انطباعي وتقريري عن مؤتمر لقاءات للتوظيف بالرّياض للإناث للمعارض

اكبر عواطلية · #41 (**permalink**) 28-01-2012, 04:14 PM

اقتباس:

المشاركة الأصلية كتبت بواسطة الشاكره لله

السلام عليكم ورحمة الله وبركاته

هلا اختي بالنسبه الى سؤالك وين المعارض اللي صارت قبل فيه واحد أنا رحت له بنفسي بشهر القعده اللي كان بفندق الانتركونتنتال

وكان المعرض لتوظيف على يومين وكان فيه شركات ومستشفيات ومكاتب توظيف مثل قيادات الوطن وجمعيات خيريه واغلبهم شرحوا لنا

ماهو نشاط الشركات واللي كان تخصصنا يعجبهم يقولون أعطونا السي في واللي مايناسب يقولون قدموا عن طريق النت . واعرف وحده

راحت المعرض الي كان الشهر اللي فات برعاية اميره الطويل في الانتركنتنتال نفس النظام توزيع سيفيات وتقديم من النت ولا احد دق ولا

احد اتوظف يعني شي يرفع الضغط بس قلنا هذا يمكن فيه امل بس يوم شفت تقريرك عرفت السالفه .................... يالليل ماطولك*

فهمت عليك أختي .. بس يبدو أن طريقة دعوتك للمعرض ماكانت عن طريق موقع رسمي حكومي مثل حافز ولقاءات .. صح ؟ لأن الجميع ماسمع ولا اندعى لهالمؤتمر مثل لقاءات !
عموما شكل هالمعارض حتكون ديدن في بلدنا واكيد أن الجهات مستفيدة من هالمعارض لأني اذكر أن الشركات تأخذ نسبة عشان الاعلان والراعي الرسمي بعد يدفع لهم

تعليمها عالي · #42 (**permalink**) 28-01-2012, 04:20 PM

اقتباس:

المشاركة الأصلية كتبت بواسطة الفقيرة

\

حبيت اعدل لك نقطه ..

ترا القهوجيين مو سعوديين < والله من الفضاوهـ

مش بس القهوجيين حتى المنسقين بعضهم اجانب اول ما دخلت سألت واحد لابس غتره والثوب الرمادي من وين ادخل رد علي من هون قلت بنفسي ياسلام على السعوده هذا اول الخير اللي مستقبلنا سوري قلوا السعوديين!!! واصلاً باين من اشكالهم الاجانب يلقون من البياض وعيونهم ملونهم يعني لو يسعودون اشكالهم من راسهم الى رجلينهم الملامح واضحه .

انا ماني حاقده عليهم الله يرزقهم لكن مش على حسابنا خاصة اللي دارس وعنده مؤهلات عاليه يقعدونه بالبيت او يوظفونه اي وظيفة تسكيته والاجنبي اللي شهادته يمكن تكون ما تعدت الدبلوم ماسك احسن الوظايف وماشي له راتب عالي وبدلات وسكن وسياره!!!!

اكبر عواطلية · #43 (**permalink**) 28-01-2012, 04:23 PM

اقتباس:

المشاركة الأصلية كتبت بواسطة روح مطير

ما شاء الله تقريرك أكثر من رائع ومجهود تشكرين عليه بصراحه

ربي يجعله بميزان حسناتك...ويرزقك يارب الوظيفه اللي تريحك وتغنيك

والجميع يااارب

وعندي إضافة على موضوع الحجاب وشركة العليان...
والله شي يحز بالنفس
ان يرتبط قبولنا بالوظيفه بنزع الحجاب..

