ليش ما فيه شاب سعودي , جاب طاري انه يهاجر لفتره مؤقته خارج المملكه ويترزق الله هناك , لمدة ثلاث او اربع سنوات مثلاً , ويكون راس مال وعلاقات جيده تنفعه في المستقبل . وخصوصاً في شرق اسيا
(( الصين , اندونيسيا , تايلند , الفلبين , سيريلانكا , الهند , تايوان ))

انتم عارفين وش السبب الرئيسي اللي مخلي الأجانب عموماً مسيطرين على التجاره في السعودية ؟؟
لأنهم سيطرو على اهم نقطه , وهي المنبع ( المصدر )

يعني تلقا اخوه او ولد عمه في الصين او اندونيسيا وهو في الرياض , وهذا يرسل البضائع للسعوديه وهذ يبيع هنا .... وصلت المعلومه ياناااااااااااس .

كلامك صحيح يالغالي
لكن اذا كان هناك عزيمة وارداة واصرار
من السعودي راح ينافسهم ...

موضوع رائع ...

طيب انا اتمنى انه ينعرض فيه كيفية الترزق من هناك ...


ولو مثلا كان تحسين المعيشة بأي دولة من الخليج مثل الامارات .. احس وضعهم المعيشي تمام


انا شخصيا افكر جديا اني اهاجر هناك

كلامك سليم الله ينور عليك

أنا شخصيا مستعيض عن الهجرة بمكتب هناك

طيب يافتى نجد اللي مثلا يفكر جديّا بالموضوع هذا ...

وش الاجراءات بالضبط ؟؟

يعني بداية براس المال وطريقة التفكير والمعيشة و و و

يعني انت عارف بالذات الدول اللي ذكرتها لا يعرفون لا عربي ولا انجليزي ...

وكونك سعودي ممكن ينضحك عليك بسهولة لإنك ماتعرف بالاسعار ...

انا معاك مية بالمية واتمنى اني اخوض هالتجربة لكن ابي شئ محسوس استند عليه من تجارب اللي جربوا ...

بارك الله بجهودك

اختي هافمون....يافديتك دوم هالسؤال يدور بالي الى متى وحنا نعتمد على الاستيراد من الخارج وربي لو لسمح الله صار شي وانقطع عنا الاستيراد رحنا وطي كل شي نعتمد عليه من الخارج سيارات مكيفات طائرات قطع غيار السياره يوه وش اعد لعد...من جد يوم جا برنامج برمضان لا يحضرني اسمه حاليا كانت نغزه للتجار ولنا كلنا يالعرب يوم دار على محلات مختلفه بمنتوجاتها كمحلات الجوال والكمبيوتر الاجهزه وغيره وغيره يدور حاجه مكتوب بها
made in ksa
النتيجه تخجل ولا شي فقط بعض المنتوجات الغذائيه لو جمعها وعرضها على الطاوله يمكن طاوله متر في متر كبيره على هالمنتوجات
تمنيت ان عندنا مصانع تنتج كل ما يحتاجه المواطن وامن الدوله (من اسلحه لطائرات لدبابات الى غيره)
شعبنا لو درب وربي عباقره ومجتهدين...محد مكسب هالدول غيرنا شفتو انتم يوم قاطعنا المنتوجات الدنماركيه طلع يا كثر الاشياء اللي نستخدمها صناعه دنماركيه

لو فكر احد التجار العرب الراغب بالاستثمار يتبنى مشروع تدريب الشباب والشابات في دول شرق اسيا تدريب مهني محترف ثم يفتح مصنع لو صغير راح يتطور مستقبلا هالمصنع تخصصه بنفس اللي تدربو عليه الشباب ثم يقومون ويدربون الشباب والشابات اللي بلدهم وعملوا بهالمصنع راح نحقق نجاح ساحق لرغبة الكثير من الشعب السعودي بالعمل مهما كان حتى لو مهني وراح يبدعون فيه

لكن مجرد امنيات لعل الله سبحانه وتعالى يسخر هذه الامنيات والافكار على ارض الواقع وتتحقق بالتوفيق

اخوي فتى نجد...حفظه الله


ياخوك يبي لنا اول شي راس مال...وبعدين تجي الخبرة.....والاولى عيت تجي....والثانية مالها لزمة اذا الاولى ما جات....

لو القى من يمولني بالمبلغ المطلوب....مافيه مشكلة اخوض هالمجال....طبعا بعد ما اشتغل في نفس المجال وفي كل الخطوات....

وصلت الفكرة؟؟؟