بسم الله الرحمن الرحيم

السلام عليكم ورحمة الله وبركاته


اخواني الاعزاء لاأعلم اذا الموضوع قد طرح او لا لإن المشروع قديم بس من عندي مدعوم 60 او 70% بالفائدة والاسئلة التي قد تخطر على بالك :


مشروع تكرير الزيت .. اظنكم تعرفون الزيت الأسود الي من السياره ينزله العامل حق غيار الزيت ويحط لك زيت جديد والقديم يخليه ينزل من سيارتك ويبقى عنده ..


واكثر المحطات لديهم خزان تحت الأرض مثل خزان الماء .. يروح الزيت له يتجمع


ماقد سألت نفسك ليش ؟


الزيت هذا يبيعونه .. دايم نشوف مثل هاذي السيارات .. يأخذونه و الغالبيه يمنيه الي يشتغلون هالشغله







وايت صغير تويوتا قد تجد موديل 86 بحدود 15 الى 18 الف





طبعآ الفكره تحتاج الى مقومات :


1- وايت صغير مثل الي فوق تويوتا تلقاه بأقل من 20 بس اكبر شوي


2- اي عامل اذا مانت فاضي .. تجيب لك عامل بـ 800 ريال أي عامل وبحسب طريقتك




طبعآ .. بكم تشري و كم تبيعه :


البرميل : اقصى حد بـ 140 غالبآ 120 110 100 130 90 متقلب بس انه مايتعدى 140 لان المكسب وراه 30 40 50 السوق متذبذب


الطن : بـ 650 الى 700 وكحد أقصى 750 المكسب وراه 200 . 300 حولها مايثبت السعر




الطن يكون خزان تسحبه كلها وبعضهم يضحك عليك يقول طن و مايجي كبر الخزان لطن لان فيه خداع بس خلك جيد



والسحب يوميآ لانك بتمر ورش كثيره . لان السوق مافيه تعامل الي يجي الاول يأخذ وبالسعر الي يبي للبايع



أحسب خلنا نقول كل يومين تطلع 200 والشهر 30 يوم .. نشوف كم




30 نقسمها ليومين = 15 يوم


15 يوم .. 200 = 3 الاف

و خلنا نقول

15 يوم .. 300 = 4500


خلنا نقول كل يوم 300

30 يوم


30 يوم .. 300 = 9 الاف


وتخيل كثر المحطات الي بالمدينه فيها انت بتجيب اكثر من 9 الاف بالشهر


يعني تحتاج شهرين او ثلاث تسترد قيمة خسائرك الي بديت فيها المشروع


والعامل بيكون شغال 24 ساعه بس هاذي شغلته بيجيب اكثر من 300 باليوم


واخصم من 9 الاف حق البنزين والعامل = 600 + 800 = 1400 - 9 الاف = 7600 صافي ارباحك


طبعآ تبيعه على مصانع فيه مصانع واجد بالرياض تبي هالشي لإاعادة تكريره لو تلاحظ بعلب الزيت الجوده بعضها 80% هذا معاد التكرير وهذا مستقبل السعوديه هالمشروع .. واكثر الشغالين في هالمشروع : الاجانب و المؤسسات

عزيزي عبدالله
إستفسار بسيط
هالزيت اللي بأخذه كل يوم وأنا بالجنوب وين اوديه كل يوم أرجوا التوضيح
شاكر ومقدر لك

اول مره اسمع انه ازيت المحروق يشترى

ياخوي انت جربته ها المشرو ع

اخوي وضح لنا اكثر تبي العامل يلف ع الورشات يشتري الزيت منهم؟؟

مشروع ناجح وموجود

والزيت المكرر يعاد تصديره لليمن

وهذا سبب ان الإحتكام من قبل اليمنيين للصنعة هذي

ممكن توضيح الزيت اللي أجمعه في منطقتي وين اوديه كل يوم هل في أحد
يشتريه فالمنطقة وإلا أنا ارسله الرياض مثلا

الحمدلله والصلاة والسلام على رسول الله وعلى آله وصحبه أجمعين

بسم الله الرحمن الرحيم





اولآ شاهدوا هذا الموضوع :

https://www.btalah.com/t221341.html



ثانيآ بالنسبه للاسئله وين يبيعه .. استفسر بمدينتك


اما بالرياض في مصنع على طريق الخرج يبيعون عليه حسب علمي



ولا تجعلون الموضوع مرتبط فيني ابحثوا اسئلوا