موعدي أول يوم في أمن المنشآت - طول ووزن وتدقيق أوراق- الدمام

دحومي سينا · #1 (**permalink**) 31-01-2012, 03:02 AM

السلام عليكم ورحمة الله وبركاته

أول شيء الحضور بالزي الرياضي
احضار صورة شخصية واحدة فقط والاستمارة عشان يحطها في الاستمارة
والشهادة الاصلية او طبق الاصل
اول ماتدخل عند البوابة العسكري يفتشك يشوف عندك جوال ولا دخان ممنوع

بعدين تدقيق على الاوراق وتشوف حروف رح على حرفك بعدين يأشر على اسمك بالاصفر عشان يعرفون انك جيتهم ولاماجيتهم من قبل

بعدين تروح عند العسكري يشوف بطاقة الهوية ويجلس يطالـع فيك بعدين تدخل تجلس مع الشباب في المدرجات طبعا لان انت داخل في صالة لكرة القدم يقيسون الطول والوزن يحط حديده فوق راسك

وينادون بالصف كل شوي صف ينزل يقيس

وقاسو طولي ووزني طلع الوزن 74 والطول 167 ونص وقالي رخ صدرك لاني كنت احاول اطول نفسي شوي ولاعلي منه خليت صدري مثل ماهو

وشوي رحت حق اللي يحط لائق وغير لائق قبل مايمسك الورقة قلت له الله يخليك ناقص بس نص سانتي مشني الله يعطيك العافية وحط لي بالاحمر على طول غير لائق

انا لم يتم قبولي الطول طلـع 167 ونص وحاولت مع الضابط انه يمشيني وجلست فوق راسة وحاولت معه واترجاه ليتني ماترجيته ثم قال لاتكثر لي كلام في ناس زحمة وراك نبي نخلص بسرعه
قلت له نص بس طيب قالي ناس واجد مثلك مامشيناهم وحسيت انه نذل وماينفع الكلام معه وطلعت صراحة واحس اني شبه متحطم لان كل املي اني ادخل وواثق انهم بيقبلوني بس الطول طلع ناقص نص سانتي

هم ينقصون 2 سانتي عندهم الجهاز من وزارة الداخلية

لكن الحمدلله على كل حال ان شاء الله خيره وربي يوفقني ويوفق الجميـع يارب في أحسن الوظايف اللهم آمين يارب.,,

انما للصبر حدود · #2 (**permalink**) 31-01-2012, 03:10 AM

اما ينقصون من عندهم ؟؟؟؟؟؟
انا طولي 168 صاااااافي انا قست طولي في نادي رياضي وفي صيدليه اكثر من كذا مرة وكلها تطلع لي 168 صافي
اذا على كلامك انهم ينقصو 2 سانتي راح يصير طولي عندهم 166!! لالا ان شاء الله يطلع كلامك غلط وانهم ما ينقصو الطول 2 سانتي
وللمعلوميه لم يتم قبولي مبدئي وكله من النسبه الي تحت 60 انا ابي اخذ شهاده كامبردج تنفع ولالا؟

دحومي سينا · #3 (**permalink**) 31-01-2012, 03:15 AM

اقتباس:

المشاركة الأصلية كتبت بواسطة انما للصبر حدود

اما ينقصون من عندهم ؟؟؟؟؟؟
انا طولي 168 صاااااافي انا قست طولي في نادي رياضي وفي صيدليه اكثر من كذا مرة وكلها تطلع لي 168 صافي
اذا على كلامك انهم ينقصو 2 سانتي راح يصير طولي عندهم 166!! لالا ان شاء الله يطلع كلامك غلط وانهم ما ينقصو الطول 2 سانتي
وللمعلوميه لم يتم قبولي مبدئي وكله من النسبه الي تحت 60 انا ابي اخذ شهاده كامبردج تنفع ولالا؟

الله يوفقك حبيب قلبي لكن هذا الواقع يالغالي لازم ينقصون 2 سانتي حق القياس من وزارة الداخلية وكان مشددين حيل يعني لازم تكون عندك واسطة قوية عشان تدخل انا مابي احطمك يالغالي لكن هم كذا لكن انت جرب حضك يمكن يمشونك والله أعلم

بالنسبة لكامبردج تنفعك لانها تعادل 6 شهور جندي أول

ضابط خفرر · #4 (**permalink**) 31-01-2012, 03:24 AM

متشددين فالطول تراهم القصير لايتعب نفسه

حمود المحوس · #5 (**permalink**) 31-01-2012, 03:29 AM

حبيبي دحومي سينا الله يرزقك احسن منها

والله يوفقنا في القبول النهائي ياااااارب دعواتك يادحومي

انما للصبر حدود · #6 (**permalink**) 31-01-2012, 03:30 AM

اقتباس:

المشاركة الأصلية كتبت بواسطة بطاااله تايم

متشددين فالطول تراهم القصير لايتعب نفسه

طولي 168 واذا طلع طولي 166 فا المشكله من عندهم مب من عندي اذا ينقصو 2 سانتي فا المفروض من البدايه يقولو الطول المطلوب 170 مب 168

وشكرا لك

عاطل و حبيب · #7 (**permalink**) 31-01-2012, 03:34 AM

خيره أن شاء الله و أنا أخوك
و رزقتك بتجيك
ومن ناحية التنقيص هذا صحيح أول مره قدمت نقصوني 2 سم و ثاني مره قدمت نقصوني 1 سم
و واحد من خوياي نقصوه 1 سم
ممكن لا هنت تقول لنا وين كانت مراجعتك للفائده
موفق