السلام عليكم ورحمة الله وبركاته

مثل ماتعرفون حافز كل يوم منزل قرار ظالم
واخرها ان يخصم من اللي تابعين الضمان او يتقاضون راتب تقاعدي للاب المتوفي
وهذي مو من شروط حافز وحتى ابراهيم المعييقل مدير الموارد البشريه في لقائته التلفزيونيه
قال يخصم من حافز اذا راتب الضمان ينزل بسجل الشخص واسمه ومعروف من هم ( المطلقات والارامل ويتيم الاب والام )
وعدا ذلك ينزل الضمان باسم المستفيد الاول الاب او الام في حالة وفاه الاب

ماهو ذنب من كان ابوها يستلم من الضمان او متقاعد وتوفى
يخصم منها ومن ابوها متوظف ومرتاح ويستلم فوق الخمسه او اكثر من ذلك او زوجها راتبه زين لايخصم منها
ليه الظلم مايكون الا على اصحاب الدخل المحدود وش ذنب الشخص اذا ابوه ماقدر يشتغل وشمله الضمان ومعروف الضمان مايتعدى 3 الاف وينزل باسم الاب وكل يصرف على السكن والاكل والشرب واحتياجات العائله ولايكفي ويزيد الظلم حافز

فانا معي شهاده وعاطله وباحثه عن العمل فمي من حقي 2000 ريال حتى لو ابوي في الضمان مثلي مثل اي واحده او واحد باحث عن العمل ان شاء الله ابوه وزير من حقه ال2000ريال


فاليت بعد اذن المشرف الكل يراسل برنامج ياهلا على روتانا خليجيه واللي يقدمه علي العلياني ونشرحه الظلم اللي نلقاه من حافز من هذي الناحيه وبقية النواحي

ومعروف هذا البرنامج متابع من المسؤولين وله اثار ايجابيه فايليت الكل يرسل حتى لو كلام بالعاميه اهم شي صوتنا يوصل
لان لو سكتنا بيجي شهر مانستلم من حافز ال 100 ريال

وهذا بالرغم ان الملك اطال الله عمره قال في الامر الملكي يصرفي الفي ريال لكل عاطل باحث عن العمل
وماحدد اي شرط هم الفوها من عقولهم عشان يلهفون لهم ملايين جعلها تحرق قلوبهم
وحسبي الله على الظالم


وهذا هو ايميل البرنامج
******@rotana.net

وكمان مراسلة الصحف مثل سبق وعاجل