[align=center]
بسم الله الرحمن الرحيم




السلام عليكم ورحمة الله وبركاته



أخواني واخواتي الكرام ~



اليوم خطرت على بالي فكرة صليت الفجر وأستعديت وتكشخت وأفطرت ومريت مكتب العمل للتقديم والبحث عن وظيفة لكن صرفوني بكم كلمة رح سجل بالموقع ومدري وشو ,,

رحت لمكتب خدمات عامه ( معقبين ) وكل من رحت له يقول فل ما عندنا وظايف اخر شي طحت على واحد سبحان الله قال انا ما عندي بس المكتب الي قبالي قايل دورلي قلت يعني أروح له قال ايه

ورحت للرجال ولقيته مزحوم وعنده زباين قلت عندك وظايف قال راتب ما فيه بس بالنسبه
وأخذت رقم جواله قلت بشوف وأكلمك
وقالي دوام واحد من 8 ونص تقريبا الى 1 أو 2 الظهر وخلصنا

وفكرت فيها قلت حلوه والي دفعني أني أروح وأدور على الشغل لاني قلت ما راح يجيني رزقي وأنا جالس في البيت وحاط رجل على رجل لازم العزيمه والإصرار الي داخلك تسير عليها وتروح وتبحث وتشوف والي يسأل ما يضيع

عندي سؤالين :

1- وش رايكم بكلامه أتوظف عنده او وش أسوي وترا ما عندي خلفيه عن النسبه ياليت أحد يشرح لي .

2- وش رايكم بالذهب يعني أتاجر بسبايك باحجام صغيره براس مال صغير .




والسلام عليكم ورحمة الله وبركاتة
[/align]

ماعندي علم
بس حبيت أدعي لك
والله يوفقك ويرزقك من واسع فضله ويرزق منك يآرب

نصيحه اخ لاخوه لاتفوت الفرصه شغل التعقيب فيه ورق ودخل ممتاز وتوكل على الله
اشتغل معاه ست اشهر لاحد ماتعرف الشغل زين ويكون كسبت معارف وعلاقات بسمعت المكتب وبعدها افتحلك مكتب ويكون مبني على خبرتك وعملائك
واضمن لك بعد الله لو انت مجتهد يكون دخلك بالميت عشره الف وانت حاط رجل على رجل ولو زاد الشغل والضغط عليك توظف شباب لهم خبره وبالنسبه وهكذا
اسأل العلي القدير ان يرزقنا ويرزقك بالرزق الحلال
تحياتي

توكل على الله وهذ فرصه انك تعرف مداخل ومخارج الشغله

و التعقيب يصنع لك معارف كثيره

جرب وان راح تحكم ... اما تستمر او تتركه

والله الموفق