استفسار : تقديم على بنك الجزيرة ...!

بايكرز · #1 (**permalink**) 29-01-2012, 03:46 PM

السلام عليكم ورحمة الله وبركاته

ان شاء الله تكونون في أفضل حال

اول شئ اعطيكم معلوماتي

خريجة جديدة -- تخصص رياضيات -- معدلي جيد ( 70 )

ابي اتوظف في مجال البنوووك

بس مااعرف هل بيقبلون مؤهلاتي والا بيشوتوني

وكيف التقديم على البنووك ----- خصوصا بنك الجزيره والبلاد ((-- نفسي فيهم هع

الله يجزاكم خير

واللي يجاوب له تقييم هديه

الله الحكيم · #2 (**permalink**) 29-01-2012, 04:25 PM

وعليكم السلام ورحمة الله وبركاته حياك الله بايكرز تستطيعين التقديم على بنك الجزيرة من خلال الموقع الرسمي لهم تسجيلين بيانتك فيه الموقع بالعربي وسهل وان شاء الله يقبلوك بالتوفيق لي ولك.

مشرقة · #3 (**permalink**) 29-01-2012, 08:30 PM

وعليكم السلام

مرحبا برفيقه التخصص : )

انا نفس الشي خريجه رياضيات وتو تخرجت وقدمت على بنك الجزيرة للتدريب
على الموقع ومدري والله اذا كان التدريب حاليا للرجال والبنات وإلا بس الرجال
لكن قلت اقدم مو خسرانه شي

سجلي هنا

http://career.baj.com.sa/ar/job-search-results/

وشوفي هالموضوع يمكن يفيدك
https://www.btalah.com/t388379.html

واغلب البنوك وظائفهم تقديم على النت

الله يوفقنا جميعا ،

روماعزيز · #4 (**permalink**) 30-01-2012, 04:36 AM

خذوها عبرة مني انا نفس التخصص ولي 3سنوات مقدمة على النت ولا يلتفتون لة احسن شي روحي الفرع او الادارة العامة للمنطقة xoxo

بايكرز · #5 (**permalink**) 30-01-2012, 08:45 AM

الله الحكيم ,, مشرقه

جزاكم الله خييييررر

وخشيت وسجلت في المووقع

______________

روما عزيز

والله مدري --- قريت كذا موضوع بهالقسسم ولا طلعت بنتيجه

ياليت احد له خبره في هالمجال يجي يعطينا الخبر الأكيد

هل تخصصنا ممكن ينقبل في هالمجال !

والا بلاش نحط أمآل - ونضيع وقت ع الفاااااضي

ويعطيكم العافيه

مبطلجي · #6 (**permalink**) 30-01-2012, 09:07 AM

اختي العزيزة

اول شي الله يوفقنا وياك

باختصر لك الموضوع وانا اخوك

البنوك ، في كل فترة يطرحون وظائف ، ويقبلون جميع الشهادات من ثانوي وفوق ، ولكن على حسب الوظيفة المطروحة

فمثلا ، هناك وظائف تعتمد على التدريب والتاهيل للخريجين الجدد من ثانوي او جامعه

وهناك وظائف توظيف مباشر لمن لديه مؤهل يناسب الوظيفة المطروحة مع وجود خبرة

فـ تخصصك ان شاء الله راح يساعدك كـ مبتدأه او متدربة في حال قبولك ..

لكن مثل ما ذكر روما عزيز ، الافضل انك تقدمين عن طريق فروعهم الرئيسية ، طبعا بعضهم يستقبل الطلبات

وبعضهم يقولك قدمي عن طريق النت ..

انتي قدمي عن طريق النت ، ويفضل وجود واسطة بعد ، وان شاء الله ان واسطتك ربك

الله يوفقنا وياك

مشرقة · #7 (**permalink**) 30-01-2012, 10:25 AM

اقتباس:

المشاركة الأصلية كتبت بواسطة روماعزيز

خذوها عبرة مني انا نفس التخصص ولي 3سنوات مقدمة على النت ولا يلتفتون لة احسن شي روحي الفرع او الادارة العامة للمنطقة xoxo

الوظائف يمكن
لكن الحين الرجال قدموا على النت وطلبوهم للإختبار
انا اقصد برنامج التدريب
المشكله ان اغلب البنوك ماتتقبل تقول قدموا على الموقع
وانا ماراح انتظرهم لكن قلت اقدم والله كريم : )

الله يوفق الجميع ،

مبطلجي · #8 (**permalink**) 30-01-2012, 11:25 AM

اقتباس:

المشاركة الأصلية كتبت بواسطة مشرقة

الوظائف يمكن
لكن الحين الرجال قدموا على النت وطلبوهم للإختبار
انا اقصد برنامج التدريب
المشكله ان اغلب البنوك ماتتقبل تقول قدموا على الموقع
وانا ماراح انتظرهم لكن قلت اقدم والله كريم : )

الله يوفق الجميع ،

انا قدمت على بنك الجزيرة عن طريق الموقع الخاص فيهم

وطبعا نازلة وظايف رجاليه الفترة اللي راحت

وعلى ان مؤهلاتي تساعد ، لكن للاسف مــآ وصلني اي اتصال منهم او ايميل

صدقيني فيه نـآس توفيق من ربك ينقبلون ، ولكن فيه كثير بالواسطات..

الحمد لله على كل حال ..

الله يوفقنا وياكم اجمعين

.. يسلمو على التقييم بايكرز

كاريززمآ · #9 (**permalink**) 30-01-2012, 03:52 PM

...

مسآآء / صبآآح الخيرآآت..

طبعآآ الوظائف ارزاق الله موزعها على خلقه.. << عشان محد يجيني شوي يقول ترى ارزاق ..

انا بكالوريوس هندسة حاسب بمعدل جيد.. وعندي دورات ادارة وشبكات وصيانة ولغة..

وسجلت في مواقع البنوك كلها ومن ضمنها الجزية والبلاد.. لكن لي 7 شهور ومحد دورني من الموقع ..

بينما واحد من اصحابي تخرج بعدي بالترم الصيفي نفس التخصص وبمعدل مقبول .. وعنده واسطه توظف في البنك .. وراح يباشر عمله يوم السبت الجاي..

الله يوفقه ويرزقنا مثله ...

لكــن شووفي انتي سوي الأسباب وسجلي بالموقع .. والباقي على الله ..
ويفضل وجود واسطة تاخذ اوراقك وتدخلها الادرة موباشرة لا موقعي ولا موقعك ..

تحيآآتي ..