستجيب لإغرائآته وانا في موقف ضعف واستغله قالي انه يعرف اسامه الطيب ومشاط وقال يمكن الله سخرني لك وانا الناس يجوني من بعيد يقلون انت راعي اعمال خير وفزعات وافزع لهم وبدا يتكلم عن نفسه وقال انا وانا وانا اساعد .. المهم توترت زياده وقمت اصرفه قلت اوك يصير خير بفكر وارد لك قال اوك .. وقتها قلت ماادخل مكتبه مرة ثانيه .. وبعد كان يبيني اكشف وجهي وقاعد يتكلم عن المحجبات بطريقه ما ارضاها المهم رجعت ذاك اليوم وانا افكر طول الوقت وقلت الوظيفه اللي حسبتها مناسبه واللي كنت متأملة فيها طلعت بهذا السوء والاسستغلال واول ما وصلت البيت وصلتني رساله من جواله الخاص يقول والله اني احببتك في الله وهو الحب اللي يدوم واذا في شي تبينه لا يردك شيء واي عقبه في طريقك اذللها لك وووو كلام كثر .. قعدت يومين وارسلت له رساله قلت اعتذر يا دكتور الوظيفه مو مناسبه دقايق والا يجيني اتصال منه يقول ليه يابنتي انا شاريك وابيك تشتغلين معي قلت مو مناسبة والراتب قليل كله بيروح موصلات .. رد علي وقال بزيد راتبك 2500 مناسب لك ؟!! قلت ايه مناسب بس الوظيفه ما ابيها صعب اني اتجرد من انوثتي واشتغل عمل ماهو للمرأه اصلا قالي بدربك وبساعدك في جامعتك لمن تخلصي الجامعه ولو احتجتي اسدد رسومك واسدد اجار السكن وتداومي مع السايق حقي ولا تشيلي هم دام انا موجود واتمنى تتعرفي على بناتي وووووووووو ياكثر كلامه .. قلت طيب بشوف واارد لك -) طبعا بس اسلك له .. قالت لي وحده من البنات استغليه بما انه يبي يستغل حاجتك اشتغلي معه شهر لمن يتم تحويلك قسم زين ويعفونك من الرسوم .. قلت لها بس هو مُصر اني اكشف وجهي يعني هالشهر لو اشتغلت معه يجبرني اكشف وجهي وهالشي مستحيل اسويه .. قلت اوك بحاول فيه يساعدني في الجامعه واشتغل معاه بس بشرط ما اكشف وجهي واشوف وش يرد علي .. ارسلت له مسج وعلى طول اتصل كالعاده قال نناقش هالموضوع بالمكتب ما ينفع اننا نتكلم على الجوال بصراحة انضحك علي مرة ثانيه بس كنت شايله هم المواصلات لان المصروف اللي معي يادوب يكفيني اكل .. المهم رحت له بس الروحه ذي انهت كل أمل لي بالوظيفه اول ماوصلت قال للسكرتير والبنت اللي تشتغل معاه هذي بنتي دخلوها بدون اذن وباي وقت تجي كنت فرحانه حضرتي المهم دخلت مكتبه وقال وش تشربين قلت ولا شي تسلم قال لازم تشربي شي واصلا قصده اطلب اي شي عشان افتح شوي من الغطاء ويشوف اي شئ من وجهي قلت تيب قهوة عربي قال لا قهوة عربي يتاخرون يسوونها بطلب لك كابتشينوا قلت طيب اي شيء ماكنت اعرف وقتها نيته الشينه جاب الكبتشيونو السكرتير وقال قفل الباب انا صراحه انفجعتتتتت خفت وادعي بنفسي ان ربي يستر علي وحلفت ما اطب مكتبه مابي وظيفه ولا جامعه ولا غيره اللي ابيه اطلع سالمه من المكتب .. قعد يتكلم عن نفسه وعن زوجاته وبناته وقال لو عندي ولد مو متزوج زوجتك اياه المهم يقول الحجاب مو مهم شوفي زوجتيوبناتي مومتحجبات ووراني صورهم برا السعوديه بدون حجاب وكل شوي يقول يلا اشربي الكابتشينو قلت مو الحين ما احبه حار اشربه بارد وانا كل همي اطلع من عنده قليل الايمان .. المهم بالنهايه قلتله ممكن اشتغل معك بس حجابي ما احد يتحكم فيه وما بكشف وجهي تغير لونه قال بكييفك وطلع من المكتب زعل لابارك الله فيه ..... يوم شفته بيروح قلت بنفسي يعني جيتي خسارة لازم استفيد منه