شراء وبيع السيارات المستعمله ( شريطي) مشروع ذهب

منار الوجه · #21 (**permalink**) 30-01-2012, 04:13 PM

موفق بإذن الله ... لك مني أجمل تحية .

أوم الحاله · #22 (**permalink**) 30-01-2012, 04:14 PM

اقتباس:

المشاركة الأصلية كتبت بواسطة عمر الزهيري

ألف شكر لك أخوي ,,
بالفعل شغل السيارات مربح ,, لكن يبي له واحد خبير وفاهم السوق ,,
هناك فئة من الناس يشتغلون على سيارات تويوتا الصالون والجيب والهايلوكس ويجدون فيه أرباح ,,

لكن هناك أشخاص اعرفهم جيدا تميزوا في السوق وأصبحوا من كبار الشريطية أكثر عملهم هو البيع بالآجل ,, يعني يبيعك السيارة على أن تسدد خلال 3 أشهر أو 6 أشهر ,, بربح عالي جدا ,, وطبعا ما يبيع إلا على ناس يعرفهم أو يكفله شخص يعرفه ,,
طريقة بيع أظنها مجدية بشكل كبير جدا ,,

بالتوفيق للجميع ,,

حياك الله اخي
فعلا السوق فيه ربح لكن اختلف معاك انه يكون خبير....... انا بدأت في السيارات وماعندي اي خبره لكني كنت مفتح وعرفت نظام السوق فقط....... وماجلست تقريبا 4 شهور الا صرت فاهم الطبخه
السوق درجات فيه مبتدأ وفيه خبيره وفي محترف وفي شخص عنده ذمه وفي شخص طماع

حنا راح نعطيكم الأساسيات الأولى عشان تصير مبتدأ وانت مع الوقت راح تصير خبير..... والي قصدته انا ان السوق لا يقتصر فقط على الخبراء مثله مثل اي مجال آخر

أوم الحاله · #23 (**permalink**) 30-01-2012, 04:15 PM

اقتباس:

المشاركة الأصلية كتبت بواسطة a.b.o.d.e

ما شاء الله عليك
الله يرزقك ان شاء الله

‏* استمر بارك الله فيك‏*‏

شكرا اخي سررت بتواجدك معنا

أوم الحاله · #24 (**permalink**) 30-01-2012, 04:17 PM

اقتباس:

المشاركة الأصلية كتبت بواسطة الرصيف

ماشاء الله عليك .. الله يرزقك .

كمّل الموضووع .. وصرااحة ودّي اشتغل بالمعارض بس ما اعرف شيء ولكني استفدت من موضوعك كثير

وعندي سؤال لو ابدأ كم يكون راس المال علما اني الدخل محدود..

وشكرا

اتمنى لك التوفيق والنجاح ومثل ما ذكرت سالفا ان هذا السوق لا يحتاج إلى رأس مال كبير
بقدر ما يتحاج الى صبر وتأني ويمكن تبدأ حتى بـ 3000 الآف اذا انك فهمت الشغله
تابع معنا وراح تستفيد اكثر

أوم الحاله · #25 (**permalink**) 30-01-2012, 04:23 PM

اقتباس:

المشاركة الأصلية كتبت بواسطة ولد الدمامم

كـــــله الشريطيه ماعندهم ذمه والله

بالتووووفيق لك يالغلا

وحنا هدفنا من هالموضوع انا نخرج اكبر عدد من الشباب يكون عندهم ذمه ويخاف ربه
والإصلاح مطلوب في جميع المجالات ...... وللأسف سوق السيارات صار حكر على مجموعه معينه
وعلى قولهم الطيور على اشكالها تقع......... وللأسف يجي واحد او اثنين ويخربون على الباقي وهذا الشي
للأسف يعطينا فكره خاطئه خصوصنا حنا يالعرب لأنا دائما نبي على الإنطباع الأولى وحتى انت مثلا لو يصير بينك وبين شخص موقف وجيت تتكلم عنه تذكر قبيلته ولا تذكر اسمه وهالشي الي صاير بالضبط مع شريطية السيارات لو يغشك واحد منهم على طول تروح تقول والله شريطي غشني حتى ساد المفهوم ان الشريطي هذا انسان مايخاف ربه وغشاش مع ان الغش حاصل في كل تجاره ويمكن في السيارات بشكل اكبر وذلك بسبب جهل الناس الي بالسوق بعضهم حتى ما معه الإبتدائيه ولا يعرف شي او تحصله يماني جاي تهريب ولا يعرف شي في الدين ........ لكن نطمح ان شاء الله ان يكون من بيننا شباب يمتهنون هذا الشي ويطبقونه على اصوله ................. تحياتي

