حسبي الله عليهم من ناس ماتخاف الله تاكل حقوقنا.. ياخي هالأجانب كل شي سووه بنا وحنا ساكتين.. يفترض نكون أشد من كذا عليهم ولا نعطيهم إلا حقهم مو أكثر من حقهم حتى بالتعامل. ياناس ياهوه هذا بلدنا ترى

والله معاناه قدمت شكوى عليهم والى الان ماصار شي ودق علي مسؤؤل من شركة الحرمية للعود يقولي مالك شي عندنا ضف وجهك الي ماتصالة بيدينك وصله برجولك وش الطريقة ياعالم تكفوون

[align=center]
حسبي الله على كل ظالم يبخس الناس حقوقهم

عزيزي في البداية هل نص العقد على انك تشتغل اكثر من 8 ساعات في اليوم ؟!

اول شيء اذا ما نص العقد فلا يحق لهم انهم يشغلونك اكثر من 8 ساعات وما زاد عن الثمانية يعتبر خارج دوام لك اجره بالساعه , يعني راتبك 2500 على دوامك 8 ساعات يومياً , ولك اجر اضافي بواقع 3 ساعات يومياً .

ثاني شيء اذا نص العقد على اكثر من ثمان ساعات فلازم موافقه خطيه من وزارة العمل على الشيء هذا ولا يحق للشركة انها توقع معك عقد تشتغل فيه 11 ساعة من تلقاء نفسها دون الرجوع لوزارة العمل .

بخصوص الراتب 2500 :
1- هل نص العقد على ان الراتب 2500 ؟!!
2- هل كان يتم خصم مبلغ التأمين من االراتب او كان يجيك كامل 2500 ؟!

ارجوا الاجابة عن استفساراتي , واذا تقدر تنزل لنا هنا صورة من العقد للاطلاع ,,

الله يوفقك ويعينك ,,
[/align]

ياشباب بالله افزعو مع الرجال

واحد فيكم يكتبله صيغة الخطاب ويعلمة وين يروح

وش يسوي بالضبط .. لاتخذلون ولدنا الله يعافيكم

اذا معك اثبات انك كنت تداوم عندهم قدمه للتامينات

اي خطاب خطاب تعريف مثلا
اي شي يثبت انك كنت عندهم تداوم
يلاقون شي يثبت انك كنت موظف عندهم
موظف التامينات ماراح يقدر يسوي شي الا باثبات انك كنت موظف


الله يعينك ويعوضك الاحسن ان شاء الله