حسبي الله ونعم الوكيل

عطوني رقم هذا المسؤل عن حافز اللي كل شوي جاي مرتز بالقنوات

تخيلوا من أول دفعة وانا مكتوب بدرجة الأهلية مؤهلة مؤهلة مؤهلة

وتنزل الفلوس للعالم وانا ولا هللة
كلمتهم قالت الموظفة المشكلة أكيد بالبنك
رحت البنك شيكو ع الآيبان وصحة البيانات وكلش تمام
ومادري وين العلة فيه
قلت أصبر يمكن بيانات الدخل الثابت لاني مدخلتها متأخرة تأخروا علي مع أنهم كاتبين عند أسمي مؤهلة
واصبر واصبر الين جاء هـ الشهر وتطلع الدفعة الثانية وأحتري رسالة على جوالي من سامبا أنوا نزلت الأعانة
ولا نص رسالة قلت يمكن فيه مشكلة
سقط رقمي سهوا
واشيك على حسابي بالنت وبرضه ولا هللة
واروح الصراف البارح واشيك على حسابي برضه ولا هللة
ويرسلون لي ع الجوال نفس الرسالة مرتين اللي ارسلوها لي بالشهر الأول
المتقدم برقم الهوية المنتهية ب, لم تتم عملية الصرف، الرقم المرجعي هوالرجاءمراجعة البنك, وسيتم الصرف لك الشهر المقبل
وبعدين يعني ياحافز تشفوقني وتحمسوني وبعدين تمرمطوني ولا ريال لييييييه

يؤ يؤ ليييييييه ما صرفو لك وين المشكله انا ببنك سامبا وبالدفعتين نزلوها

وليه لم تتم عمليه الصرف في مشكله بالايبان لو فيه المفروض يخبرونك مو يأجلون الدفعه من شهر للثاني
وبعدين وش قصه الرقم المرجعي وراجعي البنك..؟؟


ياقلبي لا تسكتين اتصلي واتصلي واتصلي عليهم لغايه ما يرد عليك موظف صاحي ويعطيك حل كذا ماينفع لغايه متى لا يكون الاخوان قاعدين يستثمرونها لك

اتصلي وعلميهم بالرساله قولي مايصير كل شهر على هالحال

الله يعينك هذه احد طرق المماطله والا مؤهله والايبان مطابق وما يصرفونها وشلون تجي

لا من جد كذا مايصير انتي لا تسكتين ادقي عليهم وكلميهم مايصير مؤهله وما ينزل لك ولا شئ انتي لا تركدين وتتركيهم صدقيني مراح يهتمون اذا انتي سكتي عنهم خليكي وراهم لانها راح تكون محسوبه عليك انك استلمتيها وانتي ما حصلتي على شئ

اتصلي حتى يردون عليك برد يفهمك المشكله

الله يكتب لك ولنا الخير

والله قهر لاتسكتين يمكن البنك لهفها عليك

بس!!!

طالبي بحقك لومهما صار********>>> هذا اللي ناقص ياخذونها..

حدثى حسابك ونشطيية من البنك ..
وكلمى حافز وبلغيهم
وها الشهر تنحل مشكلتك

اتوقع المشكله من البنك روحي عندهم وشووفي