[align=center]
السلام عليكم ورحمة الله وبركاته

صباح/مساء الخير

اتمني افادتي اعضاء المنتداء بالشور وقيل ماخاب من استشار

انا املك 400000 الف ريال انا واخواني 2 وموكليني بما اني الكبير نشغلها في معده لانها تقريبا الافضل لنا بما اننا نميل للشغله لكنا للاسف بدون خبره استشرة اقرباء لي اكثرهم حطمني تعب لازم معدات كثيره بحثت في النت لقيت المنتدي هذا

طبعا انا افكر في بوكلين او شيول او قلاب ابي نصايكم الاخويه مع تبيان الايجابيات والسلبيات وليت يوضحون لي اللي شغله مضمون اكثر

اخوكم ثامر
[/align]

كذلك ياخوان البلدوزرات ودي اعرف عنها اذا هي افضل او البوكلين

هلا أخوي

كنت قبل يومين مع أحد الزملاء وكنا نتناقش في المشاريع الاستثماريه وأفضلها ووو وجا من ضمن الكلام المعدات فقال نصيحه لا تفكر بها ( طبعا كان هو شغال فيها ) قلت والسبب؟ قال صحيح هي تدخل عليك بالشهر مبلغ لكن أغلب مدخولها غالبا يكون في صيانتها وتصليحها وكل ما تقدم بها العمر كل ما قل انتاجها وزادت تكاليف اصلاحها .

طبعا اخوي انا ذكرت هذا لا للتحطيم او الاحباط ولا اعرفك الا اخ اتمنى له التوفيق مثل ما اتمنا لنفسي لكن هذا مما مر علي حيال موضوعك وقابل يكون صحيح وكذلك غير صحيح وانت وتفكيرك وقبلها خيرة ربك لا تنسى الاستخاره

وبالتوفيق والسداد اخوي

المعدات فيها الخير الكثير للى فاهمها

نصيحتى قبل تشترى اضمن شركة او مؤسسة تشغلها
او تحاول تاخذ خبره من احد يشتغل فيها

المنطقه لها دور لا تنسا

مثل مكه الان كلها مشاريع وهو المكان الانسب

اخوي اذا تبي النصيحة


لا تستعجل وتشتري جديد


اصبر وتتبع اعلانات المزادات وب400000 تقدر تشتري من 3 الى اربع معدات


بالنسبة للمزادات الافضل مزادات المنطقة الشرقية ثم الرياض

لان معدات ها المناطق ما تكد واجد وتلقاها نضيفة


وانحش عن مزادات المنطقة الجنوبية


افضل المعدات اللي انصحك بها


شيول - قلاب - بكلين - بوب كات


والافضل انك تركز على معدتين في البداية

شيول وقلاب


بالنسبة للعقود لا تشيل هم مو لا زم يكون عندك عقد عشان تشتغل

شغل المعدات بالساعة افضل لا ن الحساب كاش ويومي

بس اهم شي قبل المعدات توفر السواق لانه روح وقلب المعدة


اخوي لا تتردد ولا تخاف من السوق انت ابداء والباقي خلة على الله


بس اهم شي لا تحط كل راس مالك في معدة واحدة


لا نك بتتوهق


اذا ما حصلت شغل وقوف المعدة بحد ذا ته خسارة


لا كن اذا كان عندك اكثر من معدة فلا تخاف باذن الله ما تتعطل


اذا بديت ودخلت السوق لا تطمع خلك ارخص واجد بالسوق اللين تكون لك عملا وتكون معروف بالسوق


وتكبر شوي سا عتها نا فس



ختاما الله يوفقك لما فيه خير


وييسر لك امرك


ويرزقك بحلاله ويغنيك عن الحرام

400 تجيب لك من 3 الى 4 معدات من مزادات الخليج خصوصا قطر هنا في السعودية ضحك

هلا اخوي الكريم


الحقيقه لي فتره وانا ادرس هالفكره وللامانه مشرووووووع ناجح ولا تحط في بالك خسارة ومدري وشو

يقولون لو حسب الرزراع للطير مازرع

عموما يالحبيب عندي لك كذا شركه تجيب معدات وتشغلها وتجيب لك قيمة المعدات في اشهر قليله يعني انت منت خسران شي راس مالك وجالك ومعاك معدات ورح تكسب شهريا مبالغ حلوه


انا طبعا بالخدمه ويعلم الله المقصد افيد واستفيد ولك تحياتي

طيب ياخوان كم اسعار المعدات تتراوح؟
والي ماعنده خبره؟

الله يوفقك في مزاد في بريده -العسيلان مخرج نادي الفروسية
انباع شيول 55 الف ريال شغال وعنده معدادات حول 200 معده