شباب أحد راجع إدارة تعليم الشرقية

وين اهل الخرج اتمنى التواصل جوال عالخاص

حائل حائل يا أهل حائل 133 الموجهون إلى حائل

هل هناك أحد وصل إدارة حـــــــائل اخش على الموقع http://www.hailedu.gov.sa
ما فيه ولا شي

أتصل على الإدارة 5324343-06 يعطيني تحويل ولا يرد

يعني ادق مشوااااااااااار ولا انتظر تكفوووووووووووون أي واحد مر عليهم يفيديني

هلا بك
اليوم رحت لهم وقال انتظر رساله اسم المدرسه وتباشر
وبعدها تكمل اوراق الكشف والمهنه
بشوون التعليميه اللي خلف ادارة تربية الرياض
واصلا ما عندهم سالفه
كل واحد يحولني على ثاني
اروح لشئون الموظفين يقول روح شئون المعلمين
واروحلهم ويحولني على قسم ثاني
لحسوا مخي
بسالك بالنسبه للكشف
هل يدقق بالنظر
لان نظري شوي ضعيف

^^^^^^^^^^^^^
ابشرك واحد كان قبلي نظره اليمين شويه تعبانه مشاه الدكتور السعودي قال لي يا رجال ما صدقتوا تلقون وظيفة وتبوني استقعد عليكم الدكتور ذا تلقاه بعيادة ٩ سمين شوي
تراه بيمشيك

طيب
بالنسبه للمستشفى هم وجهوك له
او انك اخترته
ولما رحت ادارة التربيه اليوم ما عطوني الاوراق قال بعد ما تاصلك الرساله وتباشر

شؤون المعلمين بادارة الرياضزاي المسؤولة عن التوجيه المدارس
شؤون الموظفين هي المسؤولة عن الاجراءات الروتينية انا اخذت نموذج الكشف من شؤون الموظفين تعبيه وتخلي مدير شؤون الموظفين يوقع عليه ويختم علي صورتك اللي هي ٤ في ٦ وقالي رح لميتشفى الملك سعود للامراض الصدرية. واللي مكانه علي طريق الميه (طريق سعد بن عبدالرحمن ) وانت رايح لخشم العان باتجاه الشرق تجيك اشارة شارع شبه الجزيرة خذ يمين ثم تجيك اول اشارة خذ يو تيرن تمشي ١٠٠ متر المستشفي علي يمينك ادخل يمين يصير المستشفي يسارك قسم اللياقة البدنية وشغلهم سريع سريع

وسألت مدير التوظيف عن تعديل المهنه قالي لا تستعجل لك شهر

شباب عندي استفسار


لو خيروني بين ان اعمل في نفس الادارة او العمل في مدرسة

وش ترشحون لي لاني محتار بعد ماجاني هالخبر اليوم الصبح