أوم الحاله · #26 (**permalink**) 30-01-2012, 04:26 PM

اقتباس:

المشاركة الأصلية كتبت بواسطة بآكي

أخوي أوم الحاله ماشاء الله عليك واسأل الباري ان يرزقنا ويرزقك بالحلال
والله الفكره تدور براسي لها شهرين بيع وشراء السيارات وكل جمعه انزل الحراج اطقس الاوضاع واشوف السوق
وعندي بعض الإستفسارات وفيك الخير والبركه تفيدنا
كم يحتاج راس المال حتى ابداء .
وش افضل والي فيها مكاسب حلوه ولها زبائنها تمشي من انواع السيارات وياليت تحدد الموديلات المرغوبه.
سمعت من شريطيه ان السيارات في بعض مناطق المملكه تكون رخيصه وتبيعها في مناطق اخرى تكون مرغوبه واسعارها مرتفعه شويه ايش رائيك في هالنقطه.
في خلال الشهر تقريباً كم تشتري سياره وخلال كم تبيعها والمكاسب الشهريه تقريبا.
ولك وافر الشكر والتقدير

الله يجزاك خير ومشكور على الدعوه

رأس المال تكلمت عنه سابقا وقلت لا يحتاج الى رأس مال كبير ممكن تبدأ بـ 3000 الآف وومكن تبدأ بـ 50 ألف والأفضل من 15 الف ألين 25 الف كبدايه
وبالنسبه للأنواع الي عليها طلب تختلف من منطقه إلى منطقه وتكاد تشترك في انواع معينه مثل الكامري والهايلكس....... وفعلا كلامك صحيح في ناس تشتري من مدينه وتبيع في مدينه أخرى مثل الكابرس مثلا يشترونه من الرياض ويبيعونه في الطايف والهايلكس يباع في القصيم وهكذا
وانا راح اتطرق لها النقطه في المحاضره الجايه وراح تستفيد اكثر ولا تستجل وبالتوفيق

أوم الحاله · #27 (**permalink**) 30-01-2012, 04:35 PM

اقتباس:

المشاركة الأصلية كتبت بواسطة ناسااا

[align=center]

الله يجزاك خير موووضوع و لا احلى اتمنى تكملـــــــــــه وتجيب على استفساراتنا هذا المشروع الي بنفذه ان شاء الله في بالي من سنتين تقريبا والان فضيت له وبأذن البدايه قريباا استفساري بارك الله فيك :

1_ على كم يكون تركيزي على 3 انواع من السيارات واعرف اسعار كل موديل او ايش الافضل ؟؟؟؟؟؟؟

2- وش رايك لو احدد سعري بعد الشراء على حسب سعر السياره ((بالمعارض)) يعني اشوف مثل سيارتي بالنظافه و اعرض بنفس السعر او احدد مثلا كل سياره اعرض بــــــــــ زيادة 2000 او كم ؟؟؟؟؟؟؟؟؟؟؟

3- وش رايك في الشراء من تحت المكروفون؟؟

4- كيف اجراءات البيع والشراء مدري فيه نقل ملكية وتأمين ........ من يتحملها انا او صاحب السياره
ياليت لو تكتبها كلها و بكم كل وحده ؟؟؟؟؟؟؟؟؟؟

