[align=center] وعليكم السلام ورحمة الله وبركاته

آمين ويجعل لك من دعوتك نصيب
الله يفتحها عليك يارب من عنده ويحقق امانيك وامنياتي وامنيات الجميع

مدري اذا فيه بديل لعبداللطيف جميل بس حلو انك تخطط وانت للحين ماتدري من وين بتدبر راس المال
انت ذكر يمديك تباشر في مشروعك بنفسك
يعني تقدر تدور لك على شريك تكونون واثقين من بعض عليه راس المال وعليك تشغيل الفلوس
اما آجار المحل تتفقون بينكم يا هو يدفعه وتتقاسمون الأرباح
يا أنه يخليك تدفع الآجار بس توفر له مبلغ معين تتفقون عليه كل شهر يكون ثابت مثل 3000 والباقي لك

وبالنسبة لاختياراتك
مكتب عقار يدخل ذهب بس للي يفهم فالشغله
اعرف كم واحد فتحوا مكاتب وسكروها بالاخير ماتكسب بس دفع آجار ع الفاضي
لأن مالهم خبرة في هالمجال
ومافي تاجر بيحط عقار عند محل ماعندة خبرة ولا هو متوسع في هالمجال.

الخضار حلو بس لنفرض ان الدخل اقل من متوسط او منخفض وش بتسوي بالخضار؟
خصوصا إن لها صلاحية وتنتهي

اقترح عليك مغسلة من جد تـــــــــــــــــــــــــــــــــــــدخل ماشاءالله
انا نفسي بمغسلة وزيك ماكسر مجاديفي إلا راس المال وحتى لو خذت من صندوق عبداللطيف جميل الآجارات بعد مكسره مجاديفي

اذا معزم ان شاءالله الله يفتحها عليك وييسر لك راس مال اقترح عليك مغسلة ملابس[/align]

أخوي أتوقع كل المؤسسات الي تدعم مشاريع الشباب يطلبون كفيل غارم ...

لكن مثل ماقال أخوي مجموعة امنيات أدخل لك مع شريك وياليت تكون البدايه لو تعمل في محل عقار وبكره راح تملك مكتب ويكون أخذت خبره جيده ,,,


بالتوفيق لك يالغالي ..

بنك التسليف , او قرض ..
او تقسيط ( سوا ) الجائز شرعاً ..

30.000 ترجعها " 45.000 " او فوائد .5-45% "

مالها شروط كثيرة ولا تلزمك تكون موظف وغيره ..
عندهم شرطين فقط , ان يكون حسابك على نفس البنك
الي تتعامل معه الشركة , وان تعطيهم شيك بنفس قيمة السلفه
مثلاً ,, تبي تقترض 50.000 , ارباح الشركة راح تكون تقريباً 20.000
, تسويلهم شيك بدون تاريخ بقيمة 70.000 , وتسدد شهرياً
مبلغ متفق عليه , عادة يكون على ( 20 - 22 شهر ) مع اخر قسط
يرجع لك الشيك ,,

الشيك طبعاً يكون ضمان للشركة في حال صار مشكله , مثل رهن المنازل
وغيره .. ونصيحة لك اخوي ان تعاملت بهالطريقة لاتقبل الا بالحلال ( نظام
بطاقات السوا ) .. وهي انه يعطيك بطاقات سوا بقيمة السلفه , وانت تروح
تبيعها في المرسلات ..