شكرا على ايضاحك وارجو اذا كان لك تجربة المقابلة التحدث بالتفصيل
وهل المطلوب الاجابة على قدر السؤال او التكلم الى ان يتم طرح سؤال اخر
والواحد مطالب يتوقع كل احتمالات الاسئلة ويتدرب عليها بحيث مايرتبك امام اللجنة
مثلا السؤال المتوقع تحدث عن نفسك بالعربية والانجليزية وماذا فعلت بعد تخرجك وماهو مشروع تخرجك ومن من الكتاب تقراء وماهو اخر كتاب قراءته وماذا استفدت منه

وايضا لماذا تريد ان تصبح دبلوماسي طبعا الهدف منها انك تجاوبك ومن اجابتك يستنبط سؤال ثاني
مثلا اخترت ان اكون دبلوماسي لخدمة وطني وتمثيل الوطن
واحتمال يكون جواب الدكتور على سؤالك طيب خدمة الوطن للجميع والضابط والمبتعث والدكتور يمثل الوطن وهنا نكون اكثر دقة في اختيارنا للوظيفة

والشي الي يعطي اهمية للتدرب هو ان المقابلة امام الدكاترة وايضا امام وكلاء وسفراء الوزارة
وصراحة اتحدى اي شخص يبحث عن وظيفة يحصل وظيفة توازي وتشابه اجراءات وظيفة الملحق
والله الشي الوحيد الي يشابه اهمية هذي الوظيفة هي وظيفة سكرتير ثاني
واتحدى في وظيفة في السعودية تلقى من يقابلك ويعرف شخصيتك وياخذ ويعطي معك في الكلام ويقيمك امير ووكلاء وزارة وسفراء ودكاترة
مااقول الا الله يوفقنا

الله يوفقك ويوفق الجميع ..

أخي العزيز حامل سهم.. أشكرك جزيل الشكر على معلوماتك وكرمك.

هذي مشاركات سابقة لبعض الزملاء وغالبيتهم قبلو في الوظيفة

اقتباس:

السلاااااام عليكم الحمد لله وكفى والصلاة والسلام على رسوله المصطفى ((وما من دابة في الأرض إلا على الله رزقها ويعلم مستقرها ومستودعها كل في كتاب مبين)) اللهم ان كان خيرا فيسره لنا وان كان شرا فاصرفه عنا ..... اللهم امين مقابلة المعهد الدبلوماسي دخلنا المقابله وكانت مع 10 اشخاص كل واحد منهم يسالك سؤال اهم شي تكون محضر شي تقوله عن نفسك وكمان تفكر في علاقة تِخصصك بالعمل الدبلوماسي وتحضر اجابة للموضوع هذا . وطبعا راح يكون فيه اسأله ثقافيه عامه وسياسيه عامه ويمكن يسالونك عن اخر كتاب قريته ولو جبت لهم اسم اي كتاب راح يسالونك فيه ,,,,, المهم انك تكون هادي وواثق ... هذا بخصوص مقابلة المعهد الدبلوماسي مقابلة وزارة الخارجيه : اليوم الثاني من مقابلة المعهد الدبلوماسي اتصلو علي من الخارجيه وقالو ا بكره عندك مقابلة في الخارجيه ... بصراحه انا انصدمت لاني توني واصل من الرياض قبل مكالمتهم باقل من 12 ساعه تقريبا ... المهم توكلنا على الله ورجعنا للرياض ورحنا اليوم الثاني لمقابلة الخارجيه وكانت في حدود الساعه 1 بعد الظهر ... طبعا حضر مجموعه من الشباب اللي كانو معاي في المعهد الدبلوماسي .... عموما ندخل على موضوع المقابله المقابلة يجريها لك ( اعتقد انهم ) 3 وكلاء للوزارة وكلهم ( صاحب السمو الملكي ) وواحد دكتور والله نسيت منصبه ومدير عام شؤون الموظفين في الوزاره المهم اول ماتدخل عليهم بيبداء وكيل الوزارة اعتقد انه صاحب السمو تركي بن خالد والله اعلم بيبدا معاك بنقاش عادي وليس اسئله مباشره وبعد كذا بيصير يوجه لك الاساله من موضوع النقاش اللي تتكلمون فيه وحاول ماتقول الا كلام انت فاهمه عشان لو سالوك او ناقشوك فيه وبعد كذا كل واحد منهم بيسالك سؤال كله في موضوع النقاش طبعا النقاش في الغالب راح يكون حول قضية سياسيه في الوقت الراهن يعني تابعو القضايا السياسيه وكل واحد يشوف له قضيه محدده ويتابعهاا بدقه ويفهم احداثها ويحاول في المقابله يتكلم عنها ..... هذا موجز عن المقابلتين بالنسبه لمقابلة الخارجيه نفس الموضوع مانعرف متى يردون علينا هل بينتظرون المقابلات الين تنتهي كلها ولا راح يتصلون ويحوسونا زي المقابله الاولى الله اعلم .... اتمنى اني اكون افدتكم والله الموفق ..... وتاكد انه مايجيك الا نصيبك

