ياشباب انا من الناس الي قدمت خطاب معروض تعديل الرغبة المكانية الى الوزارة في الرياض وتم اخذ رقم معاملة بهذا الخصوص وتم الاتصال عليهم وافادوني بعدم مباشرتي للمدينة التي تم توجيهي اليها حتى يتم الردعلى موضوع التعديل بالاتصال عليهم يوم الاحد سؤال هل يوجد امل باذن الله بتعديل الرغبة المكانية وهل يوجد مشكلة اذا تم تاخير مباشرتي بسبب انتظار تعديل الرغبة معى ان بعض المناطق سوف تتم مباشرتهم يوم السبت
واذا تم تعديل الرغبة باذن الله عزوجل كيف اعرف ان اسمي قد وصل اللا ادارة التعليم التي تم توجيهي اليها بعد التعديل
وهل في وقت لكي انجز جميع الطلبات المطلوبة مني حتى لو تمت مباشرت المتعينين على هذه المدينة
ارجو افادتي

اللي تعيينهم بحائل السبت السبت من دون كلام

لازم السبت يروحون لحائل بدري ويحاولون يخلصون اوراقهم بدري بدري
اوصفلكم مكان الإدارة
وانت جاي من المدينة مسافة الكيلو بالسيارة حدود 451 كم
تدخل حائل عادي وتواااصل على طول ولا تلف لا يمين ولا يسار
اول شي كبري المطار انت تروح سيييده على طول تخش حائل تجيك اول إشارة برضه تواصل تجيك الإشارة الثانية وعلى يسار الإستاذ الرياضي (الملعب)
انت تروح على طول قبل لا تجي الاشارة الثالث يجيك مبنى على يدك اليسار كبير جداً وباين انه مبنى حكومي لكن ما عليه ولا لوحة للمبنى ( هذا هو مبنى الإدارة لتعليم ) وبجانبه مسجد كبير مثل نظام بني قصر المصمك ويكون مقابله بعد الإشارة مبنى الأمارة على يسار إذا ما خاب ضني المهم الإشارة الثالثة هي اللي تاخذ يوترن U ( دور وترجع ) بعد المسجد مباشرة شوفلك اي موقف تدخل الإدارة المبنى الكبير تروح لدور الرابع عند المكتب الخامس مكتب خدمة الموظفين وهناك يستقبلون الملفات

تستلم التالي ::

1- الكشف الصحي ما يطول بيومك تخلصه من مستشفى حائل العام ( مكانه من الاشارة رقم ثلاثة تروح يمين يقابلك تقاطع مطب تروح يسار يكون مقابلك )

2- خطاب تغيير مهنة للأحوال عشان البرنت لا تنسى صورة البطاقة يطلبونها ( موقعها في المجمع لدوائر الحكومية على خط المطار من الإشارة رقم ثنين وانت نازل يعني طالع من التعليم تروح يسار يجيك كبري صغير لا تطلع معه تروح يمين اللفة اللي قبل الإشارة تشد الموتر لين الاشارة اللي بعده تروح يسار تجيك اشارة بعدها على طول تروح يمين المجمع يكون على يسااااارك تاخذ اللفه وتخش المجمع تواصل شوي تحص دورية تنظم سير بالنص بعدها 200 متر تشوف مبنى الاحوال على يمينك ترى المباني متشابهه شوف اللوحات توقف لك في بايكه وتشوف دربك الله يستر عليك )

3- إستمارة التوظيف يسلمونك تعبيها ( لغير موظفين - ولمن سبق لهم العمل )
بعد ما تخلص اوراققك ترجع للإدارة ولا تنسى الملف العلاقي

4- تسجل رغبات المدارس وهذي بالأخير
5- لاتنسى ترتب ملفك كالتالي من اول ورقة ( صورة الاحوال --- صور الوثائق الشهادات وحسن السلوك واي خبره --- الكشف الصحي --- الاستمارة --- البرنت )
6- لا تنسى 4 صور شخصية اقل شي وخل معك إحتياط + الوثائق الاصلية لا تنسها جيبها معك وانتبه انتبه تنساها عندهم اوراققك هذي خلها بدوسيه حفاظاً لها بس عند المطابقة فقط لا غير .

بعدين هم يقولون لك متى تجي

هذا ماحبيت ان ابلغكم عنه واخواني بالنسبه لتوصيف إجتهاد شخصي قد انسى علامه او جهه فلا يمنعك من السؤال واهل حائل ما يقصرووون

لا تنسوني من دعواتكم والله يوفقنا وياكم

ياشباب انا بستقيل يوم السبت من القطاع الخاص بس بسأل سؤال
لوقالوا لازام تطبق شهر انذار هل ادارة التربية والتعليم تلزمك بمخالصة من القطاع الخاص

أرجوا اللى عنده أجابة أكيدة يعطيني العلم الأكيد

اتعبتنا إدارة التعليم حقت الرياض نفسياً
اليوم جاني إتصال من "وزارة التعليم" قال الى الحين ماسويتوا الكشف!!!!
قلت له طلبنا الكشف من الإداره قالوا بعد المباشره
حتى الوزارة مستغربين منهم
الإخوان اللي جاهم إتصال علشان تغيير الرغبه وش صار معاهم ياليت احد يخبرني

خريج لغه وش الرقم اللي اتصل عليك
انا جاني اتصال قبل المغرب ومارديت
الرقم هو014026426
هل هو نفس الرقم اللي دق عليك
طبعا ادق من اليوم عيا يرد
انامقدم معروض تعديل رغبه ومن اليوم متفائل بهالاتصال يمكن يكون بيبلغوني ولاشي

اسعد الله مساءكم. اخواني الاتصال. الي. جاء. من وزارة التربية والتعليم بالرياض بخصوص الرغبة. بس عشان يتاكدون. هل باشرت على الرغبة الاولى او لا. وقال الموظف. خلاص دق. يوم. الاحد. وتاكد. هل تعدلت او. لا. الله يوفق الجميع

ام بخصوص الرقم الي جاني. ٠١٤٠٢٨٥٩٠.