السلام عليكم ورحمه الله وبركاته

امس كنت رايحه اقدم على وظيفه مكتبيه تسويقيه دخلت لغرفه مليانه بنات سعوديات يشتغلون فقالت لي وحده من البنات اللي يشتغلون شوي وبيجيك المدير وبيفهمك الشغل قلت طيب قالت لي شيلي الغطاء لأن هنا كلنا بنات ماله داعي الغطاء فشلت الغطاء جلست ربع ساعه انتظر المدير شوي الا المدير يدخل بلا احم واستئذان وانا كلي علامه استفهام احنا يالبنات فاتشين البنات اللي يشتغلون شفت انه عادي عنهم كأنه اخوهم هذا غير القهوه اللي عملوها له انا على طول اخذت الغطاء وتغطيت مع انه خلاص شاف وجهي وجلس يفهمني الشغل وانا والله علامه استفهام تدور في بالي واللي زاد الموضوع فساد انه يقول الوظيفه هذي هي بطاقه انت تروجينها على الرجال والنساء وووووووا كلام كثير وخصص يوم الخميس ان يكون البنات فاضيين قلت ليش قال عشان نروح او تروحوا يالبنات للمطاعم او القهاوي تحاولون انكم تكسبون صاحب المطعم او المقهى عشان نكسبه ويكون هو من ضمن باقي المحلات والفنادق والمطاعم والشاليهات اللي كسبناها ايش رايكم بالوظيفه مع العلم ان مدير الشركه سوري هو صاحبها

مدري إيش أقلك
لكن أقول في رأي شوفي غيرها لأنها ترى شغله ما طمن خصوصا فيها من الإخطلاط

وإنتي لكي حرية الإختيار


تحياتي

وين هذه الشركة لاتقولين بس فالسعوديه إذا فالسعوديه قولي وين مكانها بس وشوفي وش اللي راح يصير .

أتمنى أنها ما تكون بالسعودية بس ؟؟؟

ايش رايكم؟؟؟؟؟؟؟

يقول روحوا يالبنات المطاعم والشاليهات والفنادق....

واكسبوا راعي المحل او المطعم

وتسألي ايش رايكم؟؟؟

رأينا يا قلبي أنك تكتبين أسم الشركه هنا

وفيه الهيئه تتصرف معهم ومع اشكالهم

ايش هذي المسخره.. وين هذي الشركة.. شنو كاشفات...

انتي متأكده البنات سعوديات اصل .. او من فئة التجنيس.؟؟؟



انا سبق قدمت على شركة امريكية مقر العمل مختلط .. بس فيه مكان للبنات.. ومافيه مدير يدخل والا حاجة..


هذا والله لاقيها لانه ما فيه بنت قامت ونفضت جد ٍ جابه.. وجاه تهديد من اقرابها انه ياويلك تدخل على اخواتنا..



اطلعي منها وافضي اسمهم

لاحول ولاقوة الابالله


يستغلون حاجة الغير


حسبي الله عليهم

استغفر الله

انا لو مكانك ما ارتاح لهالوظيفه

بعدين وشلون يكسوبن صاحب المطعم او القهوه؟؟؟؟؟؟؟؟؟؟!!!!!!!!!!!!!!!!!

يمكن البنات مو سعوديات

لاحول ولاقوة إلا بالله,,,

رأي من رأي الاخوات "تبلغين الهيئة"