السلام عليكم ياشباب

اليوم حبيت اعرض المصيبه اللي صادفتني بمستشفى القصيم

يوم الاحد كان موعد اللجنه الطبيه الموعد حقهم حق باقي الاجراءات

طبعا يوم جيت اسوي فحص للعيون تفاجات انهم قالوا لي الورقه الفحص خانه (فني - غير فني) ماحددوها لك المصدر طبعا الاخوان اللي نفسه خايسه واللي نفسه براس خشمه على ايش مدري
و طحت فيهم انواع الترجي عشان يضبطونها لو يرسلون خطابات او اي شيئ المهم تمشي وشرحت لهم الحاله انه انا صعبه مااقدر ارجع لمكه وبعدين ارجع للقصيم ثم ارجع لمسقط راسي في الرياض
وقالوا لي بكل برود رح وقعها + تختمها من عندهم وتعال لنا وانا موعدي قرب ومااقدر ارجع لمكه وبعدين ارجع للقصيم وبعدين ارجع مكه >>> محبط
هم قالوا نقدر نسوي لك فحص بس اذا فني مانقدر اذا غير فني نسويلك بس بترسب


بالله ياشباب انا وش ذنبي يوم اطيح بمطباتهم وينقطع رزقي بسبب خطة قلم ويعلم الله اني اجتهدت وقلت لهم سوو فحص نظر ومشوها لي وقدروا الحاله اللي مايعلم فيها الا الله كلها عشان ماحدد المصدر التخصص فني او غير فني وانا دبلوم كليه تقنيه تخصص اداره مكتبيه وقلت لهم سوو فحص لي قالوا مانقدر وانا وقتها قلبي حاس انهم يكذبون بس يبون يعقدونها على الفاضي من غير اللي شفناه منهم على الشباب الباقين انواع الاستحقار

اتمنى تستفيدون من المطب اللي طحت وانا مالي ذنب فيه وتسفيدون منه
ومااقول الا الله يعوضني خير

[align=center]
الله يعينك يآلذيب ..

وآلله ولد عمي كشف بقوى الامن بعرعر ولد خآلي نفس الحاله كشف بعرعر .. على كلامهم يقولون قسم بالله انوااع الدجه كلن يبي يمشيك ولا فيه تدقيق ولا الامور اللي قلته ذي وبالعكس تعاملهم من احلى مآيكون ..

طبعا على كلامهم لاني مآكشفت عندهم ..

وخيره يآبن الحلال لك وان شاء الله مآتضيق الا وتفرج يآبعد حيي ..
[/align]

^^^^^
المشكله اخوي انه الورقه عليها ختم وتواقيع بس خانة (طبيعه العمل فني او غير فني ) عليها توقيع بدون علامة صح
والله شيئ يقهرررررر وصدقت الواحد مايدري وين رزقه فيه بس حرام والله اللي يسوونه بالناس يروح مستقبل الواحد عشان شخطة قلم

لنا الله بس

اتمنى من الشباب لاحد يفحص في القصيم بمستشفى بريده ابتعدوا عنه لانهم متشددين على اتفه سبب

والله يرزق الجميع

الله يعينك واحد من الشباب نفس وضعك فيه توقيع على خانة الفني بس الى الان ما رااح للمستشفى باقي يشتغل على الخطابات

السلام عليكم ورحمة الله وبركاته

مسااء الخيرر حبايبي انا اليووم رحت فحصت الفحص الطبي بمستشفى بريدة وصلت الساعه 9 قالي انت ليش متاخر ونا وياهم ترجي ويمين ويسار

سولي فحص الدم + فحص البول الله يكرمكم + أشعة الصدر والبطن

الباقي قالوولي تجي الاسبوع الجاي عليك لباس رياضي ولو جيت نفس وقتك هذا ماراح نسوي لك شي تجي للمستشفى تكون 7.30 موجود قلت والله لا اجي 6.30

انا ابسووي تشطيب اليوم بحجز بالمستشفى علشان مايلقون علي ولا شعره يتعلقون فيها

ويااارب التساهيل والتووفيق ياارب

^^^^
اذا بيفحص بمستشفى غير القصيم خله يفحص اذا بالقصيم الله يعينه بيقولون له روح الله معاك لازم ياشرون له على المربع حق الفني وغير الفني ويوقعون عليه بختم

اخوي كلي امال

خذ لك قلم منا ولا منا وآشخط وانتهى الموضوع

اشخط امها ياخي مايبغالها

انت تخصصك ادراي يعني غير فني يمكن العسكري نسى او شي هي تحصل اكيد

انا خريج كلية تقنيه تخصص كهربا
ورقة الفحص ماشرين علي غير فني
الله يسهل عليك وهم من ناحية تعقيد تعقيد ونفسيه وواسطاة عيني عينك من الخفير الي المدير وناس تسقط عليك بالسرا وحركات ماله داعي وبعضهم يزر اوراق وانت واقف بالساعات الله يعين عليك
لكن حنا واسطتنا اكبر واقوي واعلي والطهر من واسطاتهم
واسطتنا رب العليم العزيز الحكيم
سبحان الله والحمد الله