بسم الله الرحمن الرحيم



تحية لخواني الشباب وبعد من لدية اي مشكلة مع اي شركة نساعدكم في حلها باذان الله لصالحكم ولدي الخبرة في معرفة حقوقكم من الشركات


وايظاء تقديم اي شكوى ظد اي شركة ظلمتكم او تعسفت معكم بالعمل او فصلتكم بدون اي مبرر


راح اقوم نيابة عنكم بمقاظاة اي شركة مقابل اجر رمزي خدمة لخواني المواطنين



وشكرا

السلام عليكم ورحمة الله وبركاته ...

فيك الخير انشاءالله اخوي ابو عبدالله .

نبدا ابو عبدالله .
اول شي في الشركه الي اعمل فيها في مخالفات عدة . 1 - توظيف عمالة يوميه مزوره اقاماتهم 2 - التلاعب في المسميات الوظيفيه امام الجهات المختصه . بسبب الوظايف هذه لازم تكون مسعودة ولكن في الحقيقه غير و الكشوف الرسميه غير يعني بالعامية مدير شؤون الموظفين و مدير خدمات مسانده و مدير اداري لواحد شخص اجنبي يحمل اقامة بمهنه محاسب . طبعا في غيره لكن خليني اشوف التجاوب معاك انشاءالله . 3- تزوير في ملفات التامينات الاجتماعيه . يسجل راتب غير الي يتقاضاه الموظف . ( نوقف شوي هنا ) انا سالت موظف في التامينات قال هذا خطتء كبير و يعاقبوا عليه لكن لابد من ان تقدم شكوى رسميه و الشكوى الرسميه سلاح ذو حدين الاول انه بتسوى صدا كبير للشركه و الثاني امكن يفصلوني الشركه بسبب افشاء اسرارها . هل تستطيع الشركه انهاء خدماتي بعد 18 سنه خدمه دون اي ملاحظه من غياب او اختلاس او اي شي سوى بمطالبه حق من حقوقي مع العلم انه الشركه غير مسؤوله عن هذا الا هذا الشخص المذكور اعلاه الله ينكبه في عمره امين . 4- هذا فساد امكن تسوي شي فيها اذا لك معارف . وهي الدفاع المدني المستودع غير مجهز بتاتا من ادوات الدفاع المدني سوى الطفايات مع العلم جات لجنه و كشفت على كل شي العسكري يقولي بنفسه هذه مخالفه واضحه مشكله كبيره و جانا انذار بعمل الشروط اللازمه الي حث عليها الدفاع المدني في مده اقصاها . وللعم المشركه تقع في احياء سكنيه في شارع حراء بجده . .... طبعا انا اكتفي بهذا اذا في ملاحظات عن اي شي انا جاهز .

والله يكتب الخير على يدك انشاءالله .. تعرف يا ابو عبدالله اذا سويت شي للمذكور اعلاه بتلاقي دعاوي من الناس تتفتح لك ابواب الجنه .
شكرا

هلا اخوي ابو عبد الله وبارك الله فيك اخوي انا اعمل في شركة منذ 3 سنوات لا كن للاسف الشديد اني غير مسجل في التامينات الاجتماعية ولا يوجد لدي عقد عمل بالشركة حيث ان صاحب الشركة وعد بوضع عقود عمل الا انه لم يفي بوعوده وطلب مني في حالة الرغبة في التسجيل في التأمينات فأني ادفع النسبة كاملة يعني 9 % من الموظف وادفع ايضا 11 % التي على الشركة انا ابي اترك الشركة لان جاني عرض افضل من شركة ثانية

الاسئلة جزاك الله خير هل لي حقوق مادية على الشركة ؟
وهل استطيع ان اشتكي صاحب الشركة وانا ليس لدي عقد عمل ؟
وما الاحراء المناسب لحل موضوع نهاية الخدمة وديا بدون شكاوي ؟

باركك الرب .. وجعلها في ميزان حسناتك ..

اخوي فهد المعذره على دخولي في موضوعك .

لكن اذا ما عندك اي مستند رسمي حتى الورقه الي توقع حضور و ا نصراف او استلام راتبك ما تقدر تشتكي الا اذا كان في احد معاك مثل حالتك و لايقلوا عن عشره ساعتها ينظروا فيكم .
اما حقوقك الماديه يقدر يجحدك بسهوله و لكن عند الله ما يضيع وثاني شي خليها صدقه عنك و عن والديك لانه ما راح يطلع شي انت ما عديت خمسه سنوات حتى يعني اذا طلعلك راتب ونص نعمه .

عفوا اخوي فهد ايش الحقوق الماديه عليك للشركه انت اخذ قرض شي منه ما اعتقد . ما عليك ولا شي للشركه لكن لك اي هذا اذا كان يخاف الله .
والحل المناسب انك تطلب الله وتروح شركه ثانيه اذا كان العرض موجود حتى لو كان قليل لكن رسمي افضل لك هذا من وجه نظري .
وسلامتك .
واسف ثاني مره على دخولي كذا و المعذرة من ابو عبدالله على التطفل هذا . لكن الواحد لما يشوف امثال فهد توهم الله يفتح عليهم يمشوا في هذا الطريق يزعل عليهم . لانه ما في انصاف ما في توعيه . لكن الله يجيب الخير لكم ولي انشاءالله .

جزاك الله خير اخوي المواطن الطيب وا شكر لك تعقيبك على الموضوع وممكن نجد حل عند اخونا ابو عبد الله بصفتة مستشار في مكتب العمل

موفق بإذن الله ... لك مني أجمل تحية .

موفق بإذن الله ... لك مني أجمل تحية .