قلت له طيب تبي رقمي الجامعي وقف وناظرني خخخ قال هات بطاقتك الجامعيه المسكين متامل يشوفني . قلت موب لازم البطاقه الرقم يغني عن البطاقه قال لازم عشان اذا رحت عندهم بالجامعة قلت لا خذ الرقم قال طيب بس ارسلي صورة من البطاقه الجامعيه للمكتب ههههههههههههه هالادمي همه يشوف وجه طبعا ما ارسلت لا صورة ولا عاد سالت .. وطلعت الحمدلله وحلفت ما ادخل مكتبه .. الظاهر مايعرف مدير الجامعه او مايقدر يتوسط المهم ماعنده ساللفه بس كلام .. 2 الوظيفه الثانيه كان اعلانها انهم محتاجين وحده فاهمه بالكمبيوتر والانجلش وسريعه بالكتابه والراتب 3000 انا طررررت فرحه والقسم نسائي.. سميت بالله وارسلت الـ cv وبعد 3 ايام اتصل علي واحد ويقول جانا الـ cv حقك وصراحه شدني مع ان كل اللي عندي كلهم جامعيات بس انتي احسك متحمسه ويكفي عندك شهادة ICDL وشهادة انجلش, ومن اسألته قالي انتي متزوجه او مخطوبه ~> وش قصتهم وربي قلت له قلت له انت تبي موظفه والا تدور عروس قالي يشرفني وحده بهالصوت الحلو وهالرقه ومن قبيلته ×××× شكله شارب رد بول دامه برا المملكه  قلت خير .. قال انا الحين برا الممكله لمن ارجع نتصل وننسق معك موعد وتجين قلت اوك يومين وجاني رقم قالي تعالي بكره اسوي معك المقابله قلت طيب فيه اختلاط او كشف وجه قالي لا مافيه اختلاط اصلا عشان يكون فيه كشف قلت طيب حلو ورحت من شفت العمارة اللي مكتبهم فيها غسلت يدي ثم لمن دخلت كانوا العمال اكثر منهم والموظفه الوحيده بينهم ,هذا وهو يقول مافي اختلاط الرجال داخل طالع عليها المهم مالقيت المدير لقيت النائب قلت ابي الاستاذ فلان قالي مو جاي اليوم قلت له طيب قالي بيسوي معي مقابله قال مقابله وش ..!! قلت انتم اعلنتم وظائف وانا قدمت وقالي المدير اليوم مقابلتي قالي اها تدورين وظيفه قلت يابن الحلال مو ادور اليوم مقابله قال خير خير تعالي المكتب دخلت المكتب وقفل الباب لابوها حاجه تخليني بخلوة مع رجل غرررررررررريب المشكله شخصيتي ضعيفه ما اقدر اقول لا تقفل الباب اوشيء لاني احتاج الوظييفه .. المهم قعد يسولف مثل اللي قبل ويسال متزوجه مخطوبه وربي يشهد علي .. المهم قالي انتي ماعندك الا شهادة ثانوي قلت ادري بس قالي المدير اني حاله خاصه ويبي يساعدني قال طيب لمن يجي اعطيه اوراقك ونتصل عليك ورحت من عندهم وما عاد شفت منهم شيء مدري ليه يسوون فينا كذا , يعلنون ونودي اوراقنا ونتعب مواصلات ومشاوير وبالاخير ولا شيء والله اخاف يستغلون اوراقنا وارقامنا المدنيه 3 هذي عاد غير خخخخ باب رزق اعلنوا عن وظيفة راتبها 3000 ع انها سكرتاريه ولمن رحت لهم طلعت ب 1600 ريال وطلعت خط انتاج بمصنع في المدينه الصناعيه على طووووووووول سحبت عليهم تسذابيييييييين واو واخر مرة اروح لهم لانهم نصابين 4 هذي الوظيفه المعلنه هنا حقت الخدمات المدنيه طلعوا ماعندهم سالفه حرقوا قلبي والله لاني كنت متامله فيهم قلت مكان نظيف ومافيه اختلاط وقسم نسائي بس مدري ليه ماجاء منهم اي شي لو يبون موظفات كانوا مهتمين ويتصلون انتظرتهم اسبوعين وسحبت عليهم .. https://www.btalah.com/t377473.html 5 هالوظيفة جاتني بشركة فلان بن فلان الفلان خخخخ صراحة كانوا جادين والوظيفه ادراية وراتبها زين بس قالي : شيلي هذا اللي !!!!!!!!!!!!!!!! --- ) يقصد شيلي غطايتك ققلت لا مستحيل اكشف وجهي 3 