5- وش رايك في البحث عن سيارات غير مرغوبه ورخيصه في مناطق وبيعها في مناطق مرغوبه عندهم ؟؟؟؟

آسف على كثر الاسئله والله يرزقك من حيث لا تحتسب ويوفقك في الدنيا والاخره

[/align]

حياك الله اخوي وسررت بلقائك
اغلب الأسئله الي سألتها انا راح اجيبها في باقي الدرس بس انت استعجلت شوي وراح اجاوب بس ضروري تتابع باقي الدرس على شان تستفيد اكثر

1- اخي بالبدايه تركيزك يكون على نوع واحد من السيارات بمختلف موديلاته من اقدم موديل الى احدث موديل الي يناسب رأس مالك..... مثلا رأس مالك 15000 ريال تبدأ في الكابرس من موديل 90 إلى موديل 2002
وهذا النوع من السيارات مرغوب في المنطقه يعني على حسب منطقتك تشوف النوع الي ماشي وهالشي راح اتكلم عنه ......... هذا كبدايه فقط وبعدها تنتقل إلى نوع اخر وهكذا حتى تنتقل إلى القسم الثاني من المتاجره بالسيارات وهو إعادة تجديد السياراه وهذا فيه ارباح خياليه اكثر من الأول ولا تستعجل اخوي اكل العنب حبه حبه

2- بالنسبه للأسعار قلت ان السوق هو الي حدد وانا راح اعطيك طريقه تصير تعرف فيها الأسعار بإذن الله

3-الشراء من تحت المكرفون مخاطره كبيره ولا ينصح بها كمبتدأ لان في الغالب مايباع تحت المكرفون يكون فيه عيوب كثيره وصاحبها لا يرغب في ان الشخص الذي يريد ان يشتري يفحصها ولذلك يجيب ان يكون عندك الخبره الكافيه في السيارات وفي الأشخاص ايضا من طريقة لبسه ومن كلامه تميز اذا هو كاذب او صادق او انسان مستهتر وهذي المرحله الأخيره من مراحل تجارة السيارات

4- نعم فيها اجراءات نقل ملكيه وفيها تأمين بس اهم شي تكون مفحوصه واستمارتها مجدده او يتحملها البائع........ وترا ما تكلف شي يعني اذا انت بتكسب في السياره 4000 ريال ما تستاهل اجراءات نقل ملكيه ؟

5- طبعا هالشي حاصل كثير بس ما انصح فيها كمبتدأ انصحك انك تنزل لسوق وشوي شوي الين ما تتمكن منه... ومع الوقت والخبره راح تتعلم

اتمنى اني اكون افدتك يالغالي

ربي اغفرلي ذنبي · #28 (**permalink**) 30-01-2012, 04:42 PM

.. موفق بأذن الله وبارك الله لك فيها .. مشروع ناجح ..

أوم الحاله · #29 (**permalink**) 30-01-2012, 04:44 PM

اقتباس:

المشاركة الأصلية كتبت بواسطة بقآيآ آلآمسَ

يعطيكِ العآفيةَ يرآعيَ الموضوعِ ’’ موضوعكِ مكسبةِ مدبلَ وخسآرتهِ قليلةِ آللهَ يجزآكِ خيرَ ’’

3 نصآئحِ لكمِ يآخوآنَ ،

1- لأتشتريَ سيآرةِ منَ شريطيَ يعنيَ لأصرتِ اشريطيَ لأتشتريَ منِ شريطيَ مثلكِ حتىَ لوِ هيَ نظيفةَ ،
لأنِهمَ يحبونَ يضحكونِ علىَ بعضهمَ ويمسكونِ عليكَ آيَ شيَ ، و80% ذمتهمِ بجيوبهمَ ويحلفِونَ كذبَ منِ الطمعَ ..

2- لأتضمنِ آحدَ آوِتشتريَ سيآرةِ ويقولكِ بكرآِ اجيبَ لكِ آلأستمآرةِ وآلأورآقَ ،

لأنِ خويئِ شريطيَ ، ويقوليَ دآيمِ تنبآعِ سيآرآتِ بعضهِآإَ مسروقةَ ولأِ عليهآَإ قضآيآِ ، مثلِآِإ ، رآعيَ السيآرةِ مطلوبَ بديونَ .. تحجزَ عليكَ السيآرةِ ويمكنَ تروحِ عليكُ ..

