السلام عليكم ورحمة الله وبركاته

اخواني انا في حيرة من أمري واطلب مساعدتكم شوروا علي

انا استلم من الضمان 862 ريال وكتبت هذا في الدخل الثابت

ونزل لي حافز الشهر اللي فات 1138ريال والشهر هذا مانزل لي

الا 276 ريال بس وش هالظلم لا واللي محيرني وقاهرني اكثر لقيت الدخل الثابت عندي متغير و

كاتبين فيه اني استلم

1724ريال من الضمان من وين جابوها ذي انا مااستلم الا 862 بس

وكلمت الموظفة قالت ادخلي وعدلي الدخل وعدلته بس اللي انا خايفه منه وش يضمن لي انه

ماينمسح وينكتب لي 1724 اللي ماادري وش سالفتها

وش الحل بنظركم وهل صحيح اني لو اعدل بالدخل راح انتظر 3 شهور

[align=center]
انا مثلك الشهر اللي فات 1138

والشهر هدا 276

هما حسبو الشهر هدا مرتين مدري هو هبل ولا استهبال ولا استغباء

الضمان 862+862 = 1724

1724-2000= 267

حسابينها مرتين قمة الهبل والغباء

وقالت ننتظر 3 شهور عشان الاخوان يتصلو علينا ماني فاهمة 3 شهور ليش

المفروض 3 أيام بالكتير ينزلو الباقي وينتهي الموضوع اما اللي نستنى 3 شهور وينزلو 276 وبعدها يطلعو الف حجة ويقولو خلاص انقطعت

الاعانه

ادخلي على موقعهم وعدلي في الدخل حطيها اصفار وراح تلقي مكان 1724 سار 862

واتصلي عليهم اعملي اعتراض وخدي رقم الطلب

مطولينها وهيا قصيرة مدري ايش يبغو من حياتهم
[/align]

والله قهرررررررررررررر حافز ده ورااااه ناس ماتخاف الله

عليك السلام

لايكون ناشبين لكم بالراتبين اللي امر بها الملك

خخخخخخخخخخخخخخ

والله شكلها قصوها منكم الحين و الشهر الجاي ينزل كامل ..؟ !!

ما استبعدها عنهم

طيب السؤال هنا هل المبلغ اللي خصموه بغبائهم بيرجعونه والا لا؟!!!!!!!!!!!

مااعتقد !

موفق بإذن الله ... لك مني أجمل تحية .

انا حاسه ان في الموضوع تلاعب وهذا اللي حيرني بـ 1724 ماادري وش يقصدون فيها

انا عدلت الدخل وحطيته اصفار والله يستر اخاف انها تطول ثلاث شهور عشان يتحققون

ويوقفون الصرف حسبي الله عليهم ماتسوى علينا هالاعانة صارت اهانة ومذلة


ع العموم مشكورين ويعطيكم العافيه

اهااا الحين فهمت ليه يقولون حدثو البيانات كل اسبوع علشانهم عارفين ان الموقع يخبص كثير ويضيف معلومات من راسه علشان كذا يقولون لكم حدثو بياناتكم كل اسبوع واثناء التحديث اقراء المعلومات السابقه وتاكد منها ثم اعمل اكمال وحفظ وعند الوصول الى الدخل لازم تسوي اكمال وحفظ او حفظ فقط
يعني بالمختصر لازم تساعدون الموقع على نفسه هذا الشي يصير كثير في المواقع الحكوميه
اذكر يوم اقدم على الوظائف الي طارحتها وزارة الداخليه واخلص لما اجي ادخل وابي اعدل على بياناتي يعطيني بيانات شخص اخر من قوة تخبط الموقع وعدم استقراره
لذالك يجب تحديث بياناتكم ياجماعه كل فترة