31-01-2012, 06:25 AM
|
 |
عضو مميز
|
|
تاريخ التسجيل: Nov 2010
المشاركات: 754
معدل تقييم المستوى: 114514
|
|
دام انك مابعد درست ولادخلت الدوره فأنصحك ماتدخل كامبردج
لان شهادة الكامبردج وبعد معاناة بدورات الأي سي دي ال والمشاكل إلي صارت عليها
اتضح لنا ان العسكرية مايبونها والغريب إنك تدرس شهرين والمؤسسة تقول 6 اشهر
لعب على كيف كيفك
فأنصحك تدخل دوره إدخال بيانات ومعالجة نصوص وتدرس 6 أشهر كامله ويكون مذكور بالشهاده
تاريخ بداية الدورة ونهايتها
اسال إلي توهق بالمسائل هذي وعرف وش الطيب والخيب من الدورات
طبعا تعليم ماهناك تعليم كله كذب في كذب ومجرد روتين يفضلك على غيرك وعذر من أعذار القبول والتسجيل بأي قطاع وأي منشأة
وبما إنك تقول نسبت الثانوية ضعيفة جدا وماعندك دورات ولاشيء
فحاول تكون طموح ترى محد بيدور عليك ولايسال عن أحوالك
لازم أنك تبادر وتدفع فلوس وتلتحق بأقل شيء دبلوم لمدة سنه
بالدورات إلي لك ميول فيها على الاقل يغطي على شهادة الثانويه
لانك بالحالة ذي فيه اسباب كثير تشفع للقبول والتسجيل إنه مايقبلك
وأعذاره كثير نسبته ضعيفه جدا ماعنده دورات ماعنده دبلوم ماعنده وماعنده
إذا كان والدك مستفيد من الضمان الإجتماعي
فأنصحك تروح لجامعه منطقتك تسال لو فيه دبلومات مسائية عن طريق الصندق الخيري
بعدين بيقولون جب لنا ورقة من الضمان وبتدرس عندهم دبلوم أياً كان عمرك ومؤهلك لايقل عن الثانوية بأي معدل
ومخرج ثاني
تروح لأي معهد أهلي تقول ابي ادرس دبلوم عندكم عن طريق الضمان الاجتماعي
وهم بيشرحون لك وش تسوي علشان تدرس
تجيب لهم ورقة من الضمان إن الوالد مستفيد من الضمان وأنت ماعندك عمل وتبغى تطور من مهارات وكذا
بعدين بتدخل تدرس وتحصد دبلوم وتنسى الثنوية ونسبتها
وهذا الكلام سواه واحد من الربع اعرفه هو وغيره الكثير
فترى الكسل والإنتظار ماراح تنفعك بشيء لازم تتعب وتسال حتى تلاقي لك فرصه عمل
وإذا كان والدك مو مستفيد من الضمان الإجتماعي فأكيد عنده تقاعد او موظف
افتح له موضوع إنك تبي تدرس دبلوم وبيكلف كذا كذا وحاول تقنعه إنه بيفيدك
وترى فيه معاهد تقدر تلتحق فيها بدبلومات أقساط على مبلغ معين مثل معهد نيوهرازين
خل عندك طموح تبي توصل له وادع ربك يعينك لايروح عمرك وانت تنتظر وجالس
(( لان ماعندك مؤهل يشفع لك تتظلم فيه ))
أو حاول تلقى لك واسطه بكلية التقنية يدخلوك تدرس فيها
ترى فيه حلول بس شغل مخك واعرف أنك لو جلست ف البيت بدون ماتدرس
بس جالس كذا فتراك بتضيع عمرك بدون فايده
أنا اتكلم لك من واقع تجربه
تخرجت من الثانوي مالقيت شغل
دخلت الكلية التقنيه وتخرجت بدلوم سنتين ونصف
تخرجت من الكلية مالقيت شغل
أخذت دبلوم حاسب سنه
ودورة الكامبردج
والحين اقدم واطامر واروح وأجي والرزق بيجيبه الله سبحانه
وبالنهاية أتمنى لك التوفيق والله يعينك ويسهل امورك أنت وكل عاطل وعاطله
ويرزقكم بالوظايف الي تغنيكم وتسد حاجتكم وتعيشكم حياة كريمة
والله الموفق
|
العرض العادي
