جزاك الله خير يالحبيب طيب عندنا في المدينه السيارات اغلي من عندكم لو احد بيترزق الله يطلع الرياض ويشتري منك وحقك محفوض كثييييييير في المدينه يسوي كذا

[align=right]طيب يا أخوان انا جتني استفسارات كثيره وكانت اغلب الإستفسارت تدور حول محاور معينه
فقلت راح انزلها هنا للفائده احسن من اني اجلس ارسل لكل واحد على حده والمحاور كالتالي

- كيف اعرف السيارة الورده والنظيفه والي حالتها مقبوله ؟
- كيف اصرف السياره؟
- الشراء من تحت المكرفون؟
- هل هذا العمل يعتبر بخس للسلعة ؟
- الفكره الخاطأه عن الي يبيع ويشتري بالسيارات ؟

وانا راح اتناول كل نقطه على حده وراح ابدأ بأول نقطه الي هي كيف تميز بين السيارات
وراح ادعم الموضوع بالصور وخلوني ابدا بالصوره رقم 1

صورة رقم 1

[imgr]http://www.gulfup.com/thumbs/1327959630802.jpg[/imgr]

هذا كابرس موديل 89 (بعد اذن صاحب السياره )
طبعا عند النظر لسياره تشوف ان السياره نظيفه ...... لاحظ البودي
لاحظ الصدامات ...الداخليه ...... يعني السياره مافيها عيب
وقفتها حلوه مافيها أي خلل بويتها حلوه ........ طبعا اهم شي مكينتها وقيرها على الشرط
مو بس الشكل والداخليه ...... اذا كان المكينه والقير فيها شي وشكلها الخارجي حلو هذي
لاتسمى نظيفه هذي لها سعر آخر ( تحتاج إلى معرفة اكثر بالسيارات) بس انت خليك الحين
على الي مكينتها وقيرها تمام ولا تستعجل ........ اذا مثل ماقلنا هذي السياره نظيفه


الصوره رقم 2

[imgr]http://www.gulfup.com/thumbs/1327959630281.jpg[/imgr]

هذا كابرس موديل 89 نفس الشكل ونفس الموديل السابق ....... الا انك
عند مشاهدتك الأوليه لسياره تحس انها تختلف عن الي فوق..... لاحظ البدي كيف يلمع
شوفا الداخليه كيف شبه جديده......... طبعا الممشى يمكن يكون نفس الممشى في الصوره رقم 1
الا ان شكلها جذاب وباين ان صاحبها محافظ عليها....... ويمكن انت لاحظت الشي هذا ... ونفس
الشي الزبون الي راح يشتري السياره منك راح يلاحظ الشي هذا وراح ينشد لسياره...... اذا هذي
نسميها ورده ( طبعا اذا كان ممشاها قليل جدا تسمى مخزن) ....

الصوره رقم 3

[imgr]http://www.gulfup.com/thumbs/132795963083.jpg[/imgr]

هذي سياره نفس نوع وموديل الصورتين التي قبل..... لكن عند مشاهدتك السياره تلاحظ انها ليست
بالنظافه المطلوبه ( عادي جدا) ممكن تحتاج الى تلميع او تنجيد بسيط لداخليه ( ملاحظه عندما تحتاج
إلى اعادة تجديد البويه هذي تدخل تحت تصنيف آخر الي هو سعر السياره المرشوشه بغرض التجديد)
يعني مايصلح مثلا تعطيها سعر سياره حالتها مقبوله ... يجب انك تحط في بالك انك راح تبيعها في السوق بسعر انها سياره مرشوشه بغرص التجديد....... اذا هذي نسميها سياره حالتها مقبوله


طيب قد يسأل شخص يقول هل السياره الي ممشاها قليل هذي تسمى مخزنه بغض النظر عن شكلها
طبعا الجواب يكون لا....... السياره المخزنه معناتها ان السياره شبه جديده وما مشت كثير واذا كان
شكلها مثل مقبول او نظيف هذي لا تسمى مخزن.... المخزن يجب ان تكون سيارة ورده وما مشت كثير واحياناً تجد اشياء كثير من الوكاله ما تغيرت مثل الإستبنه وعدة السياره الي بالشطنه واحيان تشم ريحة الوكاله اذا ركبت السياره هذي الأشياء تثبت ايضا ان السياره مخزنه والأهم من هذا كله انك ما تشتريها من شريطي ابد لان بعض الشريطيه يمكن يتلاعب بالسياره ويوهمك انها مخزنه