اللي سووا المقابله معي بس هالمرة حلفت ما اروح لوحدي اخذت صديقتي ودخلتها المقابله معي المهم قالي وش الفرق اكشفي احسن من شكلك كذا لاني اشوف الكشف ااريح ويثبت الهويه وش درانا ان هالل يمتغطيه معنا هي موظفه عندنا يمكن احد منحل الشخصيه -)قممممة السخافه قلت شي راجع لك تقبل ع بنتك تكشف وجهها ..!! قال ايه عادي قلت كذاب ماتقدر مو عشان حنا محتاجات الله يلعن الحاجه تستغلونا كشف وجه ومدري وشو حجابي ماراح يعيق عملي ابدا قلت طيب اجل مالي نصيب بهالوظيفه قالوا لي اوكي اللي يريحك قلت شكرا لكم وطلعت .. انتظرنا شوي تحت في العمارة ماحصلنا لموزين شوي والا واحد نازل لنا قال المدير يبغاكم قلت قله ما نبي الوظيفه خلاص قال اطلعوا له هو مُصر قلت لا معليش مانبي .. واصلا قبل ما ندخل المقابله كانت جالسه معنا وحده لابسه تقل جلابيه مو عبايه اسغفر الله والمياج كنها رايحه عرس وجنبها ثور شكله زوجها او اخوها ولمن دخلت للمقاله دخلت وحدها وهو جلس برا , وربياسمع صوتها وضحكها بصوت عالي استغفر الله هالرجال ماعنده غيره ؟؟؟ على الاقل يدخل معها ..!! المهم تركت هالوظيفه وقلت يالله الغناء عنها .. 6 صراحة الوظيفة هذي تمنيتها من كل قلبي لان المكان نسائي بحتتتت وارتحت فييييييييييييه بقوووة ومبني نظيف وحراسه مايدخل اي رجال والمقابله كانت مع بنوته قمورة كانت المديرة مع ان عمرها شكلها صغيره تحت الـ 30 واللي اتصلت علي بنت واللي استقبلي بالسكرتاريه بنت يعني ماشفت رجل .. وراتبها حلو انقهررررررت ما كتب لي الله نصيب .. بس هذي تجربتي مع البحث عن وظييفه ,, كل هالاحداث مدتها شهر واسبوعين حاولت الاقي وظيفه اصرف ع نفسي منها وامشي اموري بس الله ماكتب ويمكن خيره الحمدلله على كل حال الحمدلله على كل حال الحمدلله على كل حال رجعت ديرتي وقلت لاهلي نجحت ولو يدرون بكل هاللي صار ذبحوني وقطعوني قطعه قطعه لاني قلت اذا لقيت وظيفه مناسبه ومحترمه اقول لهم عليها ان وافقوا كان بها ما وافقوا رجعت بس لله ستر علي وحماني .. كرهت الوظايف وكرهت طاريها .. والله يساعدني ويقدرني اقدر اسدد رسوم السنوات الجايه .. وللاسف حافز ماكتب لنا الله فيه نصيب وبس حبيت اقولكم تجربتي وان اغلبها تقليل من قدرنا مايحترموا حجابنا ولا خصوصيتنا ذئاااااااب وتبي تاكل .. الل لايبارك لهم .. طبعا اكيد في جهات عمل فيها مصداقيه بس حبيت اذكر هالجانب من تجربتي والحمدلله رب العالمين الحمدلله الذي لايحمد ع مكروه سوآهـ ..~  التعديل الأخير تم بواسطة سأكتفي بك حلمآ ; 25-01-2012 الساعة 01:12 AM سبب آخر: اخطاء املائية كثيرة 
|
|
25-01-2012, 01:42 AM
|
||||
|
||||
|
[align=center]أتمنى لو تفتح مستشفيات وأسواق نسائيه ياخذون اخواتنا راحتهم فيها سواء موظفات او زباين
|
|
25-01-2012, 01:47 AM
|
|||
|
|||
|
من ترك شيء لله عوضه الله بشيء خير منه
|
|
25-01-2012, 02:00 AM
|
||||
|
||||
|
انتم غلطانين اصلن ..
|
|
25-01-2012, 05:39 AM
|
||||
|
||||
|
حسبنا الله ونعم الوكيل .. الله يرزقك واتمنى لكي التوفيق..
|
|
25-01-2012, 01:38 PM
|
|||
|
|||
|
مدري احس الخطا منك رايحه لحالك ومن دون محد يدري
|
|
25-01-2012, 02:13 PM
|
|||
|
|||
|
|
|
25-01-2012, 02:17 PM
|
|||
|
|||
|
|
| أضف رد |
|
(( لا تنسى ذكر الله )) |
|
|
|
|
العرض العادي
