اخوي مايقال ..

بالعكس كلامك صحيح انا ممسك الفلوس وخايف افرطها بشي تافه او بشي اخسر فيه ( لانها ماجتني بسهالات ) ( جتني بعد تجميع شخصي لمدة سنتين كامله كل شهر اخذ المكافأه واودعها بحسابي ) وهالتعب حق السنتين اخاف يروح هدر .. لان ماظنتي بيجيني مبلغ مثل هالمبلغ في المستقبل ( لان الوظايف صعبه جدا ) ( والرزق اولا واخرا بيد الله ولكن لازم اكون حذر واستغل اي فرصه تجيني بشي مفيد ) ..

وانا ع ابواب تخرج ويمكن ماتوظف فمستحيل اقدر اجمع فلوس او مستحيل يجيني راتب شهري اقدر اصرف الفلوس زي ما ابي .. لان لو ضمنت وظيفه وراتب شهري فوق الـ4000 كان ماحاولت احتفظ بهالفلوس كل هالمده خوفا من الخساره لاني مثل ماجمعتها من وظيفتي اقدر اجمعها مره ثانيه .. لكن المشكله اني طالب جامعي وهالمكافأه الشهريه راح تنقطع عني اذا تخرجت .. هذا مربط الفرس وهو اللي يخليني متخوف من التفريط فيها بشي اندم عليه ..

بالعكس انا قلبي رحب وصادق مع نفسي قبل الاخرين وكل كلامك صحيح وفي محله ..

تحيتي وتقديري لك ياغالي

كلامك صحيح ويقولون (المال عديل الروح)

فـ المعذرة

اقرأ هذا الخبر :

مشغل أموال من حائل ينصب على أهالي القصيم بأكثر من 3 ملايين ريال


أثمر التنسيق الأمني بين شرطتي القصيم وحائل عن القبض على سعودي احتال على شريحة كبيرة من المواطنين، وحرر شيكات بلا رصيد واستلم من المساهمين مبالغ مالية كبيرة بهدف تشغيلها، إضافة إلى محاولة تضليل أجهزة الأمن بإخبارهم عن سرقة مجهولين مبالغ تقدر قيمتها بثلاثة ملايين و 710 آلاف ريال كان ينوي تسليمها للمساهمين.

وأفاد الناطق الإعلامي لشرطة منطقة القصيم العقيد فهد الهبدان بأن المتهم في العقد الرابع من العمر، ادعى أمام أحد مراكز الشرطة عن قيام ثلاثة أشخاص أحدهم يلبس الزي الرسمي لرجال الأمن العام، بسلبه مبلغ 1400 ريال إضافة إلى أجهزة جوال "آي فون" تقدر قيمتها بثلاثة ملايين و 710 آلاف ريال كان ينوي تسليمها للمساهمين معه.

وأوضخ الهبدان أن مركز شرطة بريدة باشر التحقيق مع المتهم وسماع أقواله وجمع الأدلة والقرائن، وبالانتقال مع الخبراء بقصد التأكد من استلامه أجهزة الجوال والمبالغ التي صرفها لشرائها، وبعد محاصرته بالأدلة أقر بأنه ادعى سرقة الأجهزة بهدف الهروب والتنصل من القضايا المرفوعة ضده من المواطنين، وأن بلاغه كاذب، حيث تم إيقافه رهن التحقيق استناداً لنظام الإجراءات الجزائية بتهم النصب والاحتيال وتحرير شيكات بلا رصيد، والادعاء الكاذب لتضليل الجهات الأمنية.

وحذر الهبدان المواطنين من الانجراف وراء أشخاص مشبوهين بهدف الكسب السريع، فما هي إلا أساليب تبتكر للحصول على أموال الناس.

http://sabq.org/Vdcfde

مايقال وصلتني رسالتك ياغالي

لاتخاف انا انسان لا اعتقد يوجد في العالم انسان قادر على اللعب علي ( لاني مستحيل اعطي فلوس لاحد ) الا اضمنها بشيكات وعقود رسميه ..

