السلام عليكم ورحمة الله وبركاته
أخواني وأخواتي محتاج ارائكم ومشورتكم فلا تبخلو علي
في بالي ثلاث مشاريع والله يتممها على خير ايهما افضل ودخلها ممتاز ويكون المشروع ناجح بعد توفيق الله
المشروع الاول : مكتب خدمات عامه (تعقيب )
المشروع الثاني : بيع وشراء السيارات المستعمله (شريطي) بس بذمه وامانه
المشروع الثالث : محل خضار وفواكه (خضرجي وفواكهجي)
ونحن هنا نفيد ونستفيد من بعض من تجاربنا الي اشتغل باي مشروع من الثلاث ياليت يذكر سلبياتها وإجابيتها والطرق
الي يسأل انا باي مدينه من مكه حتى تتضح لكم الصوره
ولكم دعوه صادقه بضهر الغيب
اخوكم / عزام الشريف

اخوووووي الافضل ماتحطها كلها بمشروع واحد

تعرف التجاره ربح وخساره الله لايوريك الخساره ويرزقك من اوسع ابوابه

شووووف اخوووي بالنسبه لي عندك مشروووعين ناجحه جدااا والله يطرح فيها البركه

الاول: محل خضروات وفواكه ::

عوامل نجاح المشروع:

1- قبل كل شي التوكل ع الله والرزق بيدين الله سبحانه وتعالى

2- اختيار موقع المحل مو شرط يكون في مكان عام المهم يكون جنبه ملحمه او دواجن او بقاله ومخبز

3- يكون بعيد شوي عن محلات خضروات اخرى

4- نظافه المحل وقوه الاضاءه فيه لجذب الانتباه


التكاليف :

1- شراء سياره هايلكس

2- استقدام عامل للمحل

3- اجار المحل


وطبعا كل يوم قبل صلاه الفجر وانت بحلقه الخضره وتاخذ بضاعتك وتتوكل ع الله

صدقني اقل دخل باليوم 3000الاف ريال

المشروع الاول : مكتب خدمات عامه (تعقيب )

أتوقع فيها (ذهب)

بس الأهم يكون بالك وسيع وتبعد الكسل وتكون ذرب مع الناس وتحاول تكسب ثقتهم

التعقيب حلو وتقدر تنشر رقمك في المنتديات وفي اماكن كثيرة ويمديك تروح الشركات وتخلص امورهم بس يبي له صبر
وعلى فكرة فيه دخل ممتاز للي عنده جلد وتحمل

اشكركم جميعا على تفاعلكم واهتمامكم
وبإنتظار باقي الاخوان يعطوني خبراتهم واستشارتهم ومشورتهم ولكم جزيل الشكر

الخضار والفواكه مشرووع بعد مشيئة الله ناجح 200 %

وانا مستعد اشاركك بالماده لبداية المشرووع ...

والله يرزقناا ويااك

والله السيارات فيها مكاسب ولا بالخياااااااااااال

وانت كبدايه تشتري السيارات اللي تمر من عند الشريطيه ويعطونه مبلغ يبخسون سيارته

وانت بدورك تزيده شوي وتحط رقمك عنده لان بعض الناس محدود على البيع بسرعه اما يبي يشتري جديد او ما له بالمعارض ووجع الراس

وبتلاقي خييييييير ان شاء الله