السلام عليكم ورحمة الله وبركاته
اليوم توجهت إلى مستشفى الملك فهد التعليمي بالخبر توجهت إلى إدارة شؤون الموظفين بالمستشفى قابلت الموظف وسألته ماذا حل بموضوعنا فكان ردة كالسابق باقي ماجانا شي سألته طيب الأسماء اللي عندكم قال هذي اسماء فقط باقي الأرقام الوظيفية سألته من وين تجي الأرقام قال لي هذة روح أسأل عنها في الجامعه وانته رحلتي للمستشفى .

توجهت بعد ذلك إلى الجامعة ذهبت إلى إدارة شؤون الموظفين دلوني على واحد فيها بس الرجال مسكين شايب مايدري وين الله حاطة سألته وش صار في موضوعنا قال اي موضوع قلتلة بخصوص الدبلومات الموجهين لوزارة التعليم اعالي قال لسى ماجانا شي قلتلة والأسماء اللي بالمستشفى قال اسماء فقط من دون أرقام وظيفية طيب ومن وين نجيب الأرقام قال هذي بين الخدمة المدنية والمالية قلتلة وش السواه قال لي بعد عشرة ايام قلتلة اكيد قال اكيد طبعا لا سألته بخصوص الأرقام كيف الخدمة المدنية تعيين الناس من دون أرقام قال روح اسألهم تلاقي عندهم الجواب وبعدها مشيت إلى المنعطف الأخير .

توجهت إلى الخدمة المدنية وتوجهت إلى إدارة الترشيح كلمت الموظف اللي هناك وش هو وضعنا نحن المتوجهين إلى الجامعات قال روح راجع الجامعه انتوا عندهم الحين بس كيفوهم قالوا انه مافي أرقام وظيفية قال لي من قالك قلتلة موظف اسمة طه الأمير قال ماعليك منه مستحيل الخدمة المدنية تعين ناس من دون أرقام قلتلة والحل قال لي لازم تراجعوا وزارة الخدمة المدنية والمالية علشان يساونكم مع زملاؤكم في وزارة الصحة لأنكم في قرار ملكي واحد وذا سكتوا بيماطلون فيكم .
فالهمة ياشباب اللي بالرياض يروح يراجع المالية والخدمة المدنية .


وبهذا تكون انتهت رحلتي لهذا اليوم الإثنين
ِ

اللي بالشرقية والرياض المفروض يراجعون الرياض لانهم قريب .

انا والله بأقصي الجنوب مايمديني اتمني احد يراجع

اتمنى من الشباب القريبين المراجعة

وعندي سوال لو تكرمتم

الحين انتم متعينين علي جامعة الدمام .. وحسب كلامك انك راجعت مستشفى الملك فهد بالخبر

طيب انا متعين علي جامعة الملك فيصل .. وقريت ان المستشفى موجود في الخبر واسمة مستشفى الملك فهد


يعني وشو السالفة بضبط

كلنا موجهين علي نفس المستشفى ولا شلووووووون

الف شكر ياغالي

ممكن احد يفيدني المتعينين علي الجامعات التعين راح يكون في المستشفيات الجامعي او الواحدات الصحية

موفق بإذن الله ... لك مني أجمل تحية .

موفق بإذن الله ... لك مني أجمل تحية .