02-02-2012, 03:40 AM
|
|
Banned
|
|
تاريخ التسجيل: May 2010
المشاركات: 1,604
معدل تقييم المستوى: 0
|
|
اقتباس:
المشاركة الأصلية كتبت بواسطة ارواح مهاجره
اسمح لي اقول ان اللي هذا تفكيره متخلف
يضيع مستقبله عشان مبلغ مدته سنه وحده وبعدها يقول له حافز اقضب الباب
والله الدراسه والمكافئه رغم قلتها افضل من فضلت حافز الواحد مايسوى بدون شهاده
واللي متوظف ويفصل عشان حافز هذا مايستحق الوظيفه وراح يشبع من حافز سنه وبعدها يعض اصابع الندم لا ويرجع عاطل لا وظيفه ولا حافز
لكن الله يرزق كل باحث عن وظيفه ويسهل امورهم ولايضيع تعبهم ويرزقهم وظيفه تعوض سنوات بطالتهم والله يوفق الجميع
اعانة حافز يستحقها العاطل اللي درس وتعب سنين وهو يبحث عن وظيفه وكثير اعمارهم تعدت35 سنه هم اللي بالفعل يستحقون حافز مو ولد ابو 20 سنه توه طالع من الثانويه وجاي يدور حافز ليه ماتدرس بالجامعه ترا حافز ماراح ينفعكم اذا جاء عمرك 30 تقول ياليت معي شهاده وياليتني رحت بعثه
وكلمة ياليت ماتعمر بيت ولا حتى حافز مايعمر بيت فا الله الله بالعلم نصيحه لوجه الله اقل من البكالوريوس لاتعتمد عليه توكم بأول العمر هذا انا عاطله اكثر 10 سنوات اعمارنا فوق 30 والسبب ان شهادتي دبلوم لا قدرنا نكمل تعليمنا ولا حصلنا وظايف حتى حافز لما اخذته جاء مخصوم النصف لكن اللهم لا اعتراض عل قضاءك
والله ينتقم من حافز اللي اخذ حقي الله لايبيحه ولا يحلله من مال الايتام لا دنيا ولا اخره وجعلها بلاء عليهم |
وزيد على كلامك الشعب كلة اتجهه إلى حافزيبون ياخذون الفين ريال وهم نايمين . لو الجميع يكون لة تفكير واعي ويستغل الالفين ريال الى تجي من حافز يدخل بها معهد او ياخذ دورات فيها يستفيد دام ماهو لاقي وظيفة . لكن للاسف الشعب يبون حافز لفرفشة والضحك . وانا اتوقع الجهل الفكري والذهني هو سبب ها التصرف الغير سلوكي . ولا احنا عاطلين من خمس سنوات ومعنا شهايد جامعية . واليوم اشوف بحافز ولد عمرة ماتعدى 18 سنة مخلص ثانوي يستلم مثلى من حافز
صرنا ي طلاب الجامعيين مثل طلاب المتوسط والابتدائى والثانوي لافرق .
اتمني من الجميع عدم ترك الوظايف التي هم عليها الحين لجل حافز زي ماقلتى كلها 12 شهر وراح ترجعون مثل اول وراح تدورون مصروف يومكم .
ولو اقولك شغلة ماتصدقين ( طلاب معهد تمريض يفصلون من المعهد لجل الفين ريال من حافز ) وش ها التفكير والتصرف االغريب لهدرجة الناس صارت تبيع مستقبلها لجل الفين ريال . ماينظرون ورا ها السنة وش راح يكون حالهم مفصولين من الكليات الى راح تنجحهم وراح تعطيهم مستقبل افضل ووظيفة جيدة فى التمريض . شى يقهر اقسم بالله العظيم . بدال مايكون هناك فكر واعي وتصرف عقلاني لدي الجميع لكن لاحياه لمن تنادي .. عسالله يكون ب العون ..
الحمدالله احنا مجموعه من الشباب نستلم اعانة حافز وبنفس الحال نجمع لجل نسافر برا المملكة نكمل دراسة ونرجع بشهايد احسن من الجامعة الى نايمين جنبها حاليا وكلها كم شهر ومودعين .. اتمني من الى يشوفو كلامي ترا حافز فرصة لجمع المال مو لهدر المال . الواحد ينظر لبعيد لسنوات الى جاية لاينظر لحافز من 12 شهر يطنخ ب الفين ريال وبعدها راح يعظ اصبع الندم ويقول ياليتنى وياليتنى .
هاذى نصحية من اخوكم
ولاهنتى اختى على كلامك هو الى خلاني اكتب ها الكلام الى بخاطري
اسفين على الايطالة
|
العرض العادي