3- لأتبيَع آوِ تشتريَ مكروفونِ ، لأنهمَ دآيمَ يبخسونَ آلسعرَ لأجيتِ تبيعَ ، ويغلونِ سعرِ السيآرةِ لأجيتَ تشتريَ ، ويطلعونِ عيوبَ الدنيآِإ بسيآرتكِ ..

وسلأمتِــ،ـكمُ ، وآليَ بيكسبَ خبرةِ ميحتآجَ يروحِ المعآرضَ يومِ الجمعةَ وبيتعلمِ آنِ شاءِ اللهَ ..

مشكور على النصائح اخي
وشي طبيعي انك ماتشتري من شريطي لان الشريطي يبي يتكسب ولكن انت راح تشتري تبعا لأسعار السوق الي انت عارفها وتبعا لنظافة السياره اذا فهمت هذي النقطتين مافي ابن امه يقدر يضحك عليك
وبالنسبه لإجراءات نقل السياره والأوراق اصلن المعارض ما يعطونه باقي فلوسه لين تنقل السياره بأسمك يعني مامنها خوف حتى لو ماجاب باقي الأوراق ماراح يتسلم سياراته واصلن المعرض مستحيل يكتب المكاتبه بينكم الا بإستمارة السياره وبطاقات الهويه اما بالنسبه للفحص والتأمين حتى لو ماجابها امرها سهله تقدر تطلعها اهم شي استمارة السياره

بالنسبه لسيارات تحت المكرفون هي دائما للأشخاص الي يرغب في البيع بسرعه ودائما يحدث فيه بيع النجش اي انهم يزايدون في السعر عشان تطلع لهم نسبه اكبر عند البيع لكن انت مع الوقت راح تصير تعرف الأشخاص لانو دائما يغير لبسه مره تحصله لابس شماغ مره بدون مره لابس لبس رياضي
اهم مافي الموضوع الصبر ثم الصبر وخليك في السوق شهر او شهرين لمدة ساعتين يوميا ماراح يضرك هالشي بالعكس حتى الناس اذا عرفوك انك تنزل المعارض وتخاف ربك يصيرو يوصونك على سيارات ويعطونك سياراتهم تبيعها لهم وبتعين خير ومن يتق الله يجعل له مخرجا

أوم الحاله · #30 (**permalink**) 30-01-2012, 04:45 PM

اقتباس:

المشاركة الأصلية كتبت بواسطة عاطل جالس

والله مشروع ناجح بس راس المال يحتاج على شان تضمن نفسك زين

طبعا مشروع ناجح اذا توفرت فيه الأسس الصحيحه والصبر والعلم الكافي
وطبعا ضروري تحط مبلغ على جنب عشان اذا طلبت السياره منك شي يكون عندك
مبلغ متوفر

تحياتي وسررت بتواجدك

شراء وبيع السيارات المستعمله ( شريطي) مشروع ذهب

قسم مشاريع وأفكار

يعتقد الكثير أن شراء وبيع السيارات المستعمله تحتاج إلى خبره طويله ومعرفه ... وفي الحقيقه الأمر عكس ذلك تماما.....كل مافي الموضوع انك تحتاج إلى شوية...

شراء وبيع السيارات المستعمله ( شريطي) مشروع ذهب

تسجيل الدخول

شراء وبيع السيارات المستعمله ( شريطي) مشروع ذهب

قسم مشاريع وأفكار

يعتقد الكثير أن شراء وبيع السيارات المستعمله تحتاج إلى خبره طويله ومعرفه ... وفي الحقيقه الأمر عكس ذلك تماما.....كل مافي الموضوع انك تحتاج إلى شوية...

شراء وبيع السيارات المستعمله ( شريطي) مشروع ذهب