اقتباس:

ترى في المقابلة الشخصية ما يهتمون كثيرا في المعلومات اللي عندك .. سبق واختبروك فيها في الاختبارات لين ما ملوا .. اهم شيء يشوفون دبلوماسيتك .. ردودك .. قدرتك على التعبير والأخذ والرد .. خلك هادئ ومتزن ..ولا تتكلم إلا عن الشيء اللي تعرفه .. لأن الحوار قائم على صياغة الأسئلة من إجاباتك .. ومن الممكن تركز على أهم القضايا العربية الحالية .. الثورات وما أدارك ما الثورات .. حاول إنك تعرف ولو جزء بسيط عن خلفية الثورات وبداياتها .. والأهم انك تعرف موقف المملكة الرسمي منها .. ووائم بين رأيك ورأيها . حاول انك تعطي اجابات مختصرة .. يمكن يسألونك عن طموحك .. فلسفتك في الحياة .. الصحف اللي تتابعها ... لمن تقرأ من السياسيين سواء في الإعلام المرئي او المقروء .. الكتب اللي اطلعت عليها .. ومثل ما قلت لك .. من خلال سؤالي لكذا شخص من الدفعة السابقة .. من الزملاء .. ومنهم على فكرة من قبل قبول نهائي ولكنه تركهم ( ما كان عندهم إلمام بالدارسة التأهيلية 8 اشهر ) .. فعطوني خبر انه أهم ما في الأمر .. . ثقتك في نفسك .. والقدرة على التعيبر .. وهيئتك أثناء المناقشة .. المقابلة الأولى أغلب الظن راح يجريها معك مجموعة من الاشخاص منهم مدير المعهد الدبلوماسي وعدد من الأستاذة .. والمقابلة الثانية .. وكيل الوزارة بعينه ..مع عدد من شخصيات مهمة .. وأعتقد أن الشخص المحظوظ هو الشخص اللي يقدر يضبط أعصابه . إن شاء الله انك منهم . هذا اللي أعرفه .. وعســــــاك موفق .

اقتباس:

بخصوص المقابلة المعهد : تقريباً مع عشر أشخاص .. من سفراء و اكاديميين من المعهد و رئيس شوؤن الموظفين بوزارة الخارجية 1 - راح يسألونك بالتخصص طبعاً .. سؤالين تقريباً 2 - راح يسألونك عن مسألة قانونية أو قضية ... و م هو رأيك القانوني بها 3 - يسألونك عن منظمة دولية 4 - بعد يمكن إذا قلت أنك تتقن بالأنقلش راح يدردش معاك واحد بالأنقلش طبعاً واحد الشباب قالي كذا 5 - بيسألونك عن الفكرة الي ماخذها عن الوظيفة و ليه مقدم عليها 6 - بعض الأسئلة العامة الي متعلقه بدراستك و تخصصك .. مثل وشو درست من مواد و ليه أخترت هالتخصص 7 - هل تتابع الأخبار ..؟ لمن تقرأ من الصحفيين .. ووش أخر كتاب قرأت ... و من هالأسئلة العامة طبعاً أهم شئ ثقتك بنفسك و كلامك يكون واضح و متزن و متأكد من ما تقوول مو تتكلم و أنت م تدري أو تسوي نفسك عارف و أنت م تدري وشو الطبخه ههههههههههههههه و أبتعد عن الربكه و شغل التلعثم لأن أي شخص يتردد أو يتلعثم ممكن يستبعد و إذا في أي أستفسار أخر ... انا حاضر لا تنسونا من التقيييم هع

اقتباس:

الله يوووفقك وييسر أمرك يارب يسألونك عن منظمة دوليه كيف يعني طب إش سألوك عن أية منظمة وإش جاوبت عن الأمم المتحدة .. وشو دورها وأين تقع صدقيني هالمعلومات م عرفتها إلا من خلال التجميع قبل الإختبار يعني هالشئ مستذكره قبل دخول الإختبار التحريري و ساعدني هنا

اقتباس:

Originally Posted by كان عادي بشر يا قانوني عساك توفقت بالمقابلة ؟ هل رشحوك للمقابلة التالية للوزارة ؟ وكيف كانت رباطة الجأش ؟ أنا أبشرك راحت مقابلتي .. باشرت دوامي وانتهينا . هلا بالغالي نعم الحمدالله ترشحت لمقابلة الوزارة و الحمدالله تمت المقابلة مع الأمير تركي بن محمد بن سعود الكبير و بحضور كم سفير إن شاء الله راح أكتب عنها بالتفصيل بس بشكل عام هي تحصيل حاصل و يشوفون طريقتك بالكلام و الأدب و الإختلاف بالرأي بطريقة مهذبة و خاصة مع من يختلف برأيك ... و لا سيما كان من أصحاب المراكز الأعلى منك

اقتباس:

السلام عليكم اعتدر عن التأخير في الرد لان المقابلة كانت متاخرة بالنسبة الي سألوني سؤال عام يعني قضية سياسية وانا اعطي وجهة نظري سألوني في التخصص يعني قالو الي من الي درسك الماده الفلانية خبرتهم الدكتور الفلاني قالو طيب وش فهمت من هالمادة جاوبت بالي عندي بعدها سالوني سؤال ثاني في التخصص وبعدها قالو الي راح نتصل عليك ........ يعني الظاهر مافيها نصيب .... اتمنى لكم التوفيق يعني اتوقع الاسئئلة راح تكون تخصص , تحليل سياسي لقضية معينة يعني سؤال سياسي , وسؤال ربما عن اهم الكتب الي قريتها وانا بصراحة دخلت مرتبك وأرتبكت في الاجابة فأعتقد انهم استبعدوني ... بالتوفيق للجميع

اقتباس:

الســلام عليكم المقابله بالمعهد الدبلومآسي سهله الى حد ما اللي عليك انك تتمالك نفسك وتتصرف على طبيعتك من دون اصطناع وتحاول انك تدير الحوار لانه هم يعطونك بدايه سؤال وعليه يتحدد مسار المقابله يعني حاول تجاوب بالمعلومات اللي تعرفها علشان ماتتوهق لمى يسألك سؤال بناء على الكلام اللي تقوله . (يعني طريقتهم السؤال من إجابتك ). المقآبله بالوزاره تكون نفس السيآق لكن اقل عدد بحضور اربعه سفراء ووكيل الوزاره الامير فلان بن فلان الكبير < مادري منه طبعا تكون اكثر جديه واكثر هدوء وتكون اسئله اقرب مالها التخصص ويتطرقون لحاجات شخصيه من قرائتهم لملفك . طبعا المقابله الاولى اذا قالو لك نتصل عليك يعني اغسل يدك .. المقآبله الثآنيه مافيه غسلت يد تطلع من عندهم تحس انك سفير ويمكن يرفسون بك عرض الحائط < فديت اللغه بالنهايه اعتقد انه من المهم لك اخوي انك تنتبه وماهو عيب انك ترتبك بس حاول تسوي كنترول على ربكتك وتحاول انك تستغلها لصالحك اتمنى لك التوفيق انت واخواني المقبلين على المقآبله

وايضا هذي من اسئلة الاختبار الشفهي في عام 2011

اقتباس:

السلام عليكم ورحمة الله وبركاته كانت مقابلتي في اليوم الأخير تخصص اللغة الانجليزية وتقريبا كانت الاسئلة مثل التي طرحت على اخوي الطيلسان... في البداية سألني رجل ملتحي باللغة الانجليزية .. (تكلم عن نفسك) والحمدلله جاوبت بشكل جيد السؤال الثاني من نفس الشخص قال ان اللغة تنقسم لعدة اقسام منها السيمانتك >تكلم عنها؟ طبعا انا جبت كلام من راسي واكيد خطأ 100% والسؤال الثالث من نفس الشخص اعطاني كلمات بالعربي واترجمها بالانجليزي مثل(العلاقات الخارجية ورئيس الوزراء. والامم المتحدة) والسؤال الرابع : جلس يذكر اسماء اشخاص اجانب غربيين ويقول هل تعرفهم ؟ ما عرفت ولا واحد كلهم اسمائهم غريبة واول مرة تمر علي .. السؤال الخامس: قال ما هي اللينقوا فرانكا؟؟؟ جاوبت اي كلام السؤال السادس:من شخص اخر قال اكيد انك سمعت برواية بنات الرياض وكيف انها اساءت للمملكة .. بما انك متخصص في اللغة . كيف ترد على الكاتبة؟ طبعاً ما جاوبت . قلت له كيف ارد لغوياً . قال انت بكالريوس لغة انجليزية ودرست الادب والروايات ... قلت انا تخصصي ترجمة وما درست اي شيء يتعلق بالادب!! قال انا اكتفي بهذا القدر.. بعده جاك الشايب النفسية اللي جالس في الزاوية ومنزل الشماغ .. وقال : أنا أخذت عنك فكرة وانطباع أول ما جلست ولكن بعد ما تكلمت تغيرت الفكرة والانطباع لدي... ما هي الدروس المستفادة من هذا الكلام ؟؟!! جاوبت والله اي كلام قال لي انت شرحت سؤالي انا ما طلبت منك تشرحه انا اقول وش فايدة كلامي !! ما جاوبت !! وقال انا اكتفي بعدين طلع لي واحد قال انت وش ثقافتك ؟؟ هل تقرأ كتب وما اخر كتاب قرأته؟ طبعاً اخوكم في الله ما يقرأ مثله مثل اغلب الشعب . قلت والله اقرأ مقالات واخبار قال من تقرأ له وجاوبت . وقال كيف حضرت لهذه المقابلة ؟ وبعدين قال شكراً طلعت وجاني الموظف قال بيتصلون عليك. قلت له انا سمعت ان اللي تنقال له هالكلمة يعني ما فيه أمل قال والله مدري بس توكل على الله وان شاء الله خير ... المهم ان ادائي في المقابلة كان سيء الحين كل الشباب قالوا ان الموظف قال لهم بيتصلون عليك ... هل فيه قالوا له غير هالكلام؟ مع تمنياتي للجميع بالتوفيق

اقتباس:

هين هالأسئلة واجبه .. عشان يشوفوا الشخص الصريح من إلي بس يتكلم حتى لو خطأ يعني قووية أنك تجاوب ع شئ و أنت تدري من داخلك إن الكلام الي تقوله أنت نفسك م تدري عنه بخصوص مقابلة الوزارة مع الأمير محمد بن سعود الكبير و معاه كم سفير كانت أفضل من مقابلة المعهد لا من ناحية الأسلوب و لا من ناحية الكم الثقافي الي تناقشنا فيه تحس لك هيبه و أنت جالس معهم هههههههههههه

اخوي حامل سهم وقانوني بلا واسطة
اذا تبي تظمن الوظيفة بعد توفيق الله توقع الاسواء وانا الاحتمال الاسواء اني اقابل 10 دكاترة ووكلاء وزارة الخارجية ونخبة السفراء وليه مايكون بعد اني اقابل نائب وزير الخارجية

واذا كنت اعلامي سياسي وعندي لغة خطابة عربية ولغة انجليزية وماخذ دورات لغة بالسفارة الفرنسية ومطلع على المنظمات الدولية وقارئ كتب في مجالات القانون والسياسة والعلاقات الدولية
تتوقع نسبة الرفض تكون اكثر من 10% او اقل ؟

إن كان كما تقول فلا يستحق التحديات والصعوبة هذه

اقتباس:

المشاركة الأصلية كتبت بواسطة حامل سهم الكثير من الاخوة يتسائل عن مقدار الراتب الذي سيتقاضاه عند تعيينه على وظيفة ملحق دبلوماسي، وبناءً عليه احببت ان اورد تفاصيل المرتب وذلك على النحو التالي: 1- الراتب الأساسي==> 5555 بالنسبة للمعين على الدرجة الاولى قد يصل 6185 لمن عين على الدرجة الثالثة. ملاحظة: التعيين اساسا على الدرجة الاولى ولكن من لديه خبرة قد يعين على الثانية او الثالثة. 2- بدل السكن==> يبدأ من 3700 ويصرف اكثر من ذلك في بعض البلدان 3- التامين الصحي==> يبدأ من 300 ريال بناءً على ماذكر اعلاه يصبح راتب الملحق 8629 ريال وذلك بعد خصم 9% لمصالح مؤسسة التقاعد. في حال نقل الموظف الى احد البعثات الدبلوماسية خارج المملكة يصرف له بدل تمثيل دبلوماسي وهو يختلف باختلاف الظروف المعيشية للدولة عموما يبدأ من 7134 ريال كما يصرف للعضو بدل ملابس سنوي ويعادل قيمة راتب اساسي بالاضافة لبدل نقل الامتعة وبدل تذاكر. اخير اتمنى اكون افدتكم وانا حاضر لاي استفسار.