ياطويل العمر انشاء الله السبت القادم انشاء الله تجي رسائل على الجوال بالتوفيق انشاء الله

الله يبيض وجهك ويرحم والديك اخوي عسكري بس هل انت متاكد من هذا العلم يعني من وين مصدرك انا مصدقك بس يا اخوي والله وسوست من الانتظار

وتعبت من السفر من منطقه الى منطقه واحيانا يطقون عليه

تخيل رحت سلاح التموين بالطايف نسبتي87.67 تقدير جيد جدا قدارتي 77 طولي 171 وزني 68 كامل الاوراق جايبها لهم لكن والله طردني واحد نقيب من عند الباب تدري عشان ايش؟؟؟؟؟؟

عشان انا خريج 1428 وهم طالبين خريج1429 المشكله انه اشهر اللي فرقت ماهي سنه

يعني بالله وش هالشرط اللي يبغى ياثر عليهم لو قبلوني ولا خريجين 1428 ماعندهم وطنيه ولا ذمه ولا امانه ولافيهم خير

حسبي الله ونعم الوكيل على كل من يقطع ارزاق الناس ويوقف حجر عثره في طريقهم

والله ان وضعي ماساوي اقسم بالله اني اصرف على عائلتين اقسم بالله ان عندي والدي مريض بالسكر وبالظغط وبالوباء الكبدي الخطير اقسم بالله ان عندي اخ صغير عمره عشر سنوات مريض بالسرطان بالغده اللمفاويه
اقسم بالله اني ما كتبت هذا الكلام استعطف احد او ادور حنان ومجامله من احد

لا والله اني اكتبت اقول يمكن يدخل واحد من هالمسؤلين ويشووف كلامي يمكن يمكن يمكن يتحرك جزء بسيط من الاحساس عنده ويوظفني عنده لو قهوجي ما ابغى منه لا فضل ولا منه ابغى اخذ راتبي بجهدي

والله ثم والله ثم والله اني غير اتعلق برقبة كل مسؤل عني من راس الهرم الى اصغر واحد من المسؤلين

اقسم بالله غير اتحاسب معكم يوم القيامه والله ما اسامحكم والله ما اسامحكم
حسبي الله ونعم الوكيل

الله يرزقك ياخوك

واياك اخوي

اللــه يرزقك بالوظيفه الزيـــنه

ويشافي لك ابوك واخوك

ليتني مادخلت موضوعك يرجال بكيتني الله يوفقك الله يوفقك الله يوفقك الله يوفقك اقسم بالله يالغالي أن لو أملك واسطة أني لتوسطلك بس الحالة كسيفة ياخوك

اسأل الله ان يشفي والدك و اخوك وان يرزقك الوظيفة الي تتمنها

انا مثلكم يا اخوان انتهيت من جميع الاوراق وسلمتها
وقالوا لي انتظر اتصال
لكن طال الانتظار
تتوقعون متى يجي الرد؟

الله يوفقك اخو وين ما رحت
بس انت نسبتك حلوه وطولك حلو وقدرات ماشاء الله تبارك الله
وليش ما ترسل برقيه للامير نايف ولا محمد ولده وتحكي عن ضروفك يمكن يدخلك القطاعات التابعه لوزارة الداخليه ولا تروح لهم انت افضلك
والله كان ودي افيدك بشئ لاكن الله يعلم بضروووف