بصراحه الموظفه الممثله للشركه كانت تحاول تقنع الغالبية بالامتثال لشرط الشركة لدرجة ان مجموعة سيفيات كانت على جنب ولما سألتها قالت "بعرضها على صاحبة الشركة لأن أعدادكم كبيرة ورافضين شرط الشركه" فــ راح يدرسون امكانية تغيير الشرط

يارب انك تعلم تركنا التقديم في الشركه كله لمرضاتك

فيااارب عوضنا خيرا منها

شركة العليان كانوا كل الموظفات بدون استثناء كاشفات وسعوديات
هي الشركة الوحيدة اللي كنا نبغاها لأن العليان الوكيل الوحيد لشركات عالمية وعندهم قروبات متعددة الانشطة وطالبين موظفات كثير ..
الله يغنيننا من فضله

اكبر عواطلية · #44 (**permalink**) 28-01-2012, 04:27 PM

اقتباس:

المشاركة الأصلية كتبت بواسطة تعليمها عالي

الله يعطيك العافيه يااكبر عواطليه على التقرير ما قصرتي وبالنسبة لموضوع الكشف فعلاً شي يضايق يتركون كل الشهادات والخبرات ويركزون على الكشف وتوظيف الباحثه عندهم مربوط بكشف الوجه!!!! لكن شرهتهم على اللي يخليهم يسوون اللي في راسهم سواء كان في طريقة الترشيح او حتى الموظفات المنسقات اللي غالبيتهم(وليس الكل) كاشفات والله بغيت اكلم الهيئة واقولهم ترى معرض توظيف الاناث فيه مخالفات وتجاوزات روحوا وسوو لهم زيارة وشوفوا بعينكم بس ترددت وقلت ماهي مشكله بينكشف الامر لان فيه مصورين واعلاميين داخل المعرض بيقومون بالازم

طبعا شرط كشف الوجه هذا بالتنسيق مع وزارة العمل .. سلمي لي على وزير العمل الجديد ، مع أن القصيبي كان ليبرالي بس ماكان كذا أو يمكن لأن البلد تو صار فيه مجالات عمل للمرأة في الشركات المختلطة
بخصوص الهيئة هههههههههههه برضو سلمي لي على الرئيس الجديد ولد آل الشيخ

اكبر عواطلية · #45 (**permalink**) 28-01-2012, 04:31 PM

اقتباس:

المشاركة الأصلية كتبت بواسطة الفقيرة

يعطيك العافيه عزيزتي ع التقرير ..

ضايقني جدا الاختلاط , وكثرة كشف الوجه من قبل ممثلات الشركات ..

ولاحظت ان مافي تنوع بالوظائف .. كلها نفس المجال تقريباا .. اداري او تقني ..

وطيب خريجة التاريخ والجغرافيا والعربي والدين ووو .. < هذي وش تسوي بنفسهاا تنتحر

\

حبيت اعدل لك نقطه ..

ترا القهوجيين مو سعوديين < والله من الفضاوهـ

الله يعافيك اختي .. مثل ايش تنوع وظائف اصلا كانوا يجاملونا ويقولون في وظائف إدارية ومايحتاج يكون عندك دورة بالحاسب .. هالكلام سمعته من اكثر من موظف يقوله للباحثات حسيت أنهم محفظينهم هالكلام وجايين يسمعونه
والله يختك أن راسي وقتها كان دايخ وتقهويت لين قلت بس وكل اللي قهووني سعوديين وماقابلت ولا اجنبي قهوجي حتى في واحد عمره 18 سعودي أصل مادخل بعرقه أي جينات اجنبية

رحمته وربي

اكبر عواطلية · #46 (**permalink**) 28-01-2012, 04:34 PM

اقتباس:

المشاركة الأصلية كتبت بواسطة الفقيرة

اي صح نسيت اسألك ..

يوم الخميس كان فيه شي جديد عن الاربعاء ؟!

شركات زياده او شي ..

لاني رحت الاربعاء بس من الصبح للعصر وطفشت وطلعت ..

لا ماكان في شي جديد .. أنا رحت الخميس عشان احضر ورش عمل وحضرتها كلها واخذت عليها شهادات حضور فقط لأن الاربعاء مالحقت احضرها كلها واستفدت منها واستفدنا بعد من اللي القوا علينا المحاضرات واخذنا ايميلاتهم للتواصل معهم عالتويتر والفيس بوك

تعليمها عالي · #47 (**permalink**) 28-01-2012, 04:39 PM

والله قهر كذا بيسير فساد وما عاد الوحدة فينا اللي عفيفه تقدر تشتغل في مكان فيه اختلاط ، وعالبالك المكان المختلط والمتحرر من القيود بيخلون البنات في حالهم ؟؟؟ اقص ايدي من ذراعي الترقيه والعلاوات والبونصات مابتاخذها اللي بتكون لعابه وراعية لف ودوران بتعجبهم، الله لا يجعل هالشي يسير اختلاط ممكن لكن اكشف وجهي واقعد في مكتب وبجنبي زميلي او رجال واسولف واضحك واتمايع معهم لا اعوذ بالله
واذا على سلامك حاضر بوصله.....

