02-02-2012, 02:59 PM
|
|
Guest
|
|
تاريخ التسجيل: Jul 2011
الدولة: بيتنا
المشاركات: 839
معدل تقييم المستوى: 0
|
|
اخوي مساك الله بالخير
عشان تنجح بمشروعك لا زم تعرف اسعار السوق كل يوم اول باول
وتحاول انت تامن بضاعة بارخص من سعر السوق او على الاقل بنفس سعر السوق
وعشان تحقق ها الامر مالك الى حلين لا ثالث لهم
الاول - انك تتعامل مع مزارع تشتري منهم بشكل يومي بفارق سعر عن السوق ريال اوريالين او ثلاثة بحكم انك انت اللي بتجيهم وتشيل الخضار من عندهم ولا تكلفهم شيل وحط وسيارة للسوق كذا انا اقول لك حلو توكل على الله
الثاني - انك تشتري من الحراج كل فجر تحضر الحراج وتزاود الين تشتري لك كم بيعة بس لا زم تعرف اسعار السوق وتعرف تقيم البضاعة عشان ما تزاود وتتوهق كذا انت تشتري بنفس سعر السوق وتقدر تصرف بضاعتك وانت واقف في نفس السوق وما يحتاج تروح تلف وتصرفها على المحلات لانك بتقارب اصحاب المحلات والجملة بالسعر وانت تقدر تنزل بالسعر لانك ماعندك زود مصاريف اجار محل عمال وغيرة بينما اصحاب المحلات ما يقدرون ينزلون لا نهم حاسبين حساب كل شي
وارض في البداية بالقليل ياتيك الكثير
ملاحضة :
عشان تقدر تزاود في الحراج
تعال قبل الحراج بساعة وخذ لك لفة على البرحة وشوف البضائع اللي نازلة بالحراج وشف الكميات كل صنف شف كميتة الصنف اللي متوفر بكثرة وتشوف ان فائض هذا سعره بيكون قليل اما الصنف اللي قليل بالسوق هذا بيكون اغلى وحاول لا تشتري من بداية الحراج ولا تشتري في نهايتة احسن شي تشتري بعد ما يستفتحون المحرجين شوي ابد زاود واركد
في الختام توكل على الله
ولا تتردد ولا تخاف
والله يرزقنا وياك الرزق الحلال
واي استفسار انا بالخدمة
|
العرض العادي
