سسسلآم عليكم ورحمةةة الله وبركآته

{{من ششآور مآخ ــآإب}}


ياهل المعرفه , بستشيركم , كيف المظلآت تنصحوني فيهآ والا لآ
وكيف دورتها , والروآتب , والبدلآت , وايش الفرق بين الصاعقه والمظلات
لو دخلت دورة المظلات , هلـ في نفس الدوره الصاعقه والا كل وحده لها دوره خآصه
وبـ اختصصآر , تنصحوني فـ المظلآت , والا لآ...!


الله ييسر لكل واحد رد علي وآفآدنيٌ
لااني بكرآ طالع تبوك بقدم عليهآ
تكفون فيدوني يهل العلم

وعليكم السلام ورحمة الله وبركاته

المظلات حلووه ولها مميزات حلوه والصاعقة " دوره " تاخذها بعد الفرد الاساسي
ورواتبهم فوق 6000 ريال للجندي .

انا نسبتك تحت السبعين

وتحب المغامره رووح واذا غير كذا انصحك تروووح عنها

نصيحتي لا تقرب المظلااااات بتقعد طوووول عمرك في تبوك

والله متعبه لو تشوف غيرها احسن انا قدمت عليها قبلت قبول نهائي وسحبت عليهم من شان وظيفه ثانيه والحمد لله الحين منتظر الدوره كانت الدوره يوم 10/19 والتخرج يكون يوم 5/27 يعني احسب الدوره كم. والله على مااقول شهيد
لو طولك زين قدم على الداخليه افضل عمل وراتب كلام المدرب 4 شهور فرد اساسي وشهرين ونص صاعقه ومظلات شهر او شهر ونص
لا اله الا الله محمد رسول الله

اسمع ياخوي اذا انت تبي الراتب روح لها لان راتبها 9000ريال للجندي اول لان خوي توه متخرج ويستلم 9000ريال شهريا واول ماتخرج اعطوه 42000وبعدين سافر دورة 4شهور واعطوه 18000يعني لو تبي الراتب والمال روووح لها وطريقة الدوااام طبعا دوام يومي من بعد الفجر الى بعد الظهر والخميس والجمعه اجازه اذا مالحقت عليك خفاره

طيب متى تقديمها

هل المظلات فيها تقديم ولا
اذا فيه ابي اروح

راح اوضح لكم فكرة الوحدات المظلية من ناحية الدورات والتدريب والرواتب نبدأ
الدورة مكونة من 6 أشهر منهآإ::
3 أشهر فرد أساسي شهر واحد دورة مظلات
شهرين دورة صاعَقة
نبدأ بالدورة الفرد الأساسي ::
وتكون من ضمنها الـ 45 يوم
طبعا دورة الفرد الأساسي كلها بتكون تدريبات مشاة وتدريبات رماية بسيطة جدا كأي دورة فرد أساسي تحويل من الحياة المدنية للعسكرية ولاكن فيها أضافة أنهم يأهلونك لدورة المظلات والصاعقة من حيث اللياقة البدنية بتكون هرولة كل صباح
أما دورة المظلات ::
مدتها شهر مقسمة على 4 اسابيع
الأسبوع الأول :: بيكون حواجز من السبت إلا الاربعاء تدريبات وتسلق حواجز مع الهرولة لرفع مستوى اللياقة
الأسبوع الثاني :: تدريب في صالات التدريب الارضي حول وضعيات لبس الهارنس للمظلة ووضعيات الخروج من باب الطيارة ووضعيات الهبوط ولبس المظلة والوضع في الطيارة
الأسبوع الثالث :: ويكون التدريب للقفز من برج بأرتفاع 35 قدم تقريباا
الاسبوع الرابع :: القفز المظلي ويتكون من 6 قفزات 4 قفزات عادية قفزة بالمهمات وقفزة ليلية
ودورة المظلات تعتمد الاعتماد الكبير على الهرولة واللياقة البدنية
نأتي لدورة الصاعَقة :: تتكون من شهرين مقسمة 3 أسابيع تدريبات في المدرسة ومنها تدريبات التسلقات الجبلية والحواجز ورفع مستوى اللياقة ولاننسى السهر حيث انك تنام من ساعة لساعتين فقط باليوم والأكل راح يكون بالعدد من 1 - 5 يعني 5 ثواني
ومن ثم تطلع مشروع لمدة 5 اسابيع خارج المدرسة منها اسبوع تدريبات رماية ومهمات وتفجير
وأسبوع تدريب دوريات برية وأسبوع دوريات بحرية بالقوارب وأسبوع أحتلال قمم جبلية وتسلق جبال اللوز وأسبوع جبال الزيتا ويكون فيه التسلق الجبلي الحر والنزول من الجبال بالأحبال وطول مدة الدورة من الفرد الأساسي إلى التخرج من دورة الصاعقة تستلم مكافئة 900 ريال
بعدها بيكون التخرج على حسب الشهادة
ثانوي جندي أول .. الراتب 6000
شهادة حاسب 6 اشهر او سنة عريف .. الراتب 6500
بالدبلوم وكيل رقيب .. الراتب 7200
بالجامعة رقيب 8500
هذي رواتب تقريبية لوجود بدلات منها
بدل مظلات 400 ريال وبدل صاعقة 400 وبدل قوات خاصة 25% و15% غلاء معيشة
و500 ريال أعاشة إذا كنت متزوج هذي كلها إضافة إلى الراتب الاساسي حسب الرتبة
طبعا التعيين على حسب القرار العسكري تنقسم الوحدات المظلية إلى ::
مركز ومدرسة المظليين وقوات الامن الخاصة
لواء الامام فيصل بن تركي الأول .. أو بالمسمى العام اللواء المظلي
لواء القوات الخاصة 64

طبعا انت وحظك على حسب القرار يمكن تجي بالمدرسة وتاخذ دورة مدربين وتكون مدرب
ويمكن تجي باللواء المظلي (( فيه مايقارب 8 كتايب
ويمكن تجي باللواء الخاص (( هذا اللواء كله دورات وتوه جديد يعني الترقيات فيه متوفرة وبكثرة توه فيه كتيبتين الكتيبة 85 والكتيبة 66

تحياتي اك (الحكمي)

وبحكم ان اكثر اخوياي في المضلات ترى الصاعقه اجباري يعني اخذها مع الدوره
وتاخذ في الدوره مكافئئ 900 ريال ونهاية ادوره تاخذ جميع رواتبك ولاتنسى القفز
مالضلات هي 4 قفزات في النهار وقفزه في الليل