السلام عليكم ...

(( هـذه بعض الأمثلة لشباب وشابات اقاموا اعمال لهم خارج المملكة )) وهذا بعض مما يحضرني ...

1 / فيه مجموعة شباب في اندونيسيا يشتغلون في مجال المعدات الثقيلة ( شياول و حفارات و كرينات ........ز الخ ) يشترونها من هناك ويصدرونها على السعودية .

2/ فيه شاب مسوي معمل في اندونيسيا ( وهو معمل تقطير دهن عود ) يعني يصنع دهن العود ويظبطه من الألف الى الياء وبعدين يجيبه للسعودية ويسوقه هنا , وما شاء الله علية شغال من اروع ما يمكن .

3/ فيه بنت سعودية مقيمه في الصين في مدينة ( شنغهاي ) مع ابوها طبعاً , والبنت مصممة ازياء ( طبعاً ماهب مصممه بمعنى الكلمه ) ولكن نقدر نقول ذويقه يعني تجمع من الكاتالوجات وتطلع تصاميم غريبة وحلوة وتبدأ بتصنيعها وتسوقها في السعودية .


ملاحظة هـــــــــــــــــــــــــــــامة /

كل اللي ذكرتهم فوق ليسوا مقيمين بشكل دائم , يعني تقريباً 3 أو 4 أو 5 شهور فقط في السنة جلستهم هناك ..

فيه ثلاث شباب سعوديين سوو قطه بينهم وجمعوا مبلغ ( 200000 ) مائتان الف ريال , وسوو مشروع في اندونيسيا , وش المشروع ؟؟؟

فيه منطقه في اندونيسيا اسمها ( بونجك أو بونشك ) وهذا عباره عن مدينة في جبل وتبعد عن العاصمة جاكرتا حوالي ساعة بالسيارة , وطبعاً ما اوصفلكم وش روعة الطبيعة والجو في هالجبل لأنه صعب الوصف وخيااااااااااالي لأبعد الحدود , المهم ان الجبل هذا يعتبر وجهة اغلب السياح السعوديين ويجلسون فيه بالعشرة والعشرين يوم .
طبعاً السعوديين اذا راحو هناك سواءً عزاب او عوائل فهم يستأجرون فلل , وطبعاً اكثرها تعبانه من ناحية النظافة والديكورات .

الشباب هذولا جمعو راس مالهم وراحو للجبل هذا واستأجرو اول شي عدد ( 7 ) فلل , وبعقد طويل وبعدين جابو عمال وبدأو بشغل الترميم والديكورات وفرشوها بأثاث روعه وبذوق عالي جداً , وبعدين بدأو بتأجيرها يومي للسياح السعوديين وبدأ تسويقهم لمعارفهم في السعودية .

طبعاً هالمشروع بدأ عام 2004 م وحتى نهاية 2006م وصل عدد الفلل عندهم الى اكثر من ( 30 ) فيلا وبنفس النظام , ماشاء الله تبارك الله عليهم والله يبارك لهم ويزيدهم .

انت كفوووو الكفووووو يابوخالد

وشرايك نتقاط انا وياك بناطحة سحاب

انت عليك راس المال

وأنا علي تصميم شكل البرج < < < عشان نكسر سوق المملكه والفيصليه

للرفع ,,,,,

بارك الله فيك أخي

فتى نجد

وأهم اساسيات النجاح بالعمل بالخارج ..

- توفر رأس المال الكافي لبداية المشروع .
- الإصرار على الوصول إلى الغايه .
- اختيار المشروع المناسب والمضمون لنجاح المشروع .
- استشارة من لهم خبرة بهذا المجال .

والصراحه كلنا ودنا نهاجر بس خالين من العوامل الماديه ..

شكراً لك ووفقك الله

شباب ... ويييين ياهوه ... ترحون وتخلونا لا لا لا هههههههههه

الي يبي بالصين انا مستعد اخدمه اعرف ناااس كثير تروح تجيب بضائع ... بس المشكلة كل ماقلت بعطيكم فلوس

تجيبو لي بضاعة قالوو اقل من 100000 لاتكلمنا .. عشان يقل عليك السعر

بالعربي الفصيح .. على قد ماسمعت منهم يقولو فيه مدينة صناعية تقريبا كبر مدينة الرياض كلها مصانع

طب واختار اي شي ببالك يسونه تبي شي درجه اولى ولا مشي حالك

والصين غالية المعيشة فيها ممررررررررررررررره


وبالتفيق ياناس


والله بلدنا فيها خيرررررر فتحووووو روسكم .... بلا هجرة بلا كلام فاضي

انا الحمدالله بديت قبل 6 شهور بمشروعي براس مال 400 ريال بس
والحمدالله ... الخير كثيرررررررررررر

ومشكور على الموضوع


تقبل مروري: سلمان