اكبر عواطلية · #48 (**permalink**) 28-01-2012, 04:41 PM

اقتباس:

المشاركة الأصلية كتبت بواسطة تعليمها عالي

مش بس القهوجيين حتى المنسقين بعضهم اجانب اول ما دخلت سألت واحد لابس غتره والثوب الرمادي من وين ادخل رد علي من هون قلت بنفسي ياسلام على السعوده هذا اول الخير اللي مستقبلنا سوري قلوا السعوديين!!! واصلاً باين من اشكالهم الاجانب يلقون من البياض وعيونهم ملونهم يعني لو يسعودون اشكالهم من راسهم الى رجلينهم الملامح واضحه .

انا ماني حاقده عليهم الله يرزقهم لكن مش على حسابنا خاصة اللي دارس وعنده مؤهلات عاليه يقعدونه بالبيت او يوظفونه اي وظيفة تسكيته والاجنبي اللي شهادته يمكن تكون ما تعدت الدبلوم ماسك احسن الوظايف وماشي له راتب عالي وبدلات وسكن وسياره!!!!

القهوجيين اللي مروا علي كلهم سعوديين وواضح من الوانهم ولكنة كلامهم وملابسهم .. ملبسينهم ثوب سعودي ودقلة .. استغربت يوم تقولون مو سعوديين إلا سعوديين 100 %

على سيرة المتسعودين .. اكيد كل اللي حضروا المعرض مر عليهم هالشخص

مضبطينه والله بالغترة والعقال لله درهم

تعليمها عالي · #49 (**permalink**) 28-01-2012, 04:49 PM

اقتباس:

المشاركة الأصلية كتبت بواسطة اكبر عواطلية

لا ماكان في شي جديد .. أنا رحت الخميس عشان احضر ورش عمل وحضرتها كلها واخذت عليها شهادات حضور فقط لأن الاربعاء مالحقت احضرها كلها واستفدت منها واستفدنا بعد من اللي القوا علينا المحاضرات واخذنا ايميلاتهم للتواصل معهم عالتويتر والفيس بوك

وش تبغون بإيميلاتهم لو بينفعوننا وبيفيدوننا كان نفعونا في ايام المعرض اذا ماطلع بإيدهم شي خلال هذي الايام ما راح يطلع منهم الايام الجايه والله اعلم
واذا عالحاسب قالوا لكم ماهو لازم خراطين بس يسايرون الناس انا عندي دورات ودبلوم فالحاسب والله ولا درو عني واذا قلتلهم يقولون لازم بكالوريس دبلوم ما ينفع طبعا بعضهم مش كلهم علشان ما اظلمهم او يقولون هاتي السي في واذا فيه بنكلمك !!!!

الفقيرة · #50 (**permalink**) 28-01-2012, 05:04 PM

اقتباس:

المشاركة الأصلية كتبت بواسطة اكبر عواطلية

القهوجيين اللي مروا علي كلهم سعوديين وواضح من الوانهم ولكنة كلامهم وملابسهم .. ملبسينهم ثوب سعودي ودقلة .. استغربت يوم تقولون مو سعوديين إلا سعوديين 100 %

على سيرة المتسعودين .. اكيد كل اللي حضروا المعرض مر عليهم هالشخص

مضبطينه والله بالغترة والعقال لله درهم

هههههههههههههههههه ياحبي لك بس
من الاخ ..؟ ماتشرفناا
من جد مضبطينه بعنف ..

ع سالفة القهوجيين .. يااختشي شكلهم من الجنسيه اليمينه ..عاد تصدقون .. ماتقهويت .. احسبها موب لنا للموظفين .. قلت والله ماافشل نفسي

رغم اني شايفه ثنتين ياحليلهم مطلعين علبة تمر

وقاعدين عند ركن بيت السعوده ويجيهم الاخ ويقهويهم هههههههههههه
عايشين حياتهم قسسم