السلام عليكم ورحمة الله وبركاته
بسم الله الرحمن الرحيم
الحمدلله والصلاة والسلام على رسول الله وعلى آله وصحبه أجمعين
اولا انا عضوة جديدة
اخترت منتداكم بالاخص لما لمست فيه من مصداقية
والاهم ماشاء الله تبارك الرحمن اكثر ناس رايتهم في حياتي متعاونين دون حسد منتداكم
اكيد فيه بعض النفوس الغير طيبة لكن السواد الاعظم منكم معطاء
وسبحان الله حبيت فيكم ايمانكم جميعا ان الرزق اللي الله كاتبة لك مسسسستحيل احد ياخذة
فية مثل يقول اللي امرة لغير الله هلك وانا اشوف اغلبكم ربي رازقه اما بقناعه او تجارة
الله يرزقكم من واسع فضلة
المهم انا عندي عرض ماراح اكذب واقول انا انسانه خبرة يعني اللي يبي او تبي تغشني بتقدر مع اني ولله الحمد ذكية ولكن اللي مو ولد السوق مايعرف له
انا انسانه طمووووووووووحة جدا
لي محاولات تجارية على قد الحال
ولكن حاليا ولاشي
انا اصمم عبايات شديدة السواد بموديلات بستايل فرنسي نعرفون الستايل اعصري ناااااعم جدا بس تحسينه راقي
التصاميم كلها من مخيلتي واتحداكم تلقون نفس الموديل بالضبط عند غيري الا بعد ماتشوفونة لانو ممكن الموديل ينسرق بعد الاطلاع ووممكن يقلد بعد ماتلبسة الزبونة لكن سواد العباية اكيد يفرق كثير
عندي تصاميم ناعمه جدا بس اكثر اللي حبو تصاميمي الفئات العمرية من 14 الى 35 يعني الشابات
اذكر مرة وحدة شافت عباية انا مصممتها على وحدة قالت العباية شبة سادة وين التصميم قلت لها العباية حلاتها هادية جدا انا عني الحركة تكون فالاكمام او الرقبة او بخيط ملون خفيف في جزء من العباية واغلب اللي اخذو عباياتي من vip لانهم مايحبون شغل الزركشة اللي تفقد العباية جمالها وسترها وموديلاتي مو من الموديلات المستهلكة ولاتقدم بسهولة لانها ناعمة وموضتها مني انا مو من الدارج
اللي حابة تفتح محل عبايات فاي مول لانو سمحو للنساء ببيع الاشياء النساىية فالمولات او اللي عندهم محلات او من الافراد انا مستعدة
اسويلك العباية كاملة وبالمقاس اللي تطلبينه والموديلات راح تكون موسمية يعني موديلات للصيف وموديلات جديدة لرمضان والعيد وموديلات لبداية العام الدراسي وعيد الاضحي
ارجو المصداقية وتقوى الله
واللله يرزقكم من واسع فضلة
على فكرة فية سيدة اعمال كويتية طلبت مني انو تحتكر تصاميمي وبمبلغ مغري لانهم فالكويت الغالبية فخم والستايل الناعم نادر وان وجد فهو تقليدي طبعا انا فرحت وكنت بوافق بس اشترطت انو يكون باسمها وانها تنسب شغلي لها وقالت لي بشارك فيه بمعارض وش فايدة النجاح اذا اخذة غير تعبك حتى الفلوس بتحس كنك سارقها
دمتم بود
واسفه جدا على الاطاله *

الله يرزقك من اوسع ابواابه
والله ماشاء الله عليك
واضح فيك الطمووح
ياليت معي فلوووووووس
لاني احب هالافكار
ابداع البنات دايم موجود ولكن الماده تجبرك تخفينه او ماتقدرين تطلعينه لان مثل ماقلتي ناس تحب تشتري تعبك
وتنسبه لها
وهذا قهرررررر

دايم تجي ف بالي افكار اكون متأكده بعد الله انو راح يكون ناجح
لانها افكار غريبه وجديده في بلدنا
بس اقول يمكن اتوظف واسويها
الله يرزقنااااااااا جميع

أختك

الله يوفقك اختي ولي عوده لموضعك

انا عندي اقتراح بسيط

بس قبل الاقتراح عندي نصيحة واتمنى تاخذي فيه طول مشوارك ولاتمشي ورا الشهره او تتنازلي لكثرة الطلبات لان من ترك شيئا لله عوضه الله بخير منه

في كل تصاميمك حاولي تلتزمي بالحجاب الاسلامي
ابعدي كل البعد عن الابتذال .. الواحد يشوف العبايه كانها فستان وضيقة وحالتها حالة
حتى كمان تضمني مليون بالمية ان رزقك مايدخله شي حرام


اقتراحي
بدل ماتلجأي للناس واكيد فيه منهم اللي فيه الخير لكن الافضل الواحد يعتمد على نفسه

مو لازم محل لان المحلات تكلف كثييييييييير
وحتى لو فتحتيه ماحيشتري منه او يطلب الا اللي قريبين او بنفس المدينة

احسن شي تفتحي موقع لك على النت بإسمك
تتعاملي مع مشغل خياطة او وحدة من الخياطات شاطره تساعدك لو زادت الطلبات
وتعرضي اعمالك . تصوري العبايات وتوضحي الاسعار وطريقة الطلب والمقاسات وطريقة التوصيل الخ الخ
وطبعا السيرة الذاتية لك مو لازم كل معلوماتك الخاصة يكفي اسمك ومدينتك ودراستك وشهادتك وكلمتك مثلا

ماراح يكلفك الموقع اكثر من 500 ريال واحتمال اقل ومع الاعلانات وكل شي نقول 1000 ريال
وزباينك بيكونوا من كل الدول والمدن
وفي النت احتمال يشوفوا اعمالك مصانع ويعرضوا عليك الانتاج وتبني موهبتك

فكري واذا ماعندك خبرة بالمواقع ابحثي عن الدروس وتعلمي واسالي شركات المواقع
وتوكلي على الله

وعقبال مانشوفك مصممة كبيره مشهوره

ما شاء الله تبارك الله واضح ثقتك من اناقة شغلك

فيه اخوات عندهم مشاغل يعرضون ركن للاجار استاجري عندهم ركن في مشغل

او تقدرين تخصصين غرفة في بيتكم ىستقبلين فيها الزبونات

و اذا تقدرين تقدمين على صناديق الدعم قدمي

ربنا يوفقك و يوسع لك

موفق بإذن الله ... لك مني أجمل تحية .

انا انصحك انك انتي بنفسك تسوقي بضاعتك

ولو توسع شغلك باذن الله

افتحي لك بوتيك او محل بالسوق او استاجري كونر صغير في مشغل نسائي مشهور

بمنطقتك

والله يفتح لك ابواب رزقه ويوسع عليك اختي