كلمني احد الاشخاص قائلا لي : عطني الفين واضمن لك وظيفه في امارة الرياض بالمرتبه التاسعه اول ما تتخرج وطبعا الفين بعد ماحاولت معاه يراعيني بالسعر ونزلها لي من عشر الاف الى الفين .. قلت له ابشر من عيوني بس الحين ماعندي شي انت اضمن لي الوظيفه وخذ راتب اول شهر كامل .. او خذ اول راتبين او ثلاث رواتب ورى بعض كامله واكتب عقد على الاتفاق وخذ مني اللي تبي من الضمانات اني التزم بهالشي .. قال : ماقدر كذا .. قلت اجل توكل على الله ماعندي لك ولا ريال .. ( هالسالفه تقريبا صارت مع اخوي ولكني حولتها علي عشان تفهمونها بشكل واضح )

انا جتني كذا مره فرص وهميه وحضرت كذا اجتماع لبعض اشخاص مندوبين شركات وكذا يستهدفوني شخصيا عشان ينصبون علي ومادروا اني مبيت لهم النيه قبل كل شي ..

هالموضوع لاتخاف عليه انا ماراح ااحط ريال واحد الا بشي انا عارف اسراره ومتمكن منه وعارف .. متى اخسر فيه قبل متى اربح ..

تحيتي لك ولاهنت

شكرا للجميع ولاهنتم

اخوي مايقال هذا وانت موظف ولاحظ انهم حاولوا يستغلونك لانك توك متزوج عارفين انك بشهر عسل او انك بحاجه سفر ( والاستهداف هو بسفرك ع كل العالم بسعر رمزي )

العاطل يستغلونه ( بضمان وظيفه وربح سريع وثراء كبير بس يبون منك الفين ريال بالبدايه )

وبكل الحالات يكون الاستغلال ( للمغفل والجاهل ) اما الذكي يعرف ان الاسد لاضحك ماهي لله ناوي ياكله .!

المشكله انا قصتي صارت مع شركة اسمها كويست نت شخص سعودي ( وشكيت انه اردني ) مندوب يدعي انه غني وبدأ يقنعني وقوة لحس مخ وانت بس عطنا الفين قلت ماعندي قالوا تسلفها من ابوك من اخوك قلت ماعندهم انت سلفني ( قلتها للمندوب ) وانا ارجعها لك بعد مايجيني المرابح رفض المندوب قلت اجل يالله توكل وبعدها بيوم اتصلت عليه وهددته ان ماطلع من المدينه اللي انا فيها راح يقبض عليه من المباحث لانني مابيه يضحك ع العاطلين المساكين اللي بمدينتنا وثاني يوم وهو حاجز بالطياره وحاط رجله ..!

كلام كثير وقصص وش اقولك ( انا تمرست من الاعيب النصابين على العاطلين لانني انسان ماني حاط ببالي اطلع ريال واحد الا بشي ضامنه مليون بالميه .. وهذا الشي هو اللي خلاني ارفض كل الاقناعات والاساليب النفسيه والكذب والتدليس ومحاولة الضحك واستغلال عطالتي سابقا ) اغلب النصابين دارسين علم نفس ويعرفون كيف يدخلون للعاطل من المنطقه اللي هو محتاجها وهي كيف يحصل على فلوووس باسرع وقت ويصير من كبار التجار

تحيتي لك واشكرك مره اخرى

و الله يالغالي المشآريع كثيره ..

لو انا محلك اتآجر بمنتجآت آبل !!

ربحهآ مضمون .. و مآ في خسآره بإذن الله ..

الله يرزقكـ اخويا من واسع فضله ما عندي اي شي اخدمكـ فيه لاني نفس الشي عندي مبلغ ومني عارف كيف استفيد منه
ولا فيه احد يدعم الكل يتهرب من المساعده او المشاركه

بس اقول الله يرزقكـ من واسع فضله رزق اوله العافيه واخره العتق من النار نحنا والمطلعين والحاضرين

آمين امين


متابع للإستفاده بصراحه احب روح التعاون .. واكره الحسد و مراقبه النا س

اسأل الله انه يبعدنا جميعا عن الحسد وضيقه العين ومراقبه الناس
استمرو الله يسعدكم