السلام عليكم ورحمة الله وبركاته
موضوعي او سؤالي ممكن يكون فيه كمية من التناحه + الفهاوة + التناكة
بس معليش تحملوني
انا طالبة جامعية منتظمه ولكن بدون مكافئة من دخلت هالجامعة مااخذت مكافئة الا لمدة 9 شهور تقريبا وعشان مااظلمهم خليني اقول سنة
لاني اعتذرت ثلاث اترام + ايقاف ترم واحد + اني خلصت المدة النظامية للتخرج وحاليا ادرس فرصة استثناية
لا مكافئة من الجامعة + حافز لا يشملني + ربكم يعين
المهم سمعت كثير ان فيه طالبات منتظمات ونزل لهم حافز واخرها اليوم وحده قالت لي ان اخو زوجها معاه ابتدائي وعمره 25 فجاءه قرر يكمل دراسته بعد العطاله والتبطح بس يوم سجل بالمدرسة نزل برنامج حافز وهو اعجبه الوضع وسجل فيه ولكن غير مؤهل لانه طالب رفع تظلم مدري شكوى مدري ايش بالضبط ولا ادري وين راح بس انهم نزلوا له حافز وصار في اولى متوسط ويستلم حافز

هل ممكن انهم يقبلوني مع العلم اني سجلت فيه ؟؟
هل ممكن تصير من عجايب الدنيا واتحووفز ؟؟
هل فيه مصباح علاء الدين السحري ويطلع لي المارد مكتوب على جبهته حافز ويقولي شبيك لبيك حافز بين ايديك

اصقعوني بقصص مشابهه واذا احد يعرف ناس فعلا كذا او هي قصص من نسج الخيال تعرفون عاد حافز اثرى القريحة القصصية لدى الكثير
اقل شيء سلكوا لي
او ارفعوا الموضوع بدعوة لعل الله يستجيب

سجلي وليش لا اذا الله كتب لك فيه رزق بيجيك

تامنين بالله الاانا مطابقة لجميع الشروط لكن للأسف البنوووووووك

اتعبووووني الي يومك وانا اروح للبنوك ويقولي تعالي بعد شهر 2 3 4 5 والعلم عند الله كم كمان بيخلووونها اذا رجعت لهم

اقول وانا اختك سجلي وسمي بالله قبل لاتسجلين

[align=center]


{ لازم تتحوفزين مايصير كذا انتي تستحقينها ولا لا وان شاء الله يصير خير

معاك صلاح الدين افركي جبهتي واسوي حركه في موقع حافز اخليك مؤهلة

بس كل شي بحقه ...



[/align]

المهم سمعت كثير ان فيه طالبات منتظمات ونزل لهم حافز واخرها اليوم وحده قالت لي ان اخو زوجها معاه ابتدائي وعمره 25 فجاءه قرر يكمل دراسته بعد العطاله والتبطح بس يوم سجل بالمدرسة نزل برنامج حافز وهو اعجبه الوضع وسجل فيه ولكن غير مؤهل لانه طالب رفع تظلم مدري شكوى مدري ايش بالضبط ولا ادري وين راح بس انهم نزلوا له حافز وصار في اولى متوسط ويستلم حافز


ياقلبي هذا يدرس ليلي او منازل

والليلي او المنازل او الانتساب حافز يشملهم

لان عمره 25 مو عمر شخص يدرس نهاري مع الطلاب

....

وانتي قدمي مو خسرانه شيء ان شاء الله يشملك

زميلتي كانت معي بالجامعه صارت لها ظروف واجلت سنه ونص
والمستوى هذا الجاي بيصير لها سنتين .. وتصرف لها مكآفاه
من الجامعه الى الان ومع هذا نزل لها حافز ..
وبآذن الله بحيله اللي ماتنام عينه تنزلك حافز ..

كفت ووفت رغوده ووضحت لك بالنسبه للي انقبل وهو يدرس منازل

وانا اضم صوتي للكل قدمي وماتدرين يمكن يجيك الرزق واذا الله امر فيه ما بيردونه لجان حافز