27-01-2012, 11:07 AM
|
 |
عضو نشيط
|
|
تاريخ التسجيل: Dec 2011
المشاركات: 140
معدل تقييم المستوى: 305750
|
|
|
مشروع علب الكلنكس ..
السلام عليكم ورحمة الله وبركاته .
مره لما كنت في المخيم مع الشباب <~ انزين شنو نسوي يعني 
قعدنا نتكلم بمواضيع نقاشات عاديه ( مو تجاره ) لفت انظاري علبة الكلنكس مكتوب عليها محارم دانه فقلت لصاحبنا من وين شاريه قال السوق الفلاني قلت بكم شريته قال دينار ومية فلس فكانت جودته متوسطه وحجمه صغير فأخذنا النقاش لين قال ليش مانتاجر فيها أنا أخذتها مزحه لأني ما اعرف في الكلنكس وكنت اتوقع اهي بس مسألة التصريف لا دراسة جدوى ولا أي شي فافعلا اتفقنا نتقابل اليوم الثاني في أحد المطاعم ومن خلال كلامي معه عرفت انه جاد في الموضوع فكنت متردد نوعا ما فقلت في نفسي خلنا نجرب الفلوس تروح وتجي
اتفقنا كل واحد ينزل السوق ويسوي دراسة جدوى بروحه وبعد يومين تقابلنا عندي فالبيت فوجدت الدراسة متقاربة من بعض والحين جا وقت راس المال أهو قوي شوي لسبب عشان بندخل دخله قويه ونكسر الأسعار الموجودة بالسوق فكان أول شي راس المال ألفين دينار لكل واحد فينا وبعد الذهاب إلى المصنع ومعرفة الأسعار خربط كل الحسابات فكانت أقل طلبيه بمبلغ ألفين دينار وهذا غير أجار مخزن وغيره من الأمور فقررنا زيادة رأس المال كل واحد يقط خمس ألاف دينار فافعلا اتفقنا مع المصنع 30 ألف علبه كلنكس واتفقنا على الاسم والأحجام وغيره فكانت العلب متوسطه والجودة ممتازة فحددنا السعر وطلع علينا على العلب من خمس ألاف إلى اربع الألف دينار كويتي واشترطت عليهم توصيلها للمخازن فكانت المخازن اجار وغيره وكان غالي نوعآ ما مراح يغطي فأجرنا مخازن خيام أرخص وبعد أسبوعين تقريبا اوصلت للمخازن وكل شي تمام فرحت أنا و الخوي لأحد الجمعيات التعاونية وحاولنا الأتفاق فكتشفت أنك مراح تمشي اللا بشين الأول رشوه و الثاني واسطة فكانت الثانيه املكها عندي قريب كان رئيس جمعية تعاونيه فتفقت معه على أدخالها الجمعية واشترط ياخذ نسبه فرفضت فقلت اعطيه مبلغ فرفض فكان طماع ولم أحب انزل نفسي أكثر واخسر أكثر عشان ادخلها الجمعية رجعت البيت وأنا مقهور جلست ليه الصباح مانمت فصليت واستخرت الله سبحانه فنحلت ولله الأحمد كيف راحت عن بالي البقالات رحت انا والخوي لعدة بقالات كنت اتعامل معها قبل في مشاريع فتفقنا ياخذو نسبه فرفضت رفيجي زعل من أسلوبي ورفضي لنسب أنا كنت اشوف الموضوع من أتجاه اخر فعرضت عليه أجار الرفوف فقبل الهندي شهريآ خمسين دينار وسويت هذا الشي مع اكثر من بقاله واتفقنا بس كانت الكميه كبيره لأن كنا متوقعين بنحطها بالجمعية فرحنا للأسواق من سوق طيور الجنة والمحاميد وغيره من الأسواق فكانت هذي الأسواق لازم تتعامل معاهم بنسب يعني مومعقوله بتأجر عندهم رفوف فتقنا وبالغصب على 5% على كل ربطه فكانت الربطه تحتوي على 6 علب كلنكس وتفقت مع صديق لي من غير محددي الجنسية على أن يبيعها وياخذ ربع المبلغ على كل كلنكس جاء وقت تحديد السعر وهذا مهم جدآ معك الأفضل يجب ان تحدد وأي غلط في الحسابات تشكل نوعآ ما من الخسارة وقلنا الربطه الوحده دينار وربع
وفعلآ كان صديقي يوصل الطلبات للأماكن الي اتفقنا معهم وكان يقلها بسيارته يعني لا تفكر بعض الناس شاحنه وغيره وبعد شهر تقريبا نفذ كل الربطات وفي أخر الشهر كان بعد تقسيم الأرباح على اللي اتفقنا معهم فكان الربح 12 ألف يعني كان الربح لكل منا ألف دينار طبعآ لو كنا بسعوديه كانت افرقت كثير لأسباب السعودية يكثر فيها البقالات والبلدية ماتحاسب خلق الله على البسطات وغيرهـ فكانت هذي تجربتي الأولى والأخيرة في تجارة علب الكلنكس .
|
العرض العادي
