افتح لك محفظه بنكيه

وحطها بسهم اللجين واستشير قبل تدخل

واذا تبي اي خدمه

انا بمساعدتك

اشكركم جميعا وبيض الله وجيهكم

اما بالنسبة لمحل الخضروات فهذا يحتاج لامور كثيره اولها ( سيارة حوض + محل + عامل ) وهذا كله ليس بمقدوري حاليا ناهيك انه يحتاج لاكثر من 30 الف ع ماعتقد ..

اما محل المكياج ( انا لا افقه في هذه الامور ابدا ) وصعبه اغامر بشي ماعرفه


اما بالنسبة لاخوي لعيون وفكرة بطايق السوا .. بقولك هالسالفة وابي رايك فيها ياغالي


أنا كان معي ثلاث الاف ريال وقالي واحد رح اشتر فيها ( تسع بطايق سوا ام 300 ريال ) ,, ورح اطبع اوراق واكتب عليها يوجد بطاقات سوا ام 300 ريال اقساط حتى اخر الشهر وحط اسمك ورقم جوالك .. ورح وزعها على على المحلات والبوفيات والمغاسل والشقق المفروشه حقت العزاب .. واللي يتصل عليك قله اعطيك البطاقه الحين سوا 300 ريال وترجع لي الفلوس اخر الشهر 500 ريال واذا قابلته خذ من عنده رهن اي شي ( ياجواله .. او بطاقة احواله .. او صرافاته ) واذا جاء اخر الشهر وجاب لك المبلغ الاقساط 500 ريال عطه الشي اللي رهنته منه ..

طبعا 3000 ريال = تسع بطايق سوا ام ثلاثميه .. ( لان سعر البطاقة من نفس الموزع مو من البقالات تاخذه بسعر اقل بـ 289 ع ماعتقد .. )

وقالي خل ببالك ان بيجي من الزباين منهو يسحب عليك لكن اضمن على الاقل من التسع زباين اللي بعتهم تسع بطاقات .. 6 منهم يرجع لك الاقساط لانهم بيعوضون الخساره من الثلاثه الباقيين اللي سحبوا عليك ومارجعوا لك الفلوس ...


عطني رايك عن هالشي ياغالي وهل هالكلام صحيح وفيه فائده ؟

تحيتي وتقديري

خذها مني بطاقات سوا ام 300 دور غيرها شي مو مضمون لا تدخل فيه
انا ما عندي خبره لكن أسأل أشخاص لهم خبره في التجاره له باع طويل ويعرف كيف ينمي الفلوس
ولا ادخل شريك مع واحد نفس موضوعك
سو لك موضوع با المنتدى انك تبحث عن شريك
او ادخل عالم السيارات اشتر لك موتر وبعه لو المكسب 500 والله يوفقنا وياك

انا اشوف انك تشتري لك كم ونيت وتغطي صناديقها وتاجرها على العمال اللي يوزعون بضائع دامك بتروح الرياض


هذا انسب مشروع

الايجار من 2000 الى 2500


والله يرزق الجميع

اخوي هل اخرجت زكاة مالك عند بلوغه النصاب