السلام عليكم و رحمة الله و بركاته

و هلت بركات لقاءات

اليوم اتصلوا عليا عالم الحمية اللي في مركز التخصصي الطبي طريق الملك فهد
و هو احدى الوظائف اللي قدمت سيرتي الذاتيه عندهم في معرض لقاءات يوم الخميس

عندي بكره ان شاءلله مقابلة ،،، انا ما عندي اي استفسار معين عن المقابلة
بحكم انه تخصصي تغذية واقتصاد منزلي فـ ان شاءلله لو بتكون الاسئلة في مجال التغذية
والحمية ان شاءلله نعديها على خير

بس طبعا انا رايحة بكره بس ماادري على اي وظيفة يحطوني ،،، اخاف يحطوني في وظيفة مالها علاقة بالتخصص >>> وحدة متعقدة

سؤالي و استفساري خاصة الصبايا >> و ممكن اخواني الشباب اللي يعرف

هل القسم هذا ( عالم الحمية ) نسائي مستقل ؟؟؟؟
يعني هل في احد راح القسم نفسه ؟؟؟ شاف موظفات القسم ؟؟؟
هل نسائي او اختلاط ؟؟؟؟؟

يارب يسرلي اللي فيه الخير يــــــــــــــــارب العالمين
انا اذا طلع قسم نسائي مستقل و شغلي مع نساء و نفس مجالي و راتب حلوووو بكون اسعد انسانه >>> بديت احلم شكلي

يـــــــــــــــــــــــــارب

up

موفق بإذن الله ... لك مني أجمل تحية .

بالتوفيق لك ان شالله وان شالله تجين بالاخبار الزينه

الله يوفقكِ ويكتب لك حلمكِ وأكثر حقيقه ..
طمنينآ وش رآح يصير معآك ..

ربي يسعدكم جميعا و يوفقكم
اشكركم على دعواتكم

رحت لهم و دخلت في الاول عالم الحمية و حسيته فاضي بس حسيت كانه نسائي بس هو مو بس فقط للنساء بس كل الموجودات الموظفات يعني نساء

المهم دلوني بعدين على قسم الموارد البشرية و رحت لهم و ماشاءلله كان فيه كثيييير بنات حوالي 15

المهم طبعا فيه بعضهم تغذية و فيه بعضهم لا ،،،
هي قالت الوظائف المتاحة حاليا استقبال ، خدمات مرضى ، حارسات امن ، و وظائف ادارية

المهم لما جاء دوري للمقابلة كنت مستعدة و كل شئ بس للاسف ،،، قالت انتي تخصصك تغذية و طالبة وظيفة اخصائية تغذية بس لازم يكون عندك شهادة التصنيف الصحي
طبعا انا عارفة انه هي معاها حق و كنت خايفة من الموضوع هذا
بس التصنيف الصحي رفض وقتها يعطيني لانه متوقفة عن العمل سنين و لازم اتدرب 12 شهر
بس يوم قتلها كذا قالت ليش ما جيتي عندنا ندربك
طبعا قالت كذا و قالت لو حابة تتدربي عندنا ممكن ندربك و تخلصي و تحصلي على التصنيف
طبعا لانه ممنوع من وزارة الصحة توظيف اي احد من الكادر الطبي من غير شهادة تصنيف
او يحاسبون المستشفى
و انا اعتبر من الكادر الطبي ،،،،

بالنسبة للاختلاط قالت اذا تدربتي راح تكون فيه مسؤولة عنك ،، بس الشغل نفسه لا ،،، خاصة المرضى ممكن يكونوا نساء و ممكن لا ،،،
انا عاد جاية اتفلسف اقولها طب ممكن اطلب يكونوا المرضى بس نساء ،،، قالت لا
مممممممممم بصراحة مش عارفة اتدرب ولا ايش اسوي بالظبط

الي سمعته انه لازم تروحين انتي لهيئة التصنيف وهم يعطونك خطاب باعاده توجيه تدريب لاحد المستشفيات. واالتدريب ٣اشهر فقطً. هذا الكلام لكل التخصصات الي ماعندهم تصنيف ومر على تخرجهم اكثر من سنتين

حبيبتي ممكن توصفين لي عالم الحميه هل هو بالتخصصي نفسه لاني ابغى النادي الي عندهم

^^^^

انا عندي الورقة حقت التدريب بس مو 3 اشهر انا مطلوب مني 12 شهر
لاني منقطعة اكثر من 5 سنوات ،، تحديدا 10 سنوات

بالنسبة للمكان
هو على طريق الملك فهد مستشفى التخصصي الطبي البرجين الكبار اللي جنب بعض
و عالم الحمية موجود في المبنى الثاني على جنب فيه باب مكتوب عليه عالم الحمية