السلام عليكم ورحمة اللة وبركاتة
ياشباب اللي عندة معلومة يفيدني ابي افتح سجل تجاري لموسسة لبيع الخردوات والملابس الجاهزة عشان اطلع باص اشلون افتح سجل والشروط وهل يمديني افتح وانا موظف ومسجل ف التامينات الاجتماعية اذا لا ابي افك باسم زوجتي وهي معلمة اقدر افتح والا لا واذا لا اقدر افتح باسم الوالدة وهل لابد من اخذ وكالة عليها والا لا وشكرا

الله يتقبل ان شاء الله الدعاء

بسم الله ,, اخوي صباح الخير
بالنسبه للسجل التجاري لا يسمح للموظفين والموظفات يعني يشترط يكون متسبب وإذا بتطلع باسم أي شخص غيرك يشترط الوكاله وبالنسبه للشروط مثل ما قلت لك هذي اهم نقطه تكون متسبب وراح يسمح لك النظام تطلع سجل تجاري

اللة يوفقك ويرزقك الرزق الحلال
اخواني ابي تفاصيل اكثر بالدقة ويش المطلوب وكم ياخذ لة وقت واي جهة اراجعها

ان شاء الله يجي من يفيدك

والله يرزقنا ويااااك

الله يوفقك ويرزقك
بالتوووفيق

اللة يرحم والديكم تردون ابي التفاصيل من الالف الى الياء واي دائرة حكومية تستخرج السجل الغرفة التجارية والا مكتب العمل والا البلدية

السجل التجاري من وزارة التجارة وتاخذ وكاله على الوالدة واثباتك وفيه مبالغ مادية حوالي الالفين كلها هذا اللي اعرفة ايه وتجيب لهم اسم الحي الحي او الشارع اللي بيكون علية المحل ويطلبون رقم ثابت وصندوق بريد

افادوك الشباب

موفق بإذن الله ... لك مني أجمل تحية .

ياشباب ابي معلومات اكثر عن هذا الموضوع وابي اعرف اذا اعطيته معقب كم ياخذ ع فتح السجل التجاري