طيب النقظه الثانيه وين ابيع السياره؟
عندك اكثر من مكان تبيع السياره فيهم ولو تطبقهم جميع يكون احسن
اول مكان على النت....... تشوف لك موقع متخصص في بيع السيارات .... تصور السياره في النهار
الصور ... صور واضحه وبإماكن مختلفه تصور الداخليه ايضا
وتكتب موضوع كامل عن السياره ولا تترك مجال وتضع رقم جوالك( يستحسن انك تطلع رقم خصيصا لشغله هذي اذا دخلت هذا المجال )...... وخلاص تنسى الإعلان

ثانيا تشوف مكان يكون قريب منك مكان فاضي ومسموح انك توقف السياره فيه والأهم من هذا كله ان يكون في حركه عند المكان يعني مو تروح تحطها في مكان معزول او تحطها في البر
وتضع عليها رقم جوالك وشوية معلومات مثل الموديل والممشى ولو تحط السعر يكون افضل
طبعا تزيد عن سعر السوق بخمسميه او ألف عشان في حالة المكاسره

ثالثاً انك كل عصريه تاخذ السياره وتنزل المعارض وتوقفها <<< افضل طريقه
يفضل انه قبل مايبدا السوق يعني قبل صلاة العصر بشوي تاخذها وتروح توقفها وتوقف عندها
وبإمكانك مثلا تضع رقم جوالك عندها وتروح تشوف لك صيده آخرى يعني على مابال تنباع سيارتك
الا قد حصلت سياره أخرى ....... وهكذا

رابعا: مع الوقت اصلن راح تكون لك قاعده من العملاء من الأقارب والزملاء واصلن ماراح
تصير تلحق تلقى هذا يوصيك على سياره من نوع فلاني وهذا اذا شاف عندك سياره شراها منك
خصوصا اذا عرف عنك انك انسان تخاف الله وما تغش وأمين ... ومن يتق الله يجعل له مخرجا

وأنا من رأيي انك تسويها جميعا لأنك ماراح تخسر شي ....نزل اعلان ووقفها وكل عصريه انزل السوق ولو تفكر فيها انت راح تشوف اصلن انك بتسويها.... انت راح تدخل النت يعني داخل داخل
وراح توقف السياره اكيد مارح تحطها في البايكه وراح تروح المعارض... فإذا سويها كلها افضل

نصائح مهمه:
لا تشتري أي سياره في الليل
لكل قاعدة شواذ وانا اعطيك القواعد ويمكن تحصل في اشياء تصير خارجه عن القواعد الي اعطيتك
جميع النسب والإ‘حصاءيات في الموضوع ليست دقيقه وانما اجتهاد شخصي مني


..........................

المره القادمه راح اتكلم عن بقية النقاط بإذن الواحد الأحد

المعذر ترا الصور طلعت معاي صغيره مع انها على الجهز كبيره بس اعتقد من الموقع نفسه
او من موقع رفع الصور...... اذا حبيت تشوفها واضحه سوي لها حفظ

تمنياتي للجميع بالتوفيق[/align]

سلمت يمينك يالغلا وربي انك رجال تبي الخير للناس

صدق استفدت منك كثييير

ياليت تكمل لنا وشاكرين تعبك

والي يعجبني انك ماتبي مقابل

تبي بس الدعاء وتبي الناس تترزق ويحسنون اوضاعهم

جزآآآآآآآآآآآآك الله خير

مابيدي لك يالغالي الى دعوه صالحه بضهر الغيب
اسأل االعلي القدير ان يرزقك انت ووالديك الفردوس الاعلى والله يسهلك امورك ويرزقك
اشهد بالله انك كفو وتحب الخير
بإذن الواحد الاحد بعد الاستشاره والاستخاره راح اوافيك اول باول بالاخبار وتطبيق الدرس عملي
دعواتكم لي ياخوان
ياليت لو ماعليك امر ترسلي على الخاص مواقع كبيره لبيع وشراء السيارات
تحياتي