تجمع المتقدمين على وزارة الخارجية ( ملحق/ رجال) 1433هـ

عبوووش · #**351** (**permalink**) 03-06-2012, 07:00 PM

اقتباس:

المشاركة الأصلية كتبت بواسطة الاعلامي الدولى

اخوي الجزيرة انا عارف حركات طلاب الجامعة والله انهم يبون يشتتون ذهنك لا تسمع لهم
جهز للمقابلة وتوكل على الله واسفه كل الي يقولوه وانت اسمع كلامهم( مش خشمك ههههه كلام ضب حده عسكرية)

توك خريج صغير جديد ماتدري عن الدنيا وش صايره أما بخصوص ضب يالضفدع العسكريين ماهم ضبان يادبلوماسي ولا انت شايف أنك أحسن منهم برجل ولا يد ولا شهادة إعلام

عبوووش · #**352** (**permalink**) 03-06-2012, 07:04 PM

اقتباس:

المشاركة الأصلية كتبت بواسطة مجرد محب

[align=right]

أخواني اسمحولي باشرح لكم شوي وتحملوني شوي الله يوفقنا وإياكم طبعا شرحي لراتب الملحق اللي هي المرتبة اللي أول ماتتعين عليها ...
مادمت في المملكة ماراح تستلم إلا 5555 مع بدل النقل اللي هو 700 فقط .. طبعا بدل السكن والتمثيل هذه ماتستلمها إلا إذا أصبح عملك خارج المملكة .. طيب خلينا نحسبها لكم لكي تتضح الرؤية .. طبعا إذا دخلت الدورة راح تكون مكأفاتك 1500 بعد انتهائك من الدورة بنجاح تبدأ تباشر عملك في الديوان بالراتب اللي ذكرته فوووق طبعا العمل المعتاد في الديوان قبل البعثة الخارجية من سنة إلى سنتين ثم تنقل بعد ذلك إلى إحدى البعثات الخارجية وهنا يبدأ يتغير كل شي يعني مثلا أول ماتتوظف وتبعث خارجيا يكون حساب الراتب كالتالي مرتبة ملحق الدرجة الأولى 5555 مع بدل النقل 700 مع بدل تمثيل وبدل سكن شهريا بالإضافة إلى بدل يصرف لمرة واحدة فقط عند نقلك لأي بعثة خارجية وهو مايسمى ببدل تهيؤ ونقل أمتعة وأثاث وهو ما يعادل راتب ثلاثة أشهر 16665 ألف ، مع بدل التمثيل للملحق في الدول اللي معيشتها ماهي غالية 7134 تقريبا كذا يكون المجموع الكلي تقريبا مايعادل 23799 ألف ريال تصرف لك مرة واحدة عند انتقالك للبعثة .. ومادمت تعمل في البعثات الخارجية ، الوزارة راح تتكفل بتعليم أبنائك ، أما التأمين الصحي إذا كنت في دولة فيها تأمين صحي إلزامي فتوفره لك الوازرة ، أما إذا كان لايوجد تأمين في البلد المرسل إليه فتعطى تقريبا 300 شهريا إضافة إلى تكفل الوزارة بتكاليف العمليات الجراحية والأمراض المستعصية والمزمنة والحالات الطارئة .
الوازرة أيضا ستتكفل بتذاكر سفرك إلى مقر البعثة على درجة الضيافة السياحية أو مايعادلها طبعا هذا للملحق والسكرتير الثالث والسكرتير الثاني .. أما مرتبة السكرتير الأول ، مستشار ، وزير مفوض ، سفير هم فقط من يصرف لهم تذاكر على الدرجة الأولى ..
إضافة إلى أنه يصرف لك أو من تعولهم تذاكر سفر مرة واحد بالسنة خلال إجازاتك ..
يعني :
راتبك في المملكة راح يكون الراتب الأساسي 5555 +700 بدل نقل
راتبك في الخارج إذا نقلت لبعثة راح يكون 5555 راتب أساسي + بدل تمثيل + بدل سكن + بدل نقل + تأمين طبي ..... بدل التمثيل تختلف النسب على حسب البلد الي تروحله مثلا اليابان أو نيويورك يكون 10556 .. أما إذا كنت في دولة متوسطة المعيشة مثل قطر ، تركيا ، الإمارات راح يكون بدل التمثيل 8323 .. وفي الدول اللي المعيشة فيها رخيصة مثل بنغلاديش سريلانكا تنزانيا راح يكون بدل التمثيل 7134 .. بدل السكن برضوه يختلف باختلاف البلد وباختلاف تواجدك بمفردك أو مع عائلتك نفصل فيها شوي .. إذا كنت بمفردك في بلد والسكن فيه غالي مثل نيويورك راح يكون بدل السكن 11250 وللمتزوج 12000 شهريا ... أما إذا أرسلت في بلد أسعار السكن فيه متوسط مثل قطر ، الإمارات ، تركيا راح يكون بدل السكن للأعزب 5900 وللمتزوج 6600 شهريا .... أما لو قلنا إنك أرسلت إلى بلد السكن رخيص مثل تونس عمان جاكرتا راح يعطونك شهريا لبدل السكن 3700 إذا كنت بمفردك ، أما إذا كنت متزوج 4125 ألف
راح أطرح أمثلة اختصر فيه كل اللي فووق : سعد ومحمد وخالد
سعد أعزب أول مااجتاز الدورة عين في الديوان راح يكون راتبه الشهري كالتالي :
5555 راتب أساسي + 700 بدل نقل - ناقص 499 لمصلحة التقاعد = 5756 ألف ريال شهريا

