السلام عليكم ورحمة الله
طبعاً كل منطقة يرغبون نوعية معينة من التمور

لكن هناك اجماع على نوع واحد انه الافضل وهو يقع بين الخلاص والسكري

لذلك ارغب ب ارائكم جميعاً ولا استغني

وش هي النوعية المطلوبة بكثرة والسحب عليها كثير في جميع المناطق

تحياتي

عندك تمور الاحساء مايبيله كلام

الأخلاص ومن بعده السكري النوعين هذي كل اهل الجزيره يكلون منها ويفضلونها على باقي الأانواع

+ نبت السيف والصقعي لأن مو الكل يقدر على أسعار السكري والخلاص !

بالعربي نوع من هالأربعة واكتشف السوق

خلاص الخرج
سكري القصيم

فيه نبتة سلطان حبة كبيرة وطعم ورخيصة وتمشي

حسب معلوماتي هناك الكثير من انوع التمر لكن الافضل تقريباااااااا تلات انوع وهي
1/ الاخلاص
2/السكري
3/برني العيص
.....................................

انا اشوف ان البرني المبروم لايقل طعماً عن السكري والخلاص ان لم يكن افضل منه ويتميز بعدم وجود قشر في التمر البرني المبروم ,وتشتهر به محافظة العلا التي تنتج 80% من انتاج التمور في منطقة المدينة المنورة , وهو تمر فاخر وغالي الثمن له رواج كبير في منطقة المدينة بشكل خاص ومنطقة الحجاز بشكل عام وهذه صورة له .

|:|

السكري انواع
كل ما كبرت حجم التمره كان اطعم !

و كذلك الاخلاص
فيه القصيم وهو في المرتبة الاولى
و فيه الخرج و هو في المرتبة الثانية
و فيه الاحساء و هو في المرتبة الثالثة

لكن عن الافضل
كلها حلوه انا كان عندي محل تمور
وكان اكثر شي يمشي عندي السكري و من ثم اخلاص القصيم !

وبس وبسه