السلام عليكم ورحمة الله وبركاته
حبيت استفسر من اهل الخبرة في الدجاج .
انا الله يسلمكم عندي مساحة فاضية تقريبن 10 متر *10 متر
او حولها وحبيت اني اسوي شبك واجيب كم دجاجة عندي علشان استفيد من البيض وابيعه والي بغيت اعرفة.
وين احصل الدجاج البياض ؟
لاني رحت سوق الطيور ومالقيت الا بلدي .
وذا ما حصلت بياض هل الدجاج البلدي ينفع ؟
وكم يلزمني من فلوس عشان اغطي تكاليف المشروع ؟
وكم تقريبآ يطلع لي صافي من الارباح شهريآ ؟
اتمنى انه احد يقدر يفيدني .
تقبلوا تحياتي

مــا شاء الله مـــشروع رائــع ...


على ما اظــن ان بيض الدجاج البلدي يـكون اغلى من الدجاج العادي ...

فأنصحك ان يكون الدجاج اللي تــربية بــلدي مهوب من هاليكبرونها بالكيماوي ...ليكون مشروعك ممـيز ,,


اتمنى لك التــوفيق ,,,

وياليت لو احد يقدر يسوي لي دراسة جدوى لمشرعي علمأ بان راس مال المشروع 10000 ريال .

الدجـــــــاج الحساوي

بـــــياض موجودين عند جدي كل اسبوع اخذ البيض من عنده ^ـــــــ^

اخوي اسمحلي ما عندي خبره فالدواجن بس حبيت افيدك ان شاء الله من احد الاعضاء بالمنتدى
اسمه (( مستر جلطه )) بصراحه انا متابع ومترقب لكل رد يكتبه واستفدت منه كثير ولله الحمد الله يوفقه ويوفقك ويوفق الجميع ان شاء الله , فاقتبست لك احد ردوده بخصوص مشروع الدواجن الي طبقه ...

وعليكم السلام ورحمة الله وبركاته

أخوي مشاريعي صغيره بالمال وتطلع ذهب بس لكل فعل ردة فعل أي اذا تبي توقف على مشروع مثل هذا تشغل دماغك اربع وعشرين ساعه يعني تكون شغال اربع وعشرين ساعه
بما انك صاحب عقار وميسور الحال بقولك مشروع على حالتك
من المعروف تجارة الطيور مربحه جدآ وأنا ادخل كل مجال والحمد الله يكون لي نصيب منها اي يكون لي الكتف و الحمد الله على كل حال
اسمع مني انا بديت في مشروع في اول بدايات تجارتي رحت كان عندي 10 الاف دينار وهي مبلغ لا يفتح مشروع يجيب راس مال يثلج الصدر اخوك شنو سوا راح وأجر له استراحه لمدة سنتين ورحت محل الطيور وكنت ابي اتاجر بطيور السمان ( الفري ) بس شفت السوق كله نصب في نصب لاني درست انواع الطيور من الكتب ولاانترنت فكان لي ثروه لايستهان منها في معرفة الانواع وهكذا ليش اقولك نصب لاني اشوف الطائر واسأل الهندي اقول كم عمره يقول شهر وتشوف منقاره اللا عمره اكثر من سنه فقلت ماتروح علي وفعلآ رحت لأصحاب مزارع وقدرت اتفق معاهم بشراء 5 ألاف طائر سمان عمر يوم او يومين وكانت عندي العاقبه الاكبر واللا وهي اجيب لي شغال بالمحل <~ ههههه لان الي مو متزوج مايقدر يجيب عماله من الخارج فقدرت اتصرف و الحمد الله احسب معاي ياحلو

الطائر الواحد باليوم يجيب بيضه وحده احسب 5 الاف ضرب 1 = 5 الاف بيضه باليوم فانا كنت متفق مع بعض البقالات و الجمعات التعاونيه بتوريد البيض لهم يوميآ وفعلآ تعاقدت معاهم وكانو اصحاب القنص و الأخرين يجون يشترون مني اما بيض او فري فكنت مسوي مشروع في مشروعين الاول توريد البيض للمحلات والبقالات وثانيآ تربية السمان في عمر شهر وبيعه على السوق فكان سعر الفري ابيعه 200 فلس اي كسرت سعر السوق بكثير لان الفري يباع عند المزارع و الاسواق 300 غلى 250 فلس اي بمعنى دانت لي السيطره وكنت اخصص شهر ابيع البيض وشهر افرخ البيض عشان اجيب انتاج فاحسب معاي 5000 الاف فري ضرب واحد بيضه باليوم يصير خمس الاف خمس الاف ضرب ثلاثين يوم 150000 بيضه بشهر زيد الانتاج وصار بسنه 1800000 طائر سمان ابيع الطائر الواحد بــ 200 فلس 1800000 ضرب 200 فلس = 360000 الف دينار كويتي + سعر بيع البيض على المحلات تقريبآ 100000 الف دينار كويتي اجمعهم طلع لي نص مليون دينار كويتي خلال سنه وكنت ماجر سنتين فربحت منها ربح وفير واتنمى افدك فيها لاني عارف ان عشر الاف دينار كويتي مو واجد عليك

موفق بإذن الله ... لك مني أجمل تحية .

[align=center]
اخي الفاضل
السلام عليكم ورحمة الله وبركاته

مشروع الدواجن مشروع مربح 100% ولكن المبلغ 10000ريال قليل , ولكن انا اقترح عليك بان تشتري فقاصة وتشتري بيض وتبدا المشروع والله مشروع 100% × 100% وبعد ستة شهور صدقني بتشوف كيف دخلك 100%
[/align]

موفق اخوي

الله يوفقك اخوي و يسهل امورك

هذا الموضوع سبق ناقشه الاخوان اكثر من مرة تفضل هذه بعض روابط نقاشاتهم ان شاء الله تجد فيها فايدة

https://www.btalah.com/showthread.*****..5%C9+%C8%ED%D6

https://www.btalah.com/showthread.*****..5%C9+%C8%ED%D6

https://www.btalah.com/showthread.*****..5%C9+%C8%ED%D6

https://www.btalah.com/showthread.*****..5%C9+%C8%ED%D6

و اذا احد من الاخوان عنده تجربة جديدة يتفضل يفيد الجميع

بالتوفيق