محمد أعزب أول ماتعين في القنصلية السعودية في نيويورك راح يكون راتبه الشهري كالتالي :
5555 راتب أساسي + 10556 بدل تمثيل + 11250 بدل سكن + 700 بدل نقل - ناقص 499 لمصلحة التقاعد = 27562 ألف ريال شهريا بالإضافة للتأمين الطبي كما ذكرت آنفا

خالد أعزب أول ماتعين في السفارة السعودية في بنغلاديش راح يكون راتبه الشهري كالتالي :
5555 راتب أساسي + 7134 بدل تمثيل + 3700 بدل سكن + 700 بدل نقل - ناقص 499 لمصلحة التقاعد = 16590 ألف ريال شهريا بالإضافة للتأمين الطبي كما ذكرت أعلاه

طبعا ياخوان كل اللي ذكرناه فوووق هو لمرتبة ملحق ومثل ماشفتوا الرواتب تختلف باختلاف الدول من بدل تمثيل وسكن ،،
طبعا أنتم ركزوا على المقابلات وإن شاء الله بعد ماتجتازون الدورة فكروا فيها

صح راتب الملحق يبدأ ضعيف إذا صار في المملكة بس أحب أطمنكم إذا أرسلوك إلى أحد سفارات المملكة بالخارج راح يرتفع سريعا وبقوة يعني لاتخافون ولاتقلقون كلها سنة أو سنتين وترسل لتعمل في أحد سفارات المملكة أو قنصلياتها ويتحسن وضعك وتترقى ومع الأيام تصير من أحس موظفين الدولة أجورا بالإضافة إلى العمل المريح والعلاقات اللي راح تصنعها مع شخصيات مهمة داخليا وخارجيا وربنا يكرمنا وإياكم بالوظيفة اللي تحبونها .. طبعا أخوكم كان وده بهذه الوظيفة بس ربي ماكتبها له ولعل في الأمر خيره وعسى ربي يوفقكم ..
هذا باختصاار ..
أسأل الله لنا ولكم التوفيق ولاتنسوني من دعائكم بكشف همي وضري ...
والعذر والسموحة على الإطالة والقصور ..
[/align]

يعطيك العافية كلام فيه منطقية 27 الف معقولة لكن 40 الف مرة وحده صعبه جداا

عبوووش · #**353** (**permalink**) 03-06-2012, 07:14 PM

اقتباس:

المشاركة الأصلية كتبت بواسطة أميرسون

هذا اللي اقصده اخوي عبوش ..

انا ماعرف اسلوب الحياة للدبلوماسيين برا بس مهم جداً يكون المصاريف اقل من الدخل بحيث تقدر تجمع لك مبلغ تتزوج او تشتري بيت. انا اعرف المعيشة في اوروبا على سبيل المثال جداً غالية ولا أدري اذا الدخل يكفي للمعيشة هناك اصلاً. لاتنسى انك بتستاجر بيت هناك.

هنا نقطة مهمة بالموضوع الآن البعض يتمنى تكون مهمته في دولة من الدول المتقدمة في هذه الحال إيجابية وسلبيه

الإيجابية تكون في كونه يعيش في بلد متطور ونظام ومنشئات صحية ومدارس لأبناءه لكن صعب يجمع زي ماقلت فبعض الأقارب ممن اأعرفهم طلب وسعى لتكون مهمته في دولة رخيصه ليتمكن من التوفير فكل وجهة لها إيجابيات وسلبيات وكما تعلم ان الإيجار والسكن والمعيشه على حسابك. فالمفترض أن تحسن أوضاع الموظفين في الخارجية هنا أو هناك كلا بحسبه فالخارجية قطاع قيادي ومهم لايقل عن مؤسسة النقد والإستخبارات فلابد أن يكون دخله مرضي

لكن أحب أنوه من الإطلاع على تخصصات بعض المتقدمين والمتحمسين فلابد أن تعذرهم فليس هناك مجال أو فرصة أفضل لهم من ذلك ففرص العمل محدودة بالنسبة لتخصصاتهم والله يوفق الجميع للصلاح

أميرسون · #**354** (**permalink**) 03-06-2012, 10:14 PM

واذا انت موظف في القطاع الخاص براتب كويس 17 الف وساكن مع اهلك بس مافيه امان وظيفي ودوام طويل وشركة تكرهها !! وجاتك الخارجية تروح ولا لا

تخصصي لغة انجليزية وخبرتي 4 سنوات في القطاع الخاص.

عبوووش · #**355** (**permalink**) 03-06-2012, 11:35 PM

بقولك وش اسم الشركة الي انت شغال معها بجي وياك تكفى وتخصصي مثلك ولك اول راتب ياحبيبي

عبوووش · #**356** (**permalink**) 04-06-2012, 12:19 AM

اقتباس:

المشاركة الأصلية كتبت بواسطة أميرسون

واذا انت موظف في القطاع الخاص براتب كويس 17 الف وساكن مع اهلك بس مافيه امان وظيفي ودوام طويل وشركة تكرهها !! وجاتك الخارجية تروح ولا لا

تخصصي لغة انجليزية وخبرتي 4 سنوات في القطاع الخاص.

عموما انت الي قاعد تعيش العمل لكن من رايي جب ورقة واكتب إيجابيات الشركة وسلبياتها

كذلك الوظيفة الأخرى وبعدين رتب أولوياتك وبعد ماتخلص استخر ربك وبإذن تتضح لك الأمور وربي يوفقني وياك والمسلمين

الجزيرة العربية · #**357** (**permalink**) 04-06-2012, 12:53 AM

الحمد لله , اليوم أجريت المقابلة , وإليكم شيء من التفصيل ..

حضر 13 طالب من أصل 16 , يعني تغيب ثلاثة طلاب ..

عدد اللجنة خمسة , أنا جسلت بينهم , وهم عن يميني وعن شمالي .

أول سؤال عرف بنفسك , ثم سألوني عن نماذج العلاقات العامة , وعن أنواع تقارير العلاقات العامة , وعن كيفية تطوير الإعلام , وعن آخر كتاب قرأته ..

حاولت أكون دبلوماسي وألف وأدور ,وإذا حجروني مرة قلت ليس لدي معلومات كافية عن هذا الموضوع.

بالنسبة للنتيجة , فبمجرد ما خرجت قال لي الموظف مباشرةً ترى الأمير مسافر , ولم يتم تحديد موعد جديد حتى الآن , قلت له الكلام هذا لي بلحالي؟
قال لي كل زملائك الي أختبروا معك اليوم ما حددنا لهم موعد , لكن انتظر اتصال منا هالأسبوع.

قلت خير إن شاء الله. ومشيت.

عبوووش · #**358** (**permalink**) 04-06-2012, 01:45 AM

اقتباس:

المشاركة الأصلية كتبت بواسطة الجزيرة العربية

الحمد لله , اليوم أجريت المقابلة , وإليكم شيء من التفصيل ..

حضر 13 طالب من أصل 16 , يعني تغيب ثلاثة طلاب ..

عدد اللجنة خمسة , أنا جسلت بينهم , وهم عن يميني وعن شمالي .

أول سؤال عرف بنفسك , ثم سألوني عن نماذج العلاقات العامة , وعن أنواع تقارير العلاقات العامة , وعن كيفية تطوير الإعلام , وعن آخر كتاب قرأته ..

حاولت أكون دبلوماسي وألف وأدور ,وإذا حجروني مرة قلت ليس لدي معلومات كافية عن هذا الموضوع.

بالنسبة للنتيجة , فبمجرد ما خرجت قال لي الموظف مباشرةً ترى الأمير مسافر , ولم يتم تحديد موعد جديد حتى الآن , قلت له الكلام هذا لي بلحالي؟
قال لي كل زملائك الي أختبروا معك اليوم ما حددنا لهم موعد , لكن انتظر اتصال منا هالأسبوع.

قلت خير إن شاء الله. ومشيت.

الله يوفقك يارب للي فيه الخير

الجزيرة العربية · #**359** (**permalink**) 04-06-2012, 02:00 AM

اقتباس:

المشاركة الأصلية كتبت بواسطة عبوووش

الله يوفقك يارب للي فيه الخير

شكراً حبيبي , الله يوفقنا جميعاً ويكتب لنا الخير ويصرف عنا الشر.

قانوني بلا واسطة · #**360** (**permalink**) 04-06-2012, 07:40 AM

أيها الشباب .. مستقبل الغد بحول الله

أحييكم وأتمنى لكم التوفيق في هذه الوظيفة أو غيرها مما تجدون فيه أنفسكم فتبدعون وتخدمون الدين والوطن

اليوم سيكون اختباري الشفوي وسأوافيكم بحول الله بكل التفاصيل بحلول الغد

داعيا المولى أن يكتب لي الخير حيث ماكان ومافيه نجاحي وعز وطني .. آمين

تجمع المتقدمين على وزارة الخارجية ( ملحق/ رجال) 1433هـ

إستفسارات ونتائج الوظائف المدنية

سيكون التقديم عن طريق الموقع الرسمي لوزارة الخارجية (www.mofa.gov.sa) (بوابة التوظيف) إعتباراً من يوم السبت 5/3/1433هـ الموافق 28/1/2012م حتى نهاية...

تجمع المتقدمين على وزارة الخارجية ( ملحق/ رجال) 1433هـ

تسجيل الدخول

تجمع المتقدمين على وزارة الخارجية ( ملحق/ رجال) 1433هـ

إستفسارات ونتائج الوظائف المدنية

سيكون التقديم عن طريق الموقع الرسمي لوزارة الخارجية (www.mofa.gov.sa) (بوابة التوظيف) إعتباراً من يوم السبت 5/3/1433هـ الموافق 28/1/2012م حتى نهاية...

تجمع المتقدمين على وزارة الخارجية ( ملحق/ رجال) 1433هـ