السلام عليكم ورحمة الله وبركاته

يا جماعة حافز خصم مني 400 ريال لأن والدي في الضمان

أنا تفاجأت من هالشئ وعلى طول اتصلت على رقمهم موجود بموقعهم

سألتهم ليش نزل لي 1600 بس قالوا لي لأن والدي في الضمان وأنا معاه في بطاقة العائلة

قلت طيب لو أبوي تاجر بتعطونيها كاملة ردوا علي هذا النظام .. طبعا أنا فقد السيطرة على أعصاب وبدأت

تهزئ فيهم و من ضمن الكلام سألتهم فين يروح المبلغ اللي تخصموه ؟؟

أكيد لجيوبكم ومن بعدها ما سمعت له صوت

المهم اللي مثلي مخصوم منه رجاء أرفعوا اعتراض والكثرة تغلب الشجاعة

الملك أمر بـ 2000 ريال لكل عاطل مو لناس وناس

لا أحد يسكت عن حقه و حافز حق وليس مكرمة من أحد وكذلك الضمان لكن ما لهم شغل ببعض

هذا شئ وهذاك شئ ... وأنا عن نفسي ما راح اهدأ الى أن يتراجعوا عن هالقرار الجائر

عزيزتي قصه

رفع الاعتراض لمن وضع هالقرار لا ينفع

لكن توصيل هالامر للصحف وغيره وفضح ماقامو به هذا هو الحل

الكثير من الاعضاء بارك الله فيهم قامو بخطوات اوليه وتم نشر هذا الخبر في صحيفه سبق

وتقدرين تتصفحين القسم وتشوفين مواضيع عن هالشيئ ومن ضمنها الخبر

باذن الله يرجع الحق لأصحابه ومايضيع حق وراه مطالب

الله يوفقكم

من جد حرام هذاي مكرمه واذا صارو الاهل مسجلين في الضمان وش المشكله ليه الحسد من كثر ها الضمان عاد في ناس تفرج عليهم بسبب حافز لان ما عندهم دخل غيره يقومون يخصمون وين يروح مبلغ الخصم سرقه لحقوق المساكين فوق ماهم عاطلين برضو ياخذون حقهم حسبي الله ونعم الوكيل

لاحول ولاقوة الا بالله

والله مالنا الا رب السموات والارض

حسبنا الله وكفى

انا الشهر الماضي نزلت لي 2000

الشهر هذا نزلت لي 1700

طبعا استغربت ،،،

البعض نصحني اتصل على مركز اتصال حافز واقدم اعتراض


اتصلت عشان ابي اقدم اعتراض

يمسكونك تحقيق

هل يصرف لك الضمان

هل تستلم منن الاهليه< اول مرة اسمع فيها قلت لهم لا

مايجيك اي دخل مرررة < تعجيز

قلت لهم لا

قالوا لي اوكي اقدم لك اعتراض

عطنا رقم السجل < واعطيهم

< اسمك بالكامل< واعطيهم
<اخر اربع ارقام من الايبان< قلت لها شوي وراح اتصل واعطيكم< قالت مانقدر نحفظ الطلب لازم برقم الايبان

اتصلت مرة ثانيه قالت لي الموظفه بحولك على موظفات الاعتراض< وحولتني وتقولي ثواني وتقفل الخط بوجهي

جلست لهم

اتصل مرة ثالثه < قالت لي اذا الاب او الام تستلم الضمان ينخصم من الاهليه اللي تنزل 284

قلت لها طيب انا كنت بقدم اعتراض وكان ناقص الموظفه اللي قبلك اخر اربع ارقام من الايبان

قالت لا ااذا كان الاب يستلم عنك ماتجيك كامله

سالت الوالد < انا مسجل في الضمان

قال لي اي شخص يحمل بطاقه احوال مايقدر يسجل في الضمان

الا اللي في كرت العائله بس

طيب شلون يخصمون 284 ويقولوا من الضمان

وانا مااستلمها ،،؟؟

والوالد مايستلمها بعد؟

كل شهر نكتشف شروط غريبه عجيبه

اكبر غللللللللللللط اصلا انهم يوظفون بنات بمركز الاتصال بحافز < شلون نقدر نتفاهم معهم او نتخاطب والله ثم والله ثم والله ان الواحد يستحي انه يتفاهم مع بنت

ياليت نشوف لنا حل مع هالنصابين

الله اكبر ليش ظلم ليش الحسد هذا كله علشان الفين اف منهم قهر المفروض مانقصون شى ماراح نسكت ماراح نسكت ماراح نسكت عن حقوقنا

معك حق والله .. وش دخل اعانة العطاله بضمان الوالد لازم الكل يقدم اعتراض ولايسكت عن حقه وأنا كمان بتصل اليوم وبقدم اعترااض مايكفي ان الصحف تكتب لازم حتى إحنا نبهذل فيهم ومانسكت عن حق من حقوقنأ ... لابارك الله فيهم الفين وحاسدينأ عليهم

انا بعد خصمو مني وانا اول مره استلم حافز لان زوجي ظروفه صعبه ومريض وفالضمان وسلفتي زوجها ماشاءالله عسكري يستلم فوق ال11 الف عادي!!
الله يهنيها بس ليش التناقض واساسا باي وجهه حق يخصمون حسبي الله